ଭିନେଶ ଫୋଗାଟଙ୍କ ସରକାରୀ ଚାକିରି କି ପ୍ଲଟ ନୁହେଁ ପସନ୍ଦ ୪କୋଟି

ଇଣ୍ଟରନ୍ୟାସନାଲ କୁସ୍ତିଯୋଦ୍ଧା ତଥା ଜିନ୍ଦର ଜୁଲାନା ବିଧାନସଭା ଆସନରୁ କଂଗ୍ରେସ ବିଧାୟକ ଭିନେଶ ଫୋଗାଟ ସରକାରଙ୍କୁ ନିଜର ପସନ୍ଦ କରି ଦେଇଛନ୍ତି। ତାଙ୍କୁ ପୁରସ୍କାର ସ୍ୱରୂପ ସରକାରୀ ଚାକିରି , ପ୍ଲଟ୍‌ ଓ ୪ କୋଟି ଟଙ୍କାର ବିକଳ୍ପ ଦିଆ ଯାଇଥିଲା। ଭିନେଶ ୪ କୋଟି ଟଙ୍କାର ନଗଦ ପୁରସ୍କାରର ବିକଳ୍ପ ବାଛିଛନ୍ତି। ଏହି ସମ୍ପର୍କରେ, ହରିୟାଣା ସରକାରଙ୍କ କ୍ରୀଡା ବିଭାଗକୁ ଏକ ଚିଠି ପଠାଯାଇଛି, ଯାହା ପରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ଦୈନିକ ଭାସ୍କରରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଜୁଲାନା ଆସନର ବିଧାୟକ ଭିନେଶ ଗତ ମାସରେ ବଜେଟ ଅଧିବେଶନରେ ଏହି ପ୍ରସଙ୍ଗ ଉଠାଇଥିଲେ। ଭିନେଶ କହିଥିଲେ ଯେ ସରକାର ତାଙ୍କ ପାଇଁ ଅଲିମ୍ପିକ୍ସରେ ରୌପ୍ୟ ପଦକ ସହିତ ସମାନ ପୁରସ୍କାର ଘୋଷଣା କରିଥିଲେ, କିନ୍ତୁ ୮ ମାସ ପରେ ମଧ୍ୟ ତାଙ୍କୁ ସମ୍ମାନିତ କରାଯାଇ ନାହିଁ। ଭିନେଶଙ୍କ ଦାବି ଉପରେ ହରିୟାଣା ମୁଖ୍ୟମନ୍ତ୍ରୀ ନାୟବ ସିଂହ ସାଇନି ଉତ୍ତର ଦେଇଥିଲେ ଯେ ଯଦିଓ ଭିନେଶ ବର୍ତ୍ତମାନ କଂଗ୍ରେସ ବିଧାୟକ, ତଥାପି ତାଙ୍କୁ ସରକାରୀ ଚାକିରି, ଏକ ପ୍ଲଟ୍ କିମ୍ବା ୪ କୋଟି ଟଙ୍କାର ନଗଦ ପୁରସ୍କାରର ବିକଳ୍ପ ଦିଆଯିବ। ଦୈନିକ ଭାସ୍କର ଅନୁଯାୟୀ, ଏହାର ଜବାବରେ, ଭିନେଶ ୪ କୋଟି ଟଙ୍କାର ନଗଦ ପୁରସ୍କାର ପାଇଁ ରାଜି ହୋଇଛନ୍ତି।

ସୂଚନା ଯେ, ୨୦୨୪ର ପ୍ୟାରିସ୍ ଅଲିମ୍ପିକ୍ସରେ ସେ ଫାଇନାଲ ମୁକାବିଲା ଯାଏ ପହଞ୍ଚି ଥିଲେ। ହେଲେ ୧୦୦ ଗ୍ରାମ୍‌ ଓଜନ ବୃଦ୍ଧି କାରଣରୁ ସେ ଫାଇନାଲ ମୁକାବିଲା ଖେଳିବା ପୂର୍ବରୁ ବାହାରି ଯାଇଥିଲେ।