ବିଜୟ ଦିବସ 2020: କ'ଣ ରହିଛି ଏହାର ଇତିହାସ ?

ଡିସେମ୍ବର 3, 1971 ରେ ଏକ ଯୁଦ୍ଧ ଆରମ୍ଭ ହୋଇ 13 ଦିନ ପର୍ଯ୍ୟନ୍ତ ଚାଲିଥିଲା | ଏହି ଯୁଦ୍ଧ ଆନୁଷ୍ଠାନିକ ଭାବରେ ଡିସେମ୍ବର 16 ରେ ଶେଷ ହୋଇଥିଲା, ଯେଉଁଥିରେ ପାକିସ୍ତାନ ଭାରତୀୟ ସଶସ୍ତ୍ର ବାହିନୀ ନିକଟରେ ଆତ୍ମସମର୍ପଣ କରିଥିଲା |

| Updated: Wednesday, December 15, 2021, 20:19 [IST]

ନୂଆଦିଲ୍ଲୀ : ଡିସେମ୍ବର 3, 1971 ରେ ଏକ ଯୁଦ୍ଧ ଆରମ୍ଭ ହୋଇ 13 ଦିନ ପର୍ଯ୍ୟନ୍ତ ଚାଲିଥିଲା | ଏହି ଯୁଦ୍ଧ ଆନୁଷ୍ଠାନିକ ଭାବରେ ଡିସେମ୍ବର 16 ରେ ଶେଷ ହୋଇଥିଲା, ଯେଉଁଥିରେ ପାକିସ୍ତାନ ଭାରତୀୟ ସଶସ୍ତ୍ର ବାହିନୀ ନିକଟରେ ଆତ୍ମସମର୍ପଣ କରିଥିଲା | 93,000 ସୈନ୍ୟ ସହିତ ପାକିସ୍ତାନୀ ସେନାର ମୁଖ୍ୟ ଜେନେରାଲ ଏଏ ଖାନ ନିଆଜୀ ଏବଂ ବାଂଲାଦେଶର ମୁକତି ବାହାନୀ ଭାରତୀୟ ସେନା ନିକଟରେ ଆତ୍ମସମର୍ପଣ କରିଥିଲେ | ଏହି ଦିନକୁ ବିଜୟ ଦିବସ ଭାବେ ପାଳନ କରାଯାଉଛି | ପ୍ରତିବର୍ଷ ଡିସେମ୍ବର 16 ରେ, ଦେଶମାତୃକା ପାଇଁ ପ୍ରାଣବଳୀ ଦେଇଥିବା ସୈନିକମାନଙ୍କୁ ଦେଶ ଶ୍ରଦ୍ଧାଞ୍ଜଳି ଅର୍ପଣ କରାଯାଉଛି |

2019 ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତୀୟ ସେନାର ସାହସିକତା ଏବଂ ତ୍ୟାଗକୁ ପ୍ରଶଂସା କରି କହିଛନ୍ତି ଯେ ଏହି ଦିନଟି ସର୍ବଦା ସ୍ମରଣୀୟ ହୋଇ ରହିବ |
ଏକ ଟୁଇଟ୍‌ରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି, "ମୁଁ ବିଜୟ ଦିବସରେ ଭାରତୀୟ ସୈନିକମାନଙ୍କ ସାହସ, ଉତ୍ସାହ ଏବଂ ବୀରତ୍ୱକୁ ନମସ୍କାର କରୁଛି | 1971 ମସିହାରେ ଏହି ଦିନ ଆମ ସଶସ୍ତ୍ର ବାହିନୀ ଦ୍ୱାରା ରଚିତ ଇତିହାସ ସବୁବେଳେ ସ୍ୱର୍ଣ୍ଣ ଅକ୍ଷରରେ ଲିପିବଦ୍ଧ ହୋଇ ରହିବ |

On Vijay Diwas we recall the unwavering courage of our armed forces that resulted in a decisive victory for our nation in the 1971 war. On this special Vijay Diwas, had the honour of lighting the ‘Swarnim Vijay Mashaal’ at the National War Memorial. pic.twitter.com/ERHoWF6GxF
— Narendra Modi (@narendramodi) December 16, 2020

1971 ରେ କ'ଣ ହୋଇଥିଲା ?

1971 ପୂର୍ବରୁ ବାଂଲାଦେଶ ପାକିସ୍ତାନର ଏକ ଅଂଶ ଥିଲା ଯାହାକୁ 'ପୂର୍ବ ପାକିସ୍ଥାନ' କୁହାଯାଉଥିଲା।
'ପୂର୍ବ ପାକିସ୍ଥାନ'ର ଲୋକମାନଙ୍କୁ ପାକିସ୍ତାନୀ ସେନା ଦ୍ୱାରା ମାଡମାରିବା, ଶୋଷଣ, ବଳାତ୍କାର ଓ ହତ୍ୟା ଭଳି ଅତ୍ୟାଚାର କରାଯାଉଥିଲା |
'ପୂର୍ବ ପାକିସ୍ତାନ'ରେ ପାକିସ୍ତାନର ଅତ୍ୟାଚାର ବିରୋଧରେ ଭାରତ ବାଂଲାଦେଶକୁ ସମର୍ଥନ କରିଥିଲା |
'ପୂର୍ବ ପାକିସ୍ଥାନ'ରେ ପାକିସ୍ତାନର ସାମରିକ ଶାସକ ଜେନେରାଲ ଆୟୁବ ଖାନଙ୍କ ବିରୋଧରେ ଅସନ୍ତୋଷ ଦେଖାଦେଇଥିଲା |
ଡିସେମ୍ବର 3, 1971 ରେ, ଭାରତ ସରକାର 'ପୂର୍ବ ପାକିସ୍ଥାନ'ର ଲୋକଙ୍କୁ ବଞ୍ଚାଇବା ପାଇଁ ପାକିସ୍ତାନ ବିରୁଦ୍ଧରେ ଯୁଦ୍ଧ ଘୋଷଣା କରିବାକୁ ଭାରତୀୟ ସେନାକୁ ନିର୍ଦ୍ଦେଶ ଦେଇଥିଲେ।
ଫିଲ୍ଡ ମାର୍ଶଲ ମାନେକଶାଙ୍କ ନେତୃତ୍ୱରେ ଏହି ଯୁଦ୍ଧ ହୋଇଥିଲା | ଏହି ଯୁଦ୍ଧରେ ଭାରତର 1400 ରୁ ଅଧିକ ସୈନିକ ସହିଦ ହୋଇଥିଲେ |