ବିିରୋଧୀଙ୍କୁ କେବେ ଆସିବ ସଦବୁଦ୍ଧି: ରାଜ୍ୟସଭା ଅଧ୍ୟକ୍ଷ
ଦିଲ୍ଲୀ:ସଂସଦୀୟ କାର୍ଯ୍ୟରୁ ବିରୋଧୀ ସାଂସଦଙ୍କ ନିଲମ୍ବନକୁ ବିରୋଧ କରୁଥିବା ଟିଏମସି ସାଂସଦ କଲ୍ୟାଣ ବାନାର୍ଜୀ ମଙ୍ଗଳବାର ଦିନ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖରଙ୍କ ନକଲ କରିଛନ୍ତି , ଯେଉଁଥିରେ ରାହୁଲ ଗାନ୍ଧୀ ଏକ ଭିଡିଓ କରୁଥିବାର ମଧ୍ୟ ଦେଖିବାକୁ ମିଳିଥିଲା । ଟିଏମସି ସାଂସଦ କଲ୍ୟାଣ ବାନାର୍ଜୀ ରାଜ୍ୟସଭା ଅଧ୍ୟକ୍ଷଙ୍କ ନକଲ କରିବା ଘଟଣାରେ ଜଗଦୀପ ଧନକର ଅସନ୍ତୋଷ ବ୍ୟକ୍ତ କରି ଏହା ଗୃହର ଅପମାନ ବୋଲି କହିଛନ୍ତି ।
କଲ୍ୟାଣ ବାନାର୍ଜୀଙ୍କ ନକଲ କରିବା ଘଟଣାରେ ଜଗଦୀପ ଧନଖର କହିଛନ୍ତି ଯେ ବିରୋଧୀମାନେ ମୋତେ ନୁହେଁ, ଗୃହକୁ ଅପମାନିତ କରିଛନ୍ତି । ବିରୋଧୀ ସାଂସଦମାନେ ଗୃହରେ ଅତ୍ୟନ୍ତ ଲଜ୍ଜାଜନକ କାର୍ଯ୍ୟ କରୁଛନ୍ତି । ବିରୋଧୀଙ୍କୁ କେବେ ସଦବୁଦ୍ଧି ଅରସିବ ତାହା ଜଣାନାହଁ ବୋଲି କହିଛନ୍ତି ଜଗଦୀପ ଧନଖର।
ଟିଏମସି ସାଂସଦଙ୍କ କାର୍ଯ୍ୟାନୁଷ୍ଠାନ ଉପରେ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖର କହିଛନ୍ତି, 'ଦିଗବିଜୟ ସିଂ ଜୀ, ମୋତେ ଭଲଭାବେ ଶୁଣନ୍ତୁ । ମୁଁ ଏହାକୁ କିଛି ସମୟ ପୂର୍ବରୁ ଟିଭି ଚ୍ୟାନେଲରେ ଦେଖିଥିଲି । ବହୁତ ତଳକୁ ଖସିବାର କୌଣସି ସୀମା ନାହିଁ । ତୁମର ଜଣେ ବଡ ନେତା ଜଣେ ସାଂସଦଙ୍କ ଅସାମ୍ବିଧାନିକ ଆଚରଣର ଭିଡିଓ ପ୍ରସ୍ତୁତ କରୁଥିଲେ । ସେ ତୁମ ଅପେକ୍ଷା ବହୁତ ବଡ ନେତା । ମୁଁ କେବଳ କହିପାରିବି ଯେ, ଭଲ ବୁଦ୍ଧି ଆସୁ । କିଛି ସୀମା ରହିବା ନିହାତି ଜରୁରୀ । ଦୟାକରି କିଛି ଯାଗାକୁ ତ ଛାଡ଼ି ଦିଅନ୍ତୁ ।
ସୁଚନାନୁସାରେ, ସଂସଦର ପ୍ରବେଶ ପଥରେ ବିରୋଧ କରୁଥିବା ବିରୋଧୀ ସାଂସଦମାନଙ୍କ ମଧ୍ୟରେ ଟିଏମସି ସାଂସଦ କଲ୍ୟାଣ ବାନାର୍ଜୀ ଅଧ୍ୟକ୍ଷ ଜଗଦୀପ ଧନଖରଙ୍କ ଅନୁକରଣ କରୁଥିଲେ । ଏହି ସମୟରେ ଅନ୍ୟ ବିରୋଧୀ ସାଂସଦମାନେ ହସୁଥିବା ବେଳେ କଂଗ୍ରେସ ସାଂସଦ ରାହୁଲ ଗାନ୍ଧୀ କଲ୍ୟାଣ ବାନାର୍ଜୀଙ୍କ ଭିଡିଓ ପ୍ରସ୍ତୁତ କରୁଥିବା ଦେଖିବାକୁ ମିଳିଥିଲା । ଜଗଦୀପ ଧନଖର ତାଙ୍କ ନାମ ନ ନେଇ ରାହୁଲ ଗାନ୍ଧୀଙ୍କୁ ଟାର୍ଗେଟ କରିଥିଲେ । ରାହୁଲ ଗାନ୍ଧୀଙ୍କ ଦ୍ୱାରା ପ୍ରସ୍ତୁତ ଭିଡିଓ ଉପରେ ବିଜେପି କଂଗ୍ରେସକୁ ସମଲୋଚନା କରୁଛି ।
ବିଜେପି ସାଂସଦ ରମେଶ ବିଦୁରୀ କହିଛନ୍ତି ଯେ ଏହି ଲୋକମାନେ ସମ୍ବିଧାନ ବିଷୟରେ ସ୍ଲୋଗାନ ଦେଉଛନ୍ତି, କିନ୍ତୁ ଜଣେ ସାଧାରଣ ଲୋକ ଏହି ପଦବୀରେ ଅଛନ୍ତି ବୋଲି ସେମାନେ ହଜମ କରିବାରେ ସକ୍ଷମ ନୁହଁନ୍ତି । ସୋନିଆ ଏବଂ ରାହୁଲ ଅନୁଭବ କରୁଛନ୍ତି ଯେ ସେମାନେ ଦେଶର ଏକମାତ୍ର ପରିବାର ବୋଲି କହିଛନ୍ତି ରମେଶ ବିଦୁରୀ
Click it and Unblock the Notifications
Sign in with Google