ନୋଟରେ ଗଣେଷ, ଲକ୍ଷ୍ମୀଙ୍କ ଫଟୋ ନେଇ ମୋଦିଙ୍କୁ ଚିଠି ଲେଖିଲେ ମୁଖ୍ୟମନ୍ତ୍ରୀ କେଜ୍ରିୱାଲ

ମୋଦିଙ୍କୁ ଚିଠି ଲେଖିଲେ କେଜ୍ରିୱାଲ। ନୋଟରେ ଗଣେଷ, ଲକ୍ଷ୍ମୀଙ୍କ ଫଟୋ ନେଇ ସେ ଏହି ଚିଠି ଲେଖିଛନ୍ତି।

ନୂଆଦିଲ୍ଲୀ: ଭାରତୀୟ ନୋଟରେ ଦେବାଦେବୀଙ୍କ ଫଟୋ ଦାବି । ଏଭଳି ଦାବି କରି ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ମହାତ୍ମା ଗାନ୍ଧିଙ୍କ ଫଟୋ ସହିତ ଲକ୍ଷ୍ମୀ ଏବଂ ଗଣେଶଙ୍କ ଫଟୋ ରହିବା ନେଇ ଦାବି କରିଛନ୍ତି । ସ୍ବାଧୀନତାର 75 ବର୍ଷ ପରେ ବି ଭାରତ ଗରିବ ଦେଶରେ ପରିଗଣିତ ହେଉଛି। ତେବେ ଏହି ଦାରିଦ୍ର୍ୟତା ଦୂର କରିବା ପାଇଁ କଠିନ ପରିଶ୍ରମ ସହିତ ଦେଶବାସୀଙ୍କୁ ଭଗବାନଙ୍କ ଆର୍ଶୀବାଦର ଆବଶ୍ୟକତା ରହିଛି ବୋଲି କହିଛନ୍ତି କେଜ୍ରିୱାଲ । ତେଣୁ ନୋଟରେ ଭଗବାନଙ୍କ ଫଟୋ ରହିବା ଦରକାର । ଦେଶବାସୀଙ୍କ ପାଇଁ ମୁଁ ଆପଣଙ୍କ ନିକଟରେ ଏହି ନିବେଦନ କରୁଛି ବୋଲି ଚିଠିରେ ଉଲ୍ଲେଖ କରିଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ।

କେଜ୍ରିୱାଲ ଏହି ଚିଠି ନେଇ ସାମ୍ବାଦିକ ସମ୍ମିଳନୀ ଡକାଇଥିଲେ । ତେବେ ମୁଖ୍ୟମନ୍ତ୍ରୀଙ୍କ ଏହି ଦାବି ପରେ ସାଧାରଣ ଜନତାଙ୍କ ସମର୍ଥନ ମଧ୍ୟ ଦେଖିବାକୁ ମିଳିଛି । ଏହାକୁ ଅନେକ ଖୁବ ଶୀଘ୍ର ଲାଗୁ କରିଥିବା ନେଇ କହିଛନ୍ତି । କେଜ୍ରିୱାଲଙ୍କ କହିବା ଅନୁସାରେ, ମାଆ ଲକ୍ଷ୍ମୀଙ୍କୁ ଧନ ଏବଂ ସମୃଦ୍ଧିର ଦେବୀ ବୋଲି ମନାଯାଏ, ସେହିପରି ଗଣେଶଙ୍କୁ ବିଘ୍ନ ବିନାଶକ ଅର୍ଥାତ ସବୁ ସମସ୍ୟାର ସମାଧାନର ବାଟ ଦେଖାଇଥାନ୍ତି ବୋଲି ଲୋକଙ୍କର ବିଶ୍ବାସ ରହିଛି । ତେଣୁ ନୋଟର ଗୋଟିଏ ପଟେ ଏହି ଛବି ଦୁଇଟି ପାଇଁ ଦାବି ହୋଇଛି ।

मैंने प्रधानमंत्री जी को पत्र लिखकर 130 करोड़ भारतवासियों की ओर से निवेदन किया है कि भारतीय करेंसी पर महात्मा गांधी जी के साथ-साथ लक्ष्मी गणेश जी की तस्वीर भी लगाई जाए। pic.twitter.com/OFQPIbNhfu

— Arvind Kejriwal (@ArvindKejriwal) October 28, 2022

English summary

He had yesterday urged the Prime Minister to issue new currency notes with the images, suggesting it would be a solution to the country's economic woes.