ସଂସଦ ଉପରକୁ ଆକ୍ରମଣ କରିଥି ଚାରି ଜଣ ଅଭିଯୁକ୍ତ କିଏ ? ଜାଣନ୍ତୁ ତାଙ୍କ ପରିଚୟ....

Updated: Wednesday, December 13, 2023, 17:32 [IST]

ନୂଆଦିଲ୍ଲୀ: ଠିକ୍ ଆଜିକୁ ୨୨ ବର୍ଷ ପୂର୍ବେ ସଂସଦ ଉପରେ ଆକ୍ରମଣ ହୋଇଥିଲା ଯାହା ସାରା ଦେଶ ଆଜି ବି ମନେ ରଖିଛି । ପୁଣି ଆଜି ମଧ୍ୟ ୨୨ ବର୍ଷର ଘଟଣା ପୁନରା ବୃତ୍ତି ହୋଇଛି । ସଂସଦ ସୁରକ୍ଷା ବ୍ୟବସ୍ଥାରେ ଦେଖାଦେଇଛି ବଡ଼ ତ୍ରୁଟି ଉଚ୍ଚ ସୁରକ୍ଷା ସହିତ ସଜ୍ଜିତ ସଂସଦର ସୁରକ୍ଷା ଉଲ୍ଲଂଘନ ମାମଲା ସାମ୍ନାକୁ ଆସିଛି। ବୁଧବାର ଲୋକସଭାର କାର୍ଯ୍ୟ ସମୟରେ ଦୁଇଜଣ ଲୋକ ଗ୍ୟାଲେରୀରୁ ଡେଇଁପଡି ଲୋକସଭା ଭବନକୁ ପ୍ରବେଶ କରି ସ୍ପ୍ରେ ମାଧ୍ୟମରେ ଧୂଆଁ ମୟ କରିଦେଇଥିଲେ ।

ଏହି ଘଟଣାର ଭିଡିଓ ସାମ୍ନାକୁ ଆସିଛି। ଏହାର କିଛି ସମୟ ପରେ ଅନ୍ୟ ଦୁଇଜଣ ଲୋକସଭା ବାହାରେ ହଳଦିଆ ରଙ୍ଗର ଧୂଆଁ ମଧ୍ୟ ସ୍ପେ କରିଥିଲେ। ଏହି ମାମଲାରେ ସମସ୍ତ ଚାରି ଜଣଙ୍କୁ ଗିରଫ କରାଯାଇଛି। ସଂସଦକୁ ଡେଇଁଥିବା ଅଭିଯୁକ୍ତ ହେଉଛନ୍ତି ସାଗର ଶର୍ମା ଏବଂ ମନୋରଂଜନ ବୋଲି ପୋଲିସ କହିଛି। ଯେଉଁମାନେ ବାହାରେ ହଳଦିଆ ରଙ୍ଗର ଧୂଆଁ ବ୍ୟବହାର କରିଥିଲେ ସେମାନଙ୍କୁ ନୀଲମ୍ ଏବଂ ଆମୋଲ୍ ସିନ୍ଦେ ବୋଲି ଚିହ୍ନଟ କରାଯାଇଛି |

ନୀଲମ ଏବଂ ଆମୋଲ ସିନ୍ଦେ କିଏ?
ସଂସଦ ବାହାରେ ଗିରଫ ହୋଇଥିବା ନୀଲମ, ହରିୟାଣାର ଜିନ୍ଦରେ ଘାସୋସର ବାସିନ୍ଦା। ପିତା ଉଚାନାରେ ଏକ ମିଠା ଦୋକାନ ଚଳାନ୍ତି | ପିଟିଆଇ ପୋଲିସ୍ କହିଛି ଯେ ଆମୋଲ ସିନ୍ଦେ ମହାରାଷ୍ଟ୍ରର ଲାଟୁର ବାସିନ୍ଦା।

ସାଗର ଏବଂ ମନୋରଂଜନ କିଏ?

ମନୋରଂଜନ କର୍ଣ୍ଣାଟକର ଏବଂ ବୃତ୍ତି ଅନୁଯାୟୀ ଜଣେ ଅଟୋ ଡ୍ରାଇଭର | ସାଗର ଶର୍ମା ଉତ୍ତରପ୍ରଦେଶର ରାଜଧାନୀ ବାସିନ୍ଦା। ଏହି ଚାରି ଅଭିଯୁକ୍ତ ପରସ୍ପରକୁ ଜାଣିଥିଲେ ଏବଂ ନିରନ୍ତର ଯୋଗାଯୋଗରେ ଥିଲେ। ସେମାନେ ମିଳିତ ଭାବେ ସଂସଦରେ ଧୂଆଁ ମୟ କରିବାକୁ ମଧ୍ୟ ଷଡଯନ୍ତ୍ର କରିଥିଲେ।

ଏହି ପ୍ରସଙ୍ଗରେ ଲୋକସଭା ବାଚସ୍ପତି ଓମ ବିର୍ଲା କହିଛନ୍ତି ଯେ ଲୋକସଭା ନିଜସ୍ୱ ସ୍ତରରେ ଅନୁସନ୍ଧାନ କରୁଛି। ଏ ବାବଦରେ ଦିଲ୍ଲୀ ପୋଲିସକୁ ମଧ୍ୟ ନିର୍ଦ୍ଦେଶ ଦିଆଯାଇଛି। ସେ କହିଛନ୍ତି, ସଂସଦ ଧୂଆଁ ବ୍ୟାପିବା ସ୍ୱାଭାବିକ ଥିଲା। ଏ ବିଷୟରେ ଚିନ୍ତା କରିବାର କୌଣସି ଆବଶ୍ୟକତା ନାହିଁ ।

ଏହି ଘଟଣାରେ ଦିଲ୍ଲୀ ପୋଲିସ କହିଛି ଯେ ସଂସଦର ସୁରକ୍ଷା ଉଲ୍ଲଂଘନ ମାମଲାର ପ୍ରାଥମିକ ଅନୁସନ୍ଧାନ ବିବରଣୀରୁ ଜଣାପଡିଛି ଯେ ଦୁଇଜଣ ବ୍ୟକ୍ତି ନୀଲମ ଏବଂ ଆମୋଲ (କମ୍ପ୍ଲେକ୍ସ ଭିତରେ ସଂସଦ ଭବନ ବାହାରେ ଧରାପଡିଛନ୍ତି) ମୋବାଇଲ୍ ଫୋନ୍ ନେଇ ନାହାଁନ୍ତି। ତାଙ୍କ ପାଖରେ କୌଣସି ବ୍ୟାଗ କିମ୍ବା ପରିଚୟ ପତ୍ର ନଥିଲା। ସେମାନଙ୍କୁ ପଚରାଉଚରା ପାଇଁ ପୋଲିସ ଏକ ସ୍ୱତନ୍ତ୍ର ଟିମ୍ ଗଠନ କରୁଛି।