କିର୍ଗିଜସ୍ଥାନରେ ହିଂସା: ଭାରତୀୟମାନଙ୍କୁ ଘରୁ ବାହାରକୁ ନ ଯିବାକୁ MEA ପରାମର୍ଶ
କେନ୍ଦ୍ରୀୟ ଏସୀୟ ଦେଶ କିର୍ଗିଜସ୍ଥାନରେ ଡାକ୍ତରୀ ପଢିବାକୁ ଯାଇଥିବା ଭାରତୀୟ ଏବଂ ପାକିସ୍ତାନୀ ଛାତ୍ରଙ୍କ ଜୀବନ ବିପଦରେ। ବାସ୍ତବରେ କିର୍ଗିଜସ୍ଥାନରୁ ଖବର ଆସିଛି ଯେ ସେଠାରେ ସ୍ଥାନୀୟ ଲୋକମାନେ ତିନିଜଣ ପାକିସ୍ତାନୀ ଛାତ୍ରଙ୍କୁ ମାଡ ମାରିଥିଲେ। ସ୍ଥାନୀୟ ଲୋକମାନେ ଅନ୍ୟ ପାକିସ୍ତାନୀ ଛାତ୍ରମାନଙ୍କୁ ମଧ୍ୟ ଟାର୍ଗେଟ କରୁଛନ୍ତି। ଯେହେତୁ ଭାରତୀୟ ଏବଂ ପାକିସ୍ତାନୀମାନେ ସମାନ ଦେଖାଯାଉଛନ୍ତି, ଏହା ଭାରତୀୟ ଛାତ୍ରମାନଙ୍କ ପାଇଁ ମଧ୍ୟ ବିପଦ ସୃଷ୍ଟି କରୁଛି। ଏଭଳି ପରିସ୍ଥିତିରେ କିର୍ଗିଜସ୍ଥାନରେ ରହୁଥିବା ଭାରତୀୟ ଛାତ୍ରମାନଙ୍କ ପାଇଁ ଭାରତୀୟ ବୈଦେଶିକ ମନ୍ତ୍ରଣାଳୟ ଏକ ପରାମର୍ଶ ଜାରି କରି ଘର ଭିତରେ ରହିବାକୁ ପରାମର୍ଶ ଦେଇଛି।
ବିସକେକ୍ର ଥିବା ଭାରତୀୟ ମିସନ ପକ୍ଷରୁ ଏକ ଏକ୍ସ ପୋଷ୍ଟ୍ କରାଯାଇଛି ଯେ "ଆମେ ଆମର ଛାତ୍ରମାନଙ୍କ ସହ ଯୋଗାଯୋଗରେ ଅଛୁ। ବର୍ତ୍ତମାନ ପରିସ୍ଥିତି ଶାନ୍ତ ଅଛି, କିନ୍ତୁ ଛାତ୍ରମାନଙ୍କୁ କିଛି ସମୟ ପାଇଁ ଘର ଭିତରେ ରହିବାକୁ ଏବଂ କୌଣସି ସମସ୍ୟା ହେଲେ ଦୂତାବାସ ସହିତ ଯୋଗାଯୋଗ କରିବାକୁ ପରାମର୍ଶ ଦିଆଯାଇଛି। ଆମର ୨୪ ଘଣ୍ଟିଆ ଯୋଗାଯୋଗ ନମ୍ବର ହେଉଛି ୦୫୫୫୭୧୦୦୪୧।''
ବୈଦେଶିକ ବ୍ୟାପାର ମନ୍ତ୍ରଣାଳୟର ତଥ୍ୟ ଅନୁଯାୟୀ ପ୍ରାୟ ୧୪,୫୦୦ ଭାରତୀୟ ଛାତ୍ର କିର୍ଗିଜସ୍ଥାନରେ ରୁହି ପାଠ ପଢୁଛନ୍ତି। ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ଦୂତାବାସ ପକ୍ଷରୁ ହୋଇଥିବା ଏକ ପୋଷ୍ଟରେ କହିଛନ୍ତି ଯେ ବିସକେକ୍ ଭାରତୀୟ ଛାତ୍ରଛାତ୍ରୀଙ୍କ କଲ୍ୟାଣ ଉପରେ ନଜର ରହିଛି। ବର୍ତ୍ତମାନ ପରିସ୍ଥିତି ଶାନ୍ତ ଥିବା ଜଣାପଡିଛି।''
ସୋସିଆଲ ମିଡିଆରେ ପୋଷ୍ଟ କରାଯାଇଥିବା ଏକ ପରାମର୍ଶପତ୍ରରେ ପାକିସ୍ତାନର ଦୂତାବାସ କହିଛି ଯେ ମେ ୧୩ ତାରିଖରେ କିର୍ଗିଜସ୍ଥାନରେ ଏବଂ ମିଶର ଛାତ୍ରଙ୍କ ମଧ୍ୟରେ ଝଗଡ଼ା ହେବାର ଭିଡିଓ ଶୁକ୍ରବାର ଦିନ ଅନଲାଇନରେ ଭାଇରାଲ ହେବା ପରେ ମାମଲା ଆହୁରି ବଢ଼ିଛି।
Click it and Unblock the Notifications
Sign in with Google