ନିଶିକାନ୍ତଙ୍କ ପରେ ସୁପ୍ରିମକୋର୍ଟଙ୍କ ଉପରେ ମନନ କୁମାରଙ୍କ ବୟାନ, କହିଲେ ପଶ୍ଚିମବଙ୍ଗରେ.....

ବିଜେପି ସାଂସଦ ମନନ କୁମାର ମିଶ୍ରା କହିଛନ୍ତି,ପଶ୍ଚିମବଙ୍ଗର ଅନେକ ଅଞ୍ଚଳ ଜଳୁଛି ସୁପ୍ରିମକୋର୍ଟଙ୍କ ଆଖି ବନ୍ଦ ହୋଇଯାଇଛି। ନିଶିକାନ୍ତ ଦୁବେଙ୍କ ବୟାନ ଉପରେ,ବିଜେପିର ରାଜ୍ୟସଭା ସାଂସଦ ଏବଂ ବରିଷ୍ଠ ଆଇନଜୀବୀ ମନନ କୁମାର ମିଶ୍ରା କହିଛନ୍ତି,ସେ ନିଶ୍ଚିତ ଭାବରେ ରାଗିଯାଇ ସଞ୍ଜୀବ ଖାନ୍ନାଙ୍କ ନାଁ ଉଠାଇଥିବେ ।

ସୁପ୍ରିମକୋର୍ଟ ଯେକୌଣସି ବିଷୟରେ ନିଷ୍ପତ୍ତି ନିଅନ୍ତି, କୌଣସି ବିଚାରପତି କୌଣସି ନିଷ୍ପତ୍ତି ନିଅନ୍ତି ନାହିଁ। ଯେତେବେଳେ କଥା ମଣିପୁର ବିଷୟରେ ଥିଲା, ସୁପ୍ରିମକୋର୍ଟ ସ୍ୱତଃସ୍ପୃତ ଭାବରେ ଏହାର ବିଚାର କରିଥିଲେ। ସମଗ୍ର ପଶ୍ଚିମବଙ୍ଗ ପ୍ରାୟ ଜଳୁଛି ଏବଂ ସୁପ୍ରିମକୋର୍ଟଙ୍କ ଆଖି ବନ୍ଦ ହୋଇଯାଇଛି, ତେଣୁ ସମଗ୍ର ଦେଶର ନଜର କେବଳ ସୁପ୍ରିମକୋର୍ଟ ଉପରେ ରହିଛି।

ବିଜେପି ସାଂସଦ ମନନ କୁମାର ମିଶ୍ରା ଆହୁରି ମଧ୍ୟ କହିଛନ୍ତି, ସୁପ୍ରିମକୋର୍ଟ ୩ ମାସର ଅବଧି ଧାର୍ଯ୍ୟ କରିଛନ୍ତି। ସମ୍ବିଧାନ ନିର୍ମାତାମାନେ ମଧ୍ୟ ଏହା କରିପାରିଥାନ୍ତେ। ସେମାନେ ଦେଶକୁ ଏତେ ଭଲ ସମ୍ବିଧାନ ଦେଇଥିଲେ କିନ୍ତୁ ରାଜ୍ୟପାଳ ଏବଂ ରାଷ୍ଟ୍ରପତିଙ୍କ ପାଇଁ ସମୟ ସୀମା ସ୍ଥିର କରିନଥିଲେ। ଏହା ପଛରେ ନିଶ୍ଚୟ କିଛି କାରଣ ଅଛି। ସେ ଆହୁରି କହିଛନ୍ତି, ଏହି ପ୍ରମୁଖ ଘଟଣାଗୁଡ଼ିକ ଉପରେ ସୁପ୍ରିମକୋର୍ଟ ନୀରବ। ସୁପ୍ରିମକୋର୍ଟ ପଶ୍ଚିମବଙ୍ଗ ଉପରେ ଏକ ବଡ଼ ନିଷ୍ପତ୍ତି ନେବା ଉଚିତ ଥିଲା, କିନ୍ତୁ କୋର୍ଟ କିଛି କଲେ ନାହିଁ। ସୁପ୍ରିମକୋର୍ଟଠାରୁ ଦେଶର ଆଶାକୁ କୋର୍ଟ ପୂରଣ କରିବା ଉଚିତ।

ଆଇନ ତିଆରି କରିବା ସଂସଦର କାମ। ଏହାକୁ କିପରି ବ୍ୟାଖ୍ୟା କରାଯିବ ତାହା ଆମ କୋର୍ଟର ଦାୟିତ୍ୱ। ସୁପ୍ରିମକୋର୍ଟକୁ ଟିକେ ସନ୍ତୁଳିତ ପଥ ଅନୁସରଣ କରିବାକୁ ପଡିବ ଯାହା ଦ୍ଵାରା ଏହାକୁ ସମାଲୋଚନା କରା ନ ଯାଏ, ଲୋକମାନେ କୋର୍ଟ ଉପରେ ଅନାବଶ୍ୟକ ମନ୍ତବ୍ୟ ନ ଦିଅନ୍ତି। ପ୍ରକାଶ ଥାଉକି, ବିଜେପି ସାଂସଦ ନିଶିକାନ୍ତ ଦୁବେ ନିକଟରେ ଏକ ବିବୃତ୍ତି ଦେଇଥିଲେ। ସେ କହିଥିଲେ, ଏହି ଦେଶର ମୁଖ୍ୟ ବିଚାରପତି ସଞ୍ଜୀବ ଖାନ୍ନା ସାହେବ ଏହି ଦେଶରେ ହେଉଥିବା ସମସ୍ତ ଗୃହଯୁଦ୍ଧ ପାଇଁ ସମ୍ପୂର୍ଣ୍ଣ ଭାବରେ ଦାୟୀ।