'ଚାଇଲ୍ଡ ପର୍ଣ୍ଣୋଗ୍ରାଫି’ ନେଇ ସୁପ୍ରିମକୋର୍ଟଙ୍କ ବଡ଼ ରାୟ, ମୋବାଇଲରେ ଏମିତି ଭିଡିଓ ମିଳିଲେ ଏବେ ସିଧା ଯିବେ ଜେଲ

ଚାଇଲ୍ଡ ପର୍ଣ୍ଣୋଗ୍ରାଫିକୁ ନେଇ ବଡ଼ ରାୟ ଦେଇଛନ୍ତି ସୁପ୍ରିମକୋର୍ଟ। ପିଲାଙ୍କ ସହ ଜଡିତ ଅଶ୍ଳୀଳ କଣ୍ଟେଣ୍ଟ ଦେଖିବା, ପ୍ରକାଶିତ କରିବା କିମ୍ବା ଏହାକୁ ଡାଉନ୍‌ଲୋଡ୍‌ କରିବା ଦଣ୍ଡନୀୟ ଅପରାଧ। ଚାଇଲ୍ଡ ପର୍ଣ୍ଣୋଗ୍ରାଫି ଡାଉନଲୋଡ୍ କିମ୍ବା ଦେଖିବା POCSO ଅଧିନିୟମ ଅଟେ , ଯଦି ଆପଣଙ୍କ ଫୋନରେ ଶିଶୁ ଅଶ୍ଳୀଳତା ବା ଚାଇଲ୍ଡ ପର୍ନୋଗ୍ରାଫି ସମ୍ବନ୍ଧୀୟ ଭିଡିଓ ମିଳୁଛି, ତେବେ ଆପଣ ବଡ ଅସୁବିଧାର ସମ୍ମୁଖୀନ ହୋଇପାରନ୍ତି। ଯଦି ଏପରି ଭିଡିଓ ମିଳୁଛି, ତେବେ ଯୌନ ଅପରାଧ ଆଇନ (POCSO) ରୁ ଶିଶୁଙ୍କ ସୁରକ୍ଷା ଅଧୀନରେ ଆପଣଙ୍କ ବିରୋଧରେ ଏକ ମାମଲା ଦାୟର ହେବ ଏବଂ ଆପଣଙ୍କୁ ଦୀର୍ଘ ସମୟ ପାଇଁ ଜେଲ ଯିବାକୁ ପଡିବ।

ଦେଶର ସମସ୍ତ ଅଦାଲତକୁ କୌଣସି ନ୍ୟାୟିକ ଆଦେଶ କିମ୍ବାର ରାୟରେ ଶିଶୁ ପର୍ଣ୍ଣୋଗ୍ରାଫି ଶବ୍ଦ ବ୍ୟବହାର ନ କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଚନ୍ତି । ମାଡ୍ରାସ୍ ହାଇକୋର୍ଟର ଏକ ନିଷ୍ପରିକୁ ସର୍ବୋଚ୍ଚ ନ୍ୟାୟାଳୟ ରଦ୍ଦ କରିବା ସ‌ହ ଏହି ନିର୍ଦ୍ଦେଶ ଦେଇଛନ୍ତି । ମାଡ୍ରାସ୍ ହାଇକୋର୍ଟ ଏକ ନିଷ୍ପଭିରେ କହିଥିଲେ ଯେ ବୟସ୍କମାନେ ଶିଶୁମାନଙ୍କ ସହ ଜଡ଼ିତ ଅଶ୍ଳୀଳ ଭିଡ଼ିଓ ଦେଖ‌ିବା ପ୍ରସଙ୍ଗ ପକ୍ସୋ ଆଇନ ଅନ୍ତର୍ଭୁକ୍ତ ହେବ ନାହିଁ ।

ସୁପ୍ରିମକୋର୍ଟ ବିଚାରପତି ଜଷ୍ଟିସ୍ ଜେ.ବି. ପାର୍ଦିଓ୍ୱାଲା ଦେଶରେ ଥିବା ନ୍ୟାୟାଳୟ ଗୁଡ଼ିକୁ ଚାଇଲ୍ଡ ପର୍ଣ୍ଣୋଗ୍ରାଫି ଶବ୍ଦ ବଦଳରେ ଶିଶୁ ଯୌନ ଶୋଷଣ ଏବଂ ଅପବ୍ୟବହାର ସାମଗ୍ରୀ ବ୍ୟବହାର କରିବା ଲାଗି ପରାମର୍ଶ ଦେଇଛନ୍ତି । କୋର୍ଟ କହିଛନ୍ତି ସଂସଦ ଏହି ପ୍ରସଙ୍ଗ ଉପରେ
ଗୁରୁତ୍ଵର ସହ ବିଚାର କରିବା ଆବଶ୍ୟକ ଏବଂ ପକ୍ସୋ ଆଇନରେ ସଂଶୋଧନ ଲାଗି କେନ୍ଦ୍ର ସରକାର ଅଧ୍ୟାଦେଶ ଜାରି କରିପାରିବେ ।

ଚଳିତବର୍ଷ ମାର୍ଚ୍ଚ ମାସରେ ପ୍ରଧାନ ବିଚାରପତି' ମାଡ୍ରାସ୍ ହାଇକୋର୍ଟର ଏକ ନିଷ୍ପଭିକୁ ବିରୋଧ କରି ରୁଜୁ ହୋଇଥିବା ଆବେଦନର ବିଚାର କରି ଜବାବ ଦାଖଲ ନିମନ୍ତେ ନିର୍ଦ୍ଦେଶ ଦେଇଥିଲେ । ଏହି ମାମଲାରେ ଚେନ୍ନାଇର ଜଣେ ୨୮ ବର୍ଷୀୟ ଯୁବକ ଶିଶୁମାନଙ୍କ ଜଡ଼ିତ ଅଶ୍ଳୀଳ ଭିଡ଼ିଓ ଦେଖ‌ିବା ମାମଲା ରୁଜୁ ହୋଇଥିଲା ।