ଏଠି ଗଛ ଉପରେ କାହିଁକି ଲୁଚି ବସିଛି ପୋଲିସ ?

ମଥୁରା: ଉତ୍ତର ପ୍ରଦେଶର ଯମୁନା ଏକ୍ସପ୍ରେସ ୱେରେ ଲୁଟ ଘଟଣା ପୋଲିସ ପ୍ରଶାସନର ଚିନ୍ତା ବଢାଇ ଦେଇଛି । ଏପରି ଲୁଟ୍‌ ଘଟଣା ନେଇ ବାରମ୍ବାର ଅଭିଯୋଗ ହେବା ପରେ ଆକ୍ସନ ମୁଡ଼କୁ ଆସିଛି ପୋଲିସ୍‌ । ଲଗାତାର ଲୁଟ ପରେ ଜାତୀୟ ରାଜପଥରେ ପାଟ୍ରୋଲିଂକୁ ବଢାଇ ଦିଆଯାଇଛି ।

ସେହିପରି ସିଭିଲ୍‌ ଡ୍ରେସ୍‌ରେ କିଛି ପୁଲିସ୍‌ କର୍ମୀ ରାତି ସାରା ଗଛ ଉପରେ ବସି ରହୁଛନ୍ତି । ସେମାନେ ନିଜ ପାଖରେ ବନ୍ଧୁକ ରଖୁଥିବା ବେଳେ ଦୂରବୀକ୍ଷଣ ଯନ୍ତ୍ର ସାହାଯ୍ୟରେ ଦୂରରୁ ଆସୁଥିବା ଗାଡ଼ି ତଥା ଲୋକଙ୍କ ଗତିବିଧି ଉପରେ ନଜର ରଖୁଛନ୍ତି । ମଥୁରା ପୋଲିସର ଏଭଳି କାର୍ଯ୍ୟାନୁଷ୍ଠାନରେ ଖୁସି ପ୍ରକାଶ କରିଛନ୍ତି ଯମୁନା ଏକ୍ସପ୍ରେସ ୱେ ପ୍ରାଧିକରଣ ।

ତେବେ ପ୍ରାଥମିକ ତଦନ୍ତରୁ ଅପରାଧୀଙ୍କ ବୟସ ୨୦ ରୁ ୩୫ ବର୍ଷ ବୟସ ହୋଇଥିବା ଅନୁମାନ କରାଯାଉଛି । ସ୍କେଚ ଆଧାରରେ ଏକ୍ସପ୍ରେସ ୱେରେ ଲାଗିଥିବା ସିସିଟିଭିର ନିୟମିତ ଯାଞ୍ଚ କରାଯାଇ ଗିରଫ କରିବା ପାଇଁ ପୋଲିସ ପ୍ରୟାସ ଚଳାଇଛି ।

ସୂଚନାଥାଉ କି, ଗତ ୨୯ ତାରିଖରେ ଜଣେ ଇଞ୍ଜିନିୟର ନିଜ ପତ୍ନୀ ଓ ଡ୍ରାଇଭରଙ୍କ ସହ କାର୍‌ରେ ଯାଉଥିବା ବେଳେ ଲୁଟେରାମାନେ ପ୍ରଥମେ ତାଙ୍କ କାର୍‌ ଉପରକୁ ଟେକାମାଡ଼ କରିଥିଲେ । ଏହାପରେ ଗାଡ଼ି ଅଟକିବାରୁ ସେମାନେ ଧମକାଇ ଟଙ୍କା, ସୁନା ନେଇ ଫେରାର ହୋଇ ଯାଇଥିଲେ ।

ସେହିପରି ଗତ ୨ ତାରିଖରେ ଜଣେ ତେଜରାତି ହୋଲସଲର ନିଜ ୩ ବନ୍ଧୁଙ୍କ ସହ ଯାଉଥିବା ବେଳେ ଲୁଟ୍‌ର ଶିକାର ହୋଇଥିଲେ । ଏହାପରେ ଜଣେ ମହିଳା ନିଜ କାର୍‌ରେ ଯାଉଥିବା ବେଳେ ଟେକାମାଡ଼ ଯୋଗୁ ସେ ଗୁରୁତର ହୋଇ ଚିକିତ୍ସିତ ହେଉଛନ୍ତି ।

English summary

Why Mathura Police Hiding on Tree at Night ?