ପ୍ରଶାନ୍ତଙ୍କ ବଡ଼ ଘୋଷଣା, କହିଲେ ଏହି ମାନଙ୍କ ହାତରେ ରହିବ ଦଳର ନେତୃତ୍ୱ

ପାଟନା: ଆଉ କିଛି ମାସ ପରେ ଅର୍ଥାତ୍ ୨୦୨୫ରେ ହେବ ବିହାର ବିଧାନସଭା ନିର୍ବାଚନ । ରରାଜ୍ୟରେ ଆଗାମୀ ନିର୍ବାଚନ ଲାଗି ରାଜନୀତି ହୋଇଛି ପୁରା ଉଷ୍ମ । ମଇଦାନକୁ ଓହ୍ଲାଇଲେଣି ସମସ୍ତ ରାଜନୈତିକ ଦଳ । ବିଶେଷ କରି ବର୍ତ୍ତମାନ ବିହାରରେ ରାଜନୈତିକ ରଣନୀତିଜ୍ଞ ପ୍ରଶାନ୍ତ କିଶୋର ତାଙ୍କ ଜନ ସୁରାଜ ପାର୍ଟିକୁ ଖୁବ୍ ଚର୍ଚ୍ଚାରେ ।

ଅକ୍ଟୋବର ୨, ୨୦୨୪ରେ 'ଜନ ସୁରଜ' ପାର୍ଟି ଗଠନ ହେବାକୁ ଯାଉଛି । ଏହି ଅଭିଯାନ ଆରମ୍ଭ କରିଥିବା ପ୍ରଶାନ୍ତ କିଶୋର ଏଥିପାଇଁ ପ୍ରସ୍ତୁତି ଆରମ୍ଭ କରିଛନ୍ତି । ବର୍ତ୍ତମାନ ପଦଯାତ୍ରା ଅଭିଯାନ ସମୟରେ ଲୋକଙ୍କ ସହ ଭାବର ଆଦାନ ପ୍ରଦାନ କରୁଛନ୍ତି ପ୍ରଶାନ୍ତ । ଆଉ ଆଜି ଏକ ବଡ଼ ଘୋଷଣା କରିଛନ୍ତି ପ୍ରଶାନ୍ତ କିଶୋର । ପ୍ରଶାନ୍ତ କିଶୋର ପାଟନାର ବାପୁ ଅଡିଟୋରିୟମରେ ଏକ କର୍ମଶାଳାକୁ ସମ୍ବୋଧିତ କରିଥିଲେ ।

ଏଥିରେ ସମସ୍ତ ଜିଲା ଓ ବ୍ଲକ ସ୍ତରର ଅଧିକାରୀମାନେ ଅଂଶଗ୍ରହଣ କରିଥିଲେ । ଏହି ସମୟରେ ଦଳର ନେତୃତ୍ୱ କାହା ହାତରେ ହେବ ବୋଲି ପି.କେ ନିଜେ କହିଛନ୍ତି । ପ୍ରଶାନ୍ତ କିଶୋର କହିଛନ୍ତି, ଯଦି ଜନ ସୁରଜ ଦଳ ଗଠନ ହୁଏ ତେବେ ଏହାକୁ ଜେନେରାଲ, ଓବିସି ଏବଂ ମୁସଲମାନ ଭଳି ପାଞ୍ଚଟି ବିଭାଗରେ ବିଭକ୍ତ କରାଯିବ ।

ଦଳର ନେତୃତ୍ୱ ଉପରେ ଏକ ଗଭୀର ଆଲୋଚନା ହୋଇଛି । ନିଷ୍ପତ୍ତି ନିଆଯାଇଛି ଯେ, ପ୍ରତ୍ୟେକ ଥର ପାଞ୍ଚଟି ଶ୍ରେଣୀ ମଧ୍ୟରୁ ଗୋଟିଏକୁ ଦଳର ନେତୃତ୍ୱ ନେବାର ସୁଯୋଗ ଦିଆଯିବ । ମୁଁ ଯାହା ଆଶା କରୁଛି ତାହା ହେଉଛି ପାଞ୍ଚ ବର୍ଷ ମଧ୍ୟରେ ସମାଜର ସମସ୍ତ ବିଭାଗ କାମ କରିବାର ସୁଯୋଗ ପାଇବେ ।