ଆଉ ମାତ୍ର ୫ ଦିନ: ଅଚଳ ହୋଇଯିବ ୨୦୦୦ ଟଙ୍କିଆ ନୋଟ୍ !

Banks to Allow Exchange of 2,000 Rupee Notes till Sept 30: ଯଦି ଆପଣଙ୍କ ପାଖରେ ୨ ହଜାର ଟଙ୍କିଆ ନୋଟ୍ ଏବେ ବି ଅଛି, ତେବେ ତୁରନ୍ତ ବ୍ୟାଙ୍କରେ ନିଅନ୍ତୁ ବଦଳାଇ । କାରଣ ଆଉ ମାତ୍ର ୫ ଦିନ ପରେ ଆଉ ଚାଲିବନି ୨000 ଟଙ୍କିଆ ନୋଟ୍ । ରିଜର୍ଭ ବ୍ୟାଙ୍କ୍ ଅଫ୍ ଇଣ୍ତିଆ କ୍ଲିନ୍ ନୋଟ୍ ପଲିସି ଅନୁସାରେ ୩୦ ତାରିଖ ପରେ ନିଜର ଆଇନଗତ ବୈଧତା ହରାଇବ । ବଜାରରୁ ୨ ହଜାର ଟଙ୍କିଆ ନୋଟ୍ ହଟାଇବା ଲାଗି ସରକାର ନିଷ୍ପତ୍ତି ନେବା ପରେ ଗତ ମେ' ୨୩ ତାରିଖରୁ ୨ ହଜାର ଟଙ୍କିଆର ବଦଳି ବା ଜମା ପ୍ରକ୍ରିୟା ଆରମ୍ଭ ହୋଇଯାଇଥିଲା । ରିଜର୍ଭ ବ୍ୟାଙ୍କମେ ୨୩ ତାରିଖରେ ଏନେଇ ଘୋଷଣା କରିଥିଲା ।

ସୂଚନାଥାଉ ଯେ, ଗତ ମେ ମାସରୁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ୨ ହଜାର ଟଙ୍କାର ନୋଟ୍ ପ୍ରତ୍ୟାହାର କରିବାକୁ ଘୋଷଣା କରିଥିଲା । ତେବେ ବ୍ୟାଙ୍କରେ ନୋଟ୍ ବଦଳି ପାଇଁ ଶେଷ ତାରିଖ ଭାବରେ ୩୦ ସେପ୍ଟେମ୍ବର ସ୍ଥିର କରାଯାଇଛି । ତେଣୁ ଏହି ନିର୍ଦ୍ଧାରିତ ତାରିଖ ପୂର୍ବରୁ ଆପଣ ନିଜ ପାଖରେ ଥିବା ୨ ହଜାର ଟଙ୍କାର ନୋଟ ଗୁଡିକୁ ବ୍ୟାଙ୍କରେ ଜମା କରି ନିଅଚନ୍ତୁ । ୨ ହଜାର ଟଙ୍କା ନୋଟ ବଦଳରେ ଅନ୍ୟ ନୋଟ ଆପଣଙ୍କୁ ବ୍ୟାଙ୍କ ପକ୍ଷରୁ ପ୍ରଦାନ କରାଯିବ ।

ଯଦି ଆପଣଙ୍କ ବ୍ୟାଙ୍କ ଆକାଉଣ୍ଟ ନାହିଁ ତେବେ କ'ଣ କରିବେ
ପ୍ରତ୍ୟେକ ବ୍ୟାଙ୍କରେ ଆପଣ ନିଜ ପାଖରେ ଥିବା ୨ ହଜାର ଟଙ୍କିଆ ନୋଟ୍ ସମ୍ପୁର୍ଣ୍ଣ ମାଗଣାରେ ବଦଳାଇ ପାରିବେ । ବରିଷ୍ଠ ନାଗରିକ ଏବଂ ଦିବ୍ୟାଙ୍ଗମାନଙ୍କ ପାଇଁ ବ୍ୟାଙ୍କରେ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଆରବିଆଇ ଦେଇଥିବା ସୂଚନା ଅନୁସାରେ ଆସନ୍ତା ସେପ୍ଟେମ୍ବର ୩୦ ତାରିଖ ସୁଦ୍ଧା ଆପଣ ୨୦୦୦ ଟଙ୍କିଆ ନୋଟ୍ ବଦଳାଇ ପାରିବେ ।

୧୧୪-ବି ଅନୁସାରେ ଏକ ବ୍ୟାଙ୍କ ବା ଡାକଘରରେ ଗୋଟିଏ ଦିନରେ ୫୦ ହଜାର ଟଙ୍କା ଜମା କରିବା ପାଇଁ ହେଲେ ପ୍ୟାନ୍ କାର୍ଡର ଆବଶ୍ୟକତା ରହିଛି । ଆସନ୍ତା ୩୦ ତାରିଖ ଯାଏ ଆରବିଆଇର ୧୯ଟି ଆଞ୍ଚଳିତ କାର୍ଯ୍ୟାଳୟ ତଥା ନିକଟସ୍ଥ ବ୍ୟାଙ୍କ୍ ଶାଖାରେ ୨ ହଜାର ଟଙ୍କିଆ ନୋଟ୍ ବଦଳା ପାରିବେ । ତେବେ ବିଭିନ୍ନ ଛୁଟିକୁ ଥିବାରୁ ଏହି ଜମା ପ୍ରକ୍ରିୟା ସେପ୍ଟେମ୍ବର ୨୫, ୨୬, ୨୭, ୨୯, ଏବଂ ୩୦ ରେ ହିଁ ଚାଲିପାରିବ ।

English summary

What Is The Last Datr To Deposit 2000 Notes In Bank?