ଆମ ଦେଶର ପ୍ରତ୍ୟେକ ଭାଷା ପାଇଁ ଆମକୁ ଗର୍ବିତ ହେବା ଆବଶ୍ୟକ: ପ୍ରଧାନମନ୍ତ୍ରୀ ମୋଦି
ପ୍ରଧାନମନ୍ତ୍ରୀ ତାଙ୍କ ଭାଷଣ ସମୟରେ କହିଛନ୍ତି ଭାଷାକୁ ନେଇ ଅନେକ କ୍ଷେତ୍ରରେ ସମସ୍ୟାରେ ସମ୍ମୁଖୀନ ହେଉଛନ୍ତି ଲୋକେ ।
ନୂଆଦିଲ୍ଲୀ: ଆଜି ଭାରତ ପାଳୁଛି 76ତମ ସ୍ୱାଧୀନତା ଦିବସ । ଏନେଇ ସମସ୍ତେ ଉତ୍ସାହିତ । ରାଜଧାନୀର ଐତିହାସିକ ଲାଲ କିଲ୍ଲାରେ ଏହି ଅବସରରେ ପ୍ରଧାନମନ୍ତ୍ରୀ ମୋଦି ରଖିଛନ୍ତି ତାଙ୍କର ଅଭିଭାଷଣ। ପ୍ରାୟ ସାଢେ 1 ଘଣ୍ଟା ଧରି ଦେଶବାସୀଙ୍କୁ ସମ୍ବୋଧିତ କରିଥିଲେ ପ୍ରଧାନମନ୍ତ୍ରୀ । ପ୍ରଧାନମନ୍ତ୍ରୀ ତାଙ୍କ ଭାଷଣ ସମୟରେ କହିଛନ୍ତି ଭାଷାକୁ ନେଇ ଅନେକ କ୍ଷେତ୍ରରେ ସମସ୍ୟାରେ ସମ୍ମୁଖୀନ ହେଉଛନ୍ତି ଲୋକେ ।
ତେବେ ପ୍ରତ୍ୟେକ ଭାଷାକୁ ଆମେ ସମ୍ମାନ ଦେବା ଉଚିତ ବୋଲି କହିଛନ୍ତି ମୋଦି । ସମାନତା ହିଁ ଦେଶ ବିକାଶର ମୂଳ ଉଦ୍ଦେଶ୍ୟ। ଭାରତୀୟର ମନ୍ତ୍ର ନେଇ ଆମେ ଆଗକୁ ବଢିବା ଉଚିତ । ନିଜର ଜ୍ଞାନକୁ କୌଣସି ଭାଷା ଦ୍ବାରା ତୁଳନା ନକରି ସମାନ ସମ୍ମାନ ସବୁ ଭାଷାକୁ ଦେବା ଉଚିତ ।
ପୁଅ-ଝିଅଙ୍କୁ ସମାନ ସମ୍ମାନ ମିଳିବା ସହିତ ଆମେ ଯଦି ତଳ-ଉପର , ମୋର-ତାର ଭେଦଭାବ ନକରି କାମ କରିବା ତେବେ ଦେଶର ପ୍ରକୃତ ବିକାଶ ହୋଇପାରିବ ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି । ଏଥିସହିତ ପ୍ରଧାନମନ୍ତ୍ରୀ ମୋଦି ତାଙ୍କର ପାରମ୍ପାରିକ ଭାଷଣ ଶେଷ କରିବା ପରେ ଲାଲକିଲ୍ଲାରୁ ତ୍ରିରଙ୍ଗୀ ବେଲୁନ୍ ଉଡାଯାଇଥିଲା। ବେଲୁନ୍ ଉଡାଇବା ପରେ ଜାତୀୟ ପତାକାର ତିନୋଟି ରଙ୍ଗରେ ନୀଳ ଆକାଶକୁ ରଙ୍ଗୀନ କରିଥିଲା । ଲାଲ୍ କିଲ୍ଲାର ଚାରିପାଖ ତ୍ରିରଙ୍ଗାମୟ ହୋଇଯାଇଛି । ଚାରିପାଖେ ଲାଗିଥିବା କ୍ୟାମେରା ଏହି ସୁନ୍ଦର ଦୃଶ୍ୟର ଫଟୋ କଏଦ କରିଛି ।
Click it and Unblock the Notifications
Sign in with Google