ଶପଥ ସମାରୋହରେ ପହଁଞ୍ଚିଲା ଚିତାବାଘ! ସୋସିଆଲ ମିଡିଆରେ ଭାଇରାଲ ହେଉଛି ଭିଡ଼ିଓ
ନୂଆଦିଲ୍ଲୀ: ରବିବାର ଜୁନ୍ ୯ ତାରିଖ ସଂନ୍ଧ୍ୟାରେ ରାଷ୍ଟ୍ରପତି ଭବନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତୃତୀୟ ଥର ପାଇଁ ଶପଥ ଗ୍ରହଣ କରିଛନ୍ତି । ଏହି ସମୟରେ ମଧ୍ୟ ୭୨ ମନ୍ତ୍ରୀ ମଧ୍ୟ ତାଙ୍କ ସହିତ ଶପଥ ନେଇଥିଲେ, ଯାହାକୁ ୬ ହଜାରରୁ ଅଧିକ ଅତିଥି ସାକ୍ଷୀ ରହିଥିଲେ । କେବଳ ଏତିକି ନୁହେଁ, ଏହି କାର୍ଯ୍ୟକ୍ରମ ସମୟରେ ଏକ ନିମନ୍ତ୍ରିତ ଅତିଥି ମଧ୍ୟ ଆସିଥିଲେ, ଯାହାର ଭିଡିଓ ସୋସିଆଲ ମିଡିଆରେ ଏବେ ଖୁବ୍ ଭାଇରାଲ ହେବାରେ ଲାଗିଛି ।
ସୋସିଆଲ ମିଡ଼ିଆରେ ଏକ ୧୨ ସେକେଣ୍ଡର ଭିଡିଓ ଭାଇରାଲ ହୋଇଛି ଯେଉଁଥିରେ ମନ୍ତ୍ରୀ ଦୁର୍ଗାଦାସ ଉଇକେ ଶପଥ ଗ୍ରହଣ କରି ଦସ୍ତଖତ କରୁଥିବା ନଜର ଆସିଛନ୍ତି । ଆଉ ସେହି ସମୟରେ ଏକ ବଣୁଆ ଜନ୍ତୁ ତାଙ୍କ ପଛରେ ସିଡ଼ି ଦେଇ ଯାଉଥିବାର ଦେଖାଯାଉଛି । ଏହା କେଉଁ ବଣୁଆ ଜନ୍ତୁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ, କିନ୍ତୁ ଏହା ଏକ ଚିତାବାଘ ବୋଲି ଅନୁମାନ କରାଯାଉଛି ।
ପଶୁର ଆକୃତିରୁ ଏହା ଅନୁମାନ କରାଯାଉଛି ଯେ ଏହା ବୋଧହୁଏ ଏକ ଚିତାବାଘ ଥିଲା । କିଛି ଲୋକ କୁହଛନ୍ତି ଯେ ବୋଧହୁଏ ସେ ଏକ ଗୃହପାଳିତ ପଶୁ । ତେବେ ଏପର୍ଯ୍ୟନ୍ତ ଏହା କେଉଁ ପ୍ରାଣୀ ବୋଲି ସ୍ପଷ୍ଟ ହୋଇନାହିଁ । ସୋସିଆଲ ମିଡିଆରେ କିଛି ଲୋକ ଏହି ଭିଡିଓର ସତ୍ୟତା ଉପରେ ମଧ୍ୟ ପ୍ରଶ୍ନ ଉଠାଇଛନ୍ତି ।
ତଥାପି, ଯେତେବେଳେ ଆମେ ୟୁଟ୍ୟୁବରେ ଶପଥ ଗ୍ରହଣ ସମାରୋହରେ ଡିଡ଼ି ନ୍ୟାସନାଲ ଟେଲିଭିଜନର ସମ୍ପୂର୍ଣ୍ଣ ଭିଡିଓ ଦେଖିଲୁ, ତାହା ସଠିକ୍ ଲାଗିଲା । ଆଉ ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ଶପଥ ଗ୍ରହଣ ସମାରୋହର କଭରେଜରେ ମଧ୍ୟ ସମାନ ଭିଡିଓ ଦେଖିବାକୁ ମିଳିଛି । ତେବେ ଏହା ପଶୁଥିଲା ନା ଆଉ କିଛି ତାହା କୌଣସି ଅଧିକାରୀ ସ୍ପଷ୍ଟ କରି ନାହାଁନ୍ତି ।
ସୋଶାଲ ମିଡିଆରେ ଏହାକୁ ଅନେକ ଲୋକ ଶେୟାର କରିଛନ୍ତି। ଜଣେ ୟୁଜର୍ସ ଭିଡିଓ ଶେୟାର କରି କହିଛନ୍ତି, "ଏହା କ'ଣ ବାଘ? ନା ସାଧାରଣ ବିଲେଇ କିମ୍ବା କୁକୁର? ଯଦି ଏହା ବିଲେଇ, ତା'ହେଲେ ଠିକ ଅଛି। ଯଦି ଏହା ବାଘ, ତା'ହେଲେ ସୁରକ୍ଷାକର୍ମୀମାନେ କ'ଣ କରୁଛନ୍ତି? ଏହାର ସୁରକ୍ଷାରେ ତ୍ରୁଟି। ରାଷ୍ଟ୍ରପତି ଭବନରେ ଏପରି ତ୍ରୁଟି ହୋଇଛି କି?"
Click it and Unblock the Notifications
Sign in with Google