୨୦୨୯ରେ କିଏ କରିବ ସରକାର? ଏବେ ଠୁ ଚନ୍ଦ୍ରବାବୁ କରିଦେଲେ ଭବିଷ୍ୟବାଣୀ, କହିଲେ....

୨୦୨୯ ଲୋକସଭା ନିର୍ବାଚନକୁ ନେଇ ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁ କରିଛନ୍ତି ଭବିଷ୍ୟବାଣୀ । ୨୦୨୯ ମସିହାରେ କାହାର ସରକାର ଗଠନ ହେବ ସେ କହିଛନ୍ତି। ତେବେ ଶୁକ୍ରବାର ଏନ ଚନ୍ଦ୍ରବାବୁ ନାଇଡୁ କହିଛନ୍ତି ଯେ, ୨୦୨୯ ରେ କ୍ରମାଗତ ଚତୁର୍ଥ ଥର ପାଇଁ ଜାତୀୟ ଗଣତାନ୍ତ୍ରିକ ମେଣ୍ଟ ବା ଏନଡିଏ କେନ୍ଦ୍ରରେ ସରକାର ଗଠନ କରିବ। ଏକ ସମ୍ମିଳନୀକୁ ସମ୍ବୋଧିତ କରି ମୁଖ୍ୟମନ୍ତ୍ରୀ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଗତ ୧୧ ବର୍ଷ ଧରି ବିଜୟ ହାସଲ କରାଯାଇଛି।

ତୃତୀୟ ନିର୍ବାଚନ ସରିଛି ଏବଂ ଚତୁର୍ଥ ନିର୍ବାଚନ ମଧ୍ୟ ସରିଛି। ଦେଶର ଲୋକମାନେ ଜାତୀୟ ଗଣତାନ୍ତ୍ରିକ ମେଣ୍ଟକୁ ଆଶୀର୍ବାଦ ଦେବେ। ଏଥିରେ କୌଣସି ସନ୍ଦେହ ନାହିଁ। ଭାରତର ଉଜ୍ଜ୍ୱଳ ଭବିଷ୍ୟତ ପାଇଁ NDAର କ୍ଷମତାକୁ ଫେରିବା ଜରୁରୀ।ପ୍ରଧାନମନ୍ତ୍ରୀ ମୋଦିଙ୍କ ପ୍ରଶଂସା କରି ଚନ୍ଦ୍ରବାବୁ ନାଇଡୁ ଆହୁରି କହିଛନ୍ତି, ଗତ ୧୧ ବର୍ଷ ମଧ୍ୟରେ ସେ ଭାରତକୁ ୧୧ତମ ବୃହତ୍ତମ ଅର୍ଥନୀତିରୁ ଚତୁର୍ଥ ବୃହତ୍ତମ ଅର୍ଥନୀତି କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି।

ସେହିପରି ଅମରାବତୀରେ ଆରମ୍ଭ ହୋଇଥିବା ସମସ୍ତ ପ୍ରକଳ୍ପ ଆଗାମୀ ତିନି ବର୍ଷ ମଧ୍ୟରେ ସମାପ୍ତ ହେବ। ଏଥିରେ ପ୍ରାୟ ୫୦ ହଜାର କୋଟି ଟଙ୍କା ବ୍ୟୟରେ ନିର୍ମିତ ଭିତ୍ତିଭୂମି ପ୍ରକଳ୍ପ ଅନ୍ତର୍ଭୁକ୍ତ ବୋଲି ସେ କହିଛନ୍ତି। ଏଥିସହ ଗ୍ରୀନଫିଲ୍ଡ ରାଜଧାନୀ ଅମରାବତୀର ସମ୍ପୂର୍ଣ୍ଣ ଭିତ୍ତିଭୂମି ୨୦୨୮ ସୁଦ୍ଧା ପ୍ରସ୍ତୁତ ହୋଇଯିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅମରାବତୀର ଉଦଘାଟନ କରିବେ ଏବଂ ଏହାକୁ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିବେ ବୋଲି ଚନ୍ଦ୍ରବାବୁ ନାଇଡ଼ୁ କହିଛନ୍ତି । ତେବେ ୨୦୨୪ ଲୋକସଭା ନିର୍ବାଚନରେ ​​ବିଜେପି ୨୪୦ ଆସନ ପାଇଥିଲା। ସେହିପରି ଚନ୍ଦ୍ରବାବୁ ନାଇଡୁଙ୍କ ଦଳ ଟିଡିପି ୧୬ ଆସନ ଜିତିଥିଲା। ଟିଡିପି ନେତା କିଞ୍ଜାରାପୁ ରାମମୋହନ ନାଇଡୁ ୨୦୨୪ ମସିହାରେ ବିଜେପି ନେତୃତ୍ୱାଧୀନ ଏନଡିଏ ସରକାରରେ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ହୋଇଥିଲେ।