ବଡ ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ମମତା
ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ବା ଟିଏମସି ମୁଖ୍ୟ ମମତା ବାନାର୍ଜୀ ବୁଧବାର (ଜାନୁଆରୀ 24) ଏକ କାର ଦୁର୍ଘଟଣାରେ ଆହତ ହୋଇଛନ୍ତି । ତାଙ୍କ ମୁଣ୍ଡରେ ଆଘାତ ଲାଗିଛି । ସେ ଏହି ଦୁର୍ଘଟଣାରେ ସାମାନ୍ୟ ଆହତ ହୋଇଛନ୍ତି ବୋଲି ସୂଚନା ମିଳିଛି ।
ଅନ୍ୟ ଏକ ଗାଡିକୁ ଧକ୍କା ଦେବା ପୂର୍ବରୁ ହଠାତ୍ ମମତା ବାନାର୍ଜୀଙ୍କ କାର ଅଟକି ଯାଇଥିଲା। ଏହି କାରଣରୁ ଏହି ଦୁର୍ଘଟଣା ଘଟିଛି | ନ୍ୟୁଜ୍ ଏଜେନ୍ସି ANI ଅନୁଯାୟୀ, ବର୍ଦ୍ଧମାନରୁ କୋଲକାତା ଫେରୁଥିବା ବେଳେ ଏହି ଦୁର୍ଘଟଣା ଘଟିଛି। ହଠାତ୍ ବାନାର୍ଜୀଙ୍କ କାର ସମ୍ମୁଖରେ ଆଉ ଏକ କାର ଆସିଲା ହଠାତ ତାଙ୍କ କରରେ ବ୍ରେକ ଲାଗିବାରୁ ଏମିତି ଦୁର୍ଘଟଣା ଘଟିଛି । ଖରାପ ପାଗ ହେତୁ ସେ ହେଲିକପ୍ଟର ଯୋଗେ ଯାତ୍ରା କରୁନଥିଲେ।
କଂଗ୍ରେସର ସାଧାରଣ ସମ୍ପାଦକ ଜୟରାମ ରମେଶ କହିଛନ୍ତି ଯେ କାର ଦୁର୍ଘଟଣାରେ ମମତା ବାନାର୍ଜୀ ଆହତ ହେବା ବିଷୟରେ ଆମେ ଶୁଣିଛୁ। ଆମେ ତାଙ୍କ ଆସୁ ଆରୋଗ୍ୟ କାମନା କରୁଛୁ |
Click it and Unblock the Notifications
Sign in with Google