ଭିଏଲସି ଉପରୁ ହଟିଲା ବ୍ୟାନ, ଏବେ କରିପାରିବେ ଭିଡିଓ ଡାଉନଲୋଡ

ଭିଏଲସି ଉପରୁ ହଟିଲା ବ୍ୟାନ । ଏବେ ୟୁଜର୍ସ କରିପାରିବେ ଭିଡିଓ ଡାଉନଲୋଡ ।

Published: Monday, November 14, 2022, 20:13 [IST]

ନୂଆଦିଲ୍ଲୀ: ମଲ୍ଟିମିଡିଆ ପ୍ଲେୟାର ଭିଏଲସି ଉପରୁ ହଟିଲା ବ୍ୟାନ। ବର୍ତ୍ତମାନ ୟୁଜର୍ସ କରିପାରିବେ ଭିଡିଓ ଡାଉନଲୋଡ। କିଛି ମାସ ତଳେ ଭାରତ ସରକାରଙ୍କ ପକ୍ଷରୁ ଏହା ଉପରେ ଲାଗିଥିଲା ବ୍ୟାନ । ଆଜି ଆଇଟି ଏବଂ ଇଲୋକ୍ଟ୍ରୋନିକ୍ସ ମନ୍ତ୍ରଣାଳୟ ଏହା ଉପରୁ ନିଷିଦ୍ଧାଦେଶ ହଟାଇଛି ।

ବର୍ତ୍ତମାନ ପର୍ଯ୍ୟନ୍ତ 73 ମଲିୟନ ୟୁଜର୍ସ ଏହାକୁ ଡାଉନଲୋଡ କରିଛନ୍ତି । ଏଥିସହିତ ଡାଉନଲୋଡ ପ୍ରକ୍ରିୟା ଜାରି ରହିଛି । ଭିଏଲସି ଉପରେ କାହିଁକି ପ୍ରତିବନ୍ଧକ ଲଗାଯାଇଥିଲା ସେନେଇ କୌଣସି ତଥ୍ୟ ମିଳିପାରି ନାହିଁ । ତେବେ ଏବେ କାହିଁକି ଏହି ବ୍ୟାନ ହଟାଇ ଦିଆଗଲା, ଏହାର କାରଣ ବି ଜଣା ପଡିନାହିଁ। ଅକ୍ଟୋବରରେ ଭିଏଲସିର ମୂଳ କମ୍ପାନୀ ଭାରତ ସରକାରଙ୍କୁ ଏକ ଲିଗାଲ ନୋଟିସ ପଠାଇଥିଲା । କାହିଁକି ଭିଏଲସିକୁ ଭାରକରେ ରୋକ୍ ଲଗାଗଲା ସେ ନେଇ ପକ୍ଷ ରଖିବା ପାଇଁ ନୋଟିସ ମାଧ୍ୟମରେ କୁହାଯାଇଥିଲା

ଯଦି ଭାରତ ସରକାର ବ୍ୟାନ ପାଇଁ ଉପଯୁକ୍ତ କାରଣ ନ ଦେବେ, ତେବେ ଭିଡିଓଲୋନ ପକ୍ଷରୁ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରକ୍ରିୟା ଆରମ୍ଭ କରିବ ବୋଲି ଧମକ ଦେଇଥିଲା। ଏହାପରେ ଭାରତ ସରକାର ସମୀକ୍ଷା କରିଥିଲେ । କମ୍ପାନୀ ସଠିକ ଭାବରେ ନିଜର ପକ୍ଷ ରଖିଥିଲା । ଏହାପରେ ଭିଏଲସି ଉପରୁ ପ୍ରତିବନ୍ଧକ ହଟାଇ ଦିଆଯାଇଛି।

Published On November 14, 2022