Delhi Election: ଦିଲ୍ଲୀରେ ଆସନ୍ତା କାଲି ମତଦାନ, ଜାଣନ୍ତୁ କେତେବେଳେ ଆରମ୍ଭ ଭୋଟିଂ

Delhi Election: ଦିଲ୍ଲୀ ବିଧାନସଭା ନିର୍ବାଚନ ପାଇଁ ସମସ୍ତ ପ୍ରସ୍ତୁତି ବର୍ତ୍ତମାନ ଶେଷ ପର୍ଯ୍ୟାୟରେ ରାଜଧାନୀବାସୀ ଭୋଟ୍ ପାଇଁ ସମ୍ପୂର୍ଣ୍ଣ ପ୍ରସ୍ତୁତ। ଫେବୃଆରୀ ୫ ତାରିଖରେ ୭୦ଟି ବିଧାନସଭା ଆସନ ପାଇଁ ମତଦାନ ହେବ, ଯେଉଁଥିରେ ଲକ୍ଷ ଲକ୍ଷ ଭୋଟର ସେମାନଙ୍କର ମତଦାନ କରିବେ । ଆସନ୍ତାକାଲି ଅର୍ଥାତ୍ ୫ ଫେବ୍ରୁଆରୀ ସକାଳ ୭ଟାରୁ ଭୋଟିଂ ଆରମ୍ଭ ହେବ ଏବଂ ସନ୍ଧ୍ୟା ୫ଟାରେ ଶେଷ ହେବ ।

ସେହିପରି ଯେଉଁ ଭୋଟରମାନେ ନିର୍ଦ୍ଧାରିତ ସମୟ ମଧ୍ୟରେ ମତଦାନ କେନ୍ଦ୍ରରେ ପହଞ୍ଚିବେ ନାହିଁ ସେମାନଙ୍କୁ ଅତିରିକ୍ତ ସମୟ ଦିଆଯିବ। ନିର୍ବାଚନ କମିଶନ ସୁଗମ ମତଦାନ ପାଇଁ ସୁରକ୍ଷାବ୍ୟବସ୍ଥା କଡ଼ାକଡି କରାଯାଇଛି । ସମସ୍ତ ପ୍ରକାରର ବ୍ୟବସ୍ଥା କରାଯାଇଛି । ଆସନ୍ତାକାଲି ଦିଲ୍ଲୀରେ ୧.୫୬ କୋଟି ଭୋଟର ଭୋଟ ଦେବେ। ଦିଲ୍ଲୀର ମୁଖ୍ୟ ନିର୍ବାଚନ ଅଧିକାରୀଙ୍କ ଅନୁଯାୟୀ, ଏହି ନିର୍ବାଚନରେ ​​ମୋଟ ୧.୫୬ କୋଟି ଭୋଟର ଭୋଟ ଦେବାକୁ ଯୋଗ୍ୟ ।

୧.୫୬ କୋଟି ଭୋଟରଙ୍କ ମଧ୍ୟରେ ୮୩.୭୬ ଲକ୍ଷ ପୁରୁଷ, ୭୨.୩୬ ଲକ୍ଷ ମହିଳା ଏବଂ ୧,୨୬୭ ଜଣ ଟ୍ରାନ୍ସଜେଣ୍ଡର ଭୋଟର ସାମିଲ ଅଛନ୍ତି । ମତଦାନ ପାଇଁ ୧୩,୭୬୬ ମତଦାନ କେନ୍ଦ୍ର ସ୍ଥାପନ କରାଯାଇଛି। ଭିନ୍ନକ୍ଷମଙ୍କ ପାଇଁ ମଧ୍ୟ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ୭୩୩ ଟି ମତଦାନ କେନ୍ଦ୍ରରେ ଭିନ୍ନକ୍ଷମଙ୍କ ପାଇଁ ରହିଛି ।

ବରିଷ୍ଠ ନାଗରିକ ଏବଂ ଦିବ୍ୟାଙ୍ଗ ଭୋଟରଙ୍କ ପାଇଁ ଘରେ ଭୋଟ ଦେବାର ସୁବିଧା ମଧ୍ୟ ରହିଛି । ୭,୫୫୩ ଯୋଗ୍ୟ ଭୋଟରଙ୍କ ମଧ୍ୟରୁ ୬,୯୮୦ ଜଣ ପୂର୍ବରୁ ସେମାନଙ୍କର ମତଦାନ ଦେଇସାରିଛନ୍ତି। ଏହି ସୁବିଧା ଜାନୁଆରୀ ୨୪ ରୁ ଆରମ୍ଭ ହୋଇଛି ଏବଂ ଫେବୃଆରୀ ୪ ପର୍ଯ୍ୟନ୍ତ ଜାରି ରହିବ।

ନିର୍ବାଚନ ସମୟରେ ଆଇନ ଶୃଙ୍ଖଳା ବଜାୟ ରଖିବା ପାଇଁ, ଦିଲ୍ଲୀ ପୋଲିସ ଆଚରଣ ସଂହିତା ଉଲ୍ଲଂଘନର ୧ ହଜାରରୁ ଅଧିକ ମାମଲା ପଞ୍ଜିକୃତ କରିଛି ଏବଂ ଏପର୍ଯ୍ୟନ୍ତ ୩୩,୪୩୪ ଜଣଙ୍କୁ ଗିରଫ କରାଯାଇଛି। ସୁରକ୍ଷାକୁ ସୁଦୃଢ଼ ​​କରିବା ପାଇଁ ୨୨୦ ଅର୍ଦ୍ଧସାମରିକ ବାହିନୀ, ୧୯ ହଜାର ଗୃହରକ୍ଷୀ ଏବଂ ୩୫,୬୨୬ ଦିଲ୍ଲୀ ପୋଲିସ କର୍ମଚାରୀଙ୍କୁ ନିୟୋଜିତ କରାଯାଇଛି। ସେହିପରି ମତଦାନ ପାଇଁ ଦିଲ୍ଲୀ ଏବଂ ହରିୟାଣା ସରକାର ସରକାରୀ ସ୍କୁଲ ଏବଂ କାର୍ଯ୍ୟାଳୟରେ ୫ଫେବୃଆରୀରେ ଛୁଟି ଘୋଷଣା କରାଯାଇଛି ।