ଭାରତରେ ବନ୍ଦ ହୋଇଯିବ କି ଫେସବୁକ୍ ? କର୍ଣ୍ଣାଟକ ହାଇକୋର୍ଟ କମ୍ପାନୀକୁ ଦେଲେ ଚେତାବନୀ
ବେଙ୍ଗାଲୁରୁ: ବୁଧବାର କର୍ଣ୍ଣାଟକ ହାଇକୋର୍ଟ ସୋସିଆଲ ମିଡିଆ ପ୍ଲାଟଫର୍ମ ଫେସବୁକକୁ ଚେତାବନୀ ଦେଇଛନ୍ତି। କୋର୍ଟ କହିଛନ୍ତି ଯେ ଯଦି ଫେସବୁକ ରାଜ୍ୟ ପୋଲିସ ସହ ସହଯୋଗ କରିବାରେ ସକ୍ଷମ ନୁହେଁ, ତେବେ ସମଗ୍ର ଭାରତରେ ସେବା ବନ୍ଦ କରିବାକୁ ମଧ୍ୟ ଆମେ ବିଚାର କରିପାରିବୁ ।
କୁହାଯାଇଛି ଯେ ସାଉଦି ଆରବରେ କାରାଗାରରେ ଥିବା ଜଣେ ଭାରତୀୟଙ୍କ ସହ ମାମଲାର ତଦନ୍ତ ସମ୍ପର୍କରେ କୋର୍ଟଙ୍କ ଏହି ମନ୍ତବ୍ୟ ଆସିଛି । ଅଭିଯୋଗ ହୋଇଛି ଯେ ଫେସବୁକ କର୍ଣ୍ଣାଟକ ପୋଲିସ ସହ ଏହି ପ୍ରସଙ୍ଗରେ ସହଯୋଗ କରୁନାହିଁ ।
ଜଷ୍ଟିସ କୃଷ୍ଣ ଏସ ଦୀକ୍ଷିତଙ୍କ ଏକ ବେଞ୍ଚ ଡାକସିନା କନ୍ନଡ ଜିଲ୍ଲାର ମାଙ୍ଗାଲୁରୁ ନିକଟ ବିକର୍ଣ୍ଣାଟକ ନିବାସୀ କବିତାଙ୍କ ଦ୍ୱାରା ଦାଖଲ ହୋଇଥିବା ଏକ ଆବେଦନକୁ ନେଇ ଏହି ଚେତାବନୀ ଦେଇଛନ୍ତି। ବେଞ୍ଚ ଫେସବୁକକୁ ନିର୍ଦ୍ଦେଶ ଦେଇଛନ୍ତି ଯେ ଆବଶ୍ୟକ ସୂଚନା ସହିତ ସମ୍ପୂର୍ଣ୍ଣ ରିପୋର୍ଟ କୋର୍ଟର ଏକ ସପ୍ତାହ ପୂର୍ବରୁ ଦାଖଲ କରାଯିବା ଉଚିତ।
ଏହା ମଧ୍ୟ ଦୁଃଖର ବିଷୟ ଯେ ମିଥ୍ୟା ମାମଲାରେ ଜଣେ ଭାରତୀୟ ନାଗରିକଙ୍କୁ ଗିରଫ କରିବା ମାମଲାରେ କେଉଁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ସେନେଇ କେନ୍ଦ୍ର ସରକାର ସୂଚନା ଦେବା ଉଚିତ୍। ମଙ୍ଗଲୁରୁ ପୋଲିସକୁ ମଧ୍ୟ ସଠିକ୍ ତଦନ୍ତ ଏବଂ ରିପୋର୍ଟ ଦାଖଲ କରିବାକୁ ପଡ଼ିବ ବୋଲି କୋର୍ଟ କହିଛନ୍ତି, ଶୁଣାଣି ଜୁନ୍ 22 କୁ ସ୍ଥଗିତ ରଖାଯାଇଛି।
କବିତା ତାଙ୍କ ପିଟିସନରେ କହିଛନ୍ତି ଯେ ତାଙ୍କ ସ୍ୱାମୀ ଶୈଲେଶ କୁମାର (52 ବର୍ଷ) ସାଉଦି ଆରବରେ ଏକ କମ୍ପାନୀ ସହିତ 25 ବର୍ଷ କାମ କରୁଥିବାବେଳେ ସେ ନିଜ ପିଲାମାନଙ୍କ ସହିତ ତାଙ୍କ ଜନ୍ମସ୍ଥାନରେ ରହୁଥିଲେ।
ସେ କହିଛନ୍ତି ଯେ 2019 ରେ ନାଗରିକତା ସଂଶୋଧନ ଅଧିନିୟମ (CAA) ଏବଂ ନ୍ୟାସନାଲ ରେଜିଷ୍ଟର ଅଫ୍ ସିଟିଜେନ୍ସ (NRC) କୁ ସମର୍ଥନ କରି ସେ ଫେସବୁକରେ ଏକ ବାର୍ତ୍ତା ରଖିଥିଲେ । କିନ୍ତୁ ଅଜ୍ଞାତ ବ୍ୟକ୍ତି ତାଙ୍କ ନାମରେ ଏକ ନକଲି ଫେସବୁକ୍ ଆକାଉଣ୍ଟ ଖୋଲି ତାଙ୍କ ବିରୋଧରେ ଆପତ୍ତିଜନକ ପୋଷ୍ଟ ପୋଷ୍ଟ କରିଥିଲେ। ତେବେ ଏହା ତାଙ୍କ ଜ୍ଞାତରେ ଆସିବା ମାତ୍ରେ କୁମାର ପରିବାର ଲୋକଙ୍କୁ ଜଣାଇଥିଲେ ଏବଂ କବିତା ଏ ସମ୍ପର୍କରେ ମାଙ୍ଗାଲୁରୁରେ ପୋଲିସ ନିକଟରେ ଅଭିଯୋଗ କରିଥିଲେ। ତେବେ ସାଉଦି ପୋଲିସ ଶୈଲେଶ କୁମାରଙ୍କୁ ଗିରଫ କରି ଜେଲରେ ରଖିଥିଲା।
ଏହି ଘଟଣାର ତଦନ୍ତ କରୁଥିବା ମାଙ୍ଗାଲୁରୁ ପୋଲିସ ଫେସବୁକକୁ ଚିଠି ଲେଖି ନକଲି ଫେସବୁକ ଆକାଉଣ୍ଟ ଖୋଲିବା ସମ୍ପର୍କରେ ସୂଚନା ମାଗିଥିଲା। କିନ୍ତୁ, ଫେସବୁକ ପୋଲିସକୁ କୈଣସି ପ୍ରତିକ୍ରିୟା ଦେଇନଥିଲା । 2021 ମସିହାରେ, ଆବେଦନକାରୀ ତଦନ୍ତରେ ବିଳମ୍ବକୁ ନେଇ ହାଇକୋର୍ଟଙ୍କ ନିକଟକୁ ଯାଇଥିଲେ। ସ୍ୱାମୀଙ୍କୁ ଜେଲରୁ ମୁକ୍ତ କରିବା ପାଇଁ କବିତା ମଧ୍ୟ କେନ୍ଦ୍ର ସରକାରଙ୍କୁ ଚିଠି ଲେଖିଥିଲେ।
Click it and Unblock the Notifications
Sign in with Google