୧୦୮ ବର୍ଷ ବୟସରେ କଠିନ ପରିଶ୍ରମର ଉଦାହରଣ, ପରିବା ବିକ୍ରି କରୁଥିବା ବୃଦ୍ଧଙ୍କର ଭିଡିଓ ହେଲା ଭାଇରାଲ

କୌଣସି କାମ ନକରିବା ପାଇଁ ଅନେକ ସମୟରେ ଅନେକ ଲୋକେ ସାଧରଣତଃ ଭିନ୍ନ ଭିନ୍ନ ବାହାନା କରିଥାନ୍ତି । ଆଉ କିଛି ଲୋକ ଏଥିପାଇଁ ବୟସ ପାଇଁ କୁହନ୍ତି । ଆଉ କିଛି ଲୋକ ବୟସ୍କ ଅଟନ୍ତି । କିନ୍ତୁ ଯଦି ଜଣେ ବ୍ୟକ୍ତି କିଛି କାମ କରିବାକୁ ସ୍ଥିର କରେ , ତେବେ ଦୁନିଆର କୌଣସି ଶକ୍ତି ନାହିଁ ଯେ, ତାଙ୍କୁ ସେହି କାମ କରିବାକୁ ଅଟକାଇ ପାରିବ ।

ଆଉ ଏଭଳି ଏକ ଭିଡିଓ ସୋଶାଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି । ଆପଣ ସୋସିଆଲ ମିଡିଆରେ ଏହି ଭାଇରାଲ ଭିଡିଓ ଦେଖିବା ପରେ ଆପଣ କାମ ନକରିବା ବାହାନା ଛାଡ଼ିଦେବେ । ଆଉ କାମ କରିବା ଆରମ୍ଭ କରିବେ । ପଞ୍ଜାବର ମୋଗା ସହରରେ ଜଣେ ୧୦୮ ବର୍ଷ ବୟସ୍କ ବ୍ୟକ୍ତି ପନିପରିବା ବିକ୍ରି କରୁଥିବା ଦେଖିବାକୁ ମିଳୁଛି । ପନିପରିବା ବିକ୍ରି କରୁଥିବା ଏହି ବୃଦ୍ଧଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଆଉ ଲୋକମାନେ ତାଙ୍କୁ ବହୁତ ପ୍ରଶଂସା କରୁଛନ୍ତି ।

୧୦୮ ବର୍ଷ ବୟସରେ ବନ୍ଦ କରିନାହାଁନ୍ତି କାମ

ପ୍ରାୟତଃ ଲୋକମାନେ ଭାବନ୍ତି ଯେ ୬୦ ବର୍ଷ ବୟସ ପରେ ସେମାନେ ଅବସର ନେଇ ବିଶ୍ରାମ କରିବେ । କିଛି ଲୋକ ଏହା ମଧ୍ୟ କରନ୍ତି । କିନ୍ତୁ ଏହା କରିବା ସମସ୍ତଙ୍କ ଭାଗ୍ୟରେ ନଥାଏ । ଏହି ଭିଡିଓରେ ଦେଖାଯାଉଥିବା ବ୍ୟକ୍ତି ସୋସିଆଲ ମିଡିଆରେ ଭାଇରାଲ ହେଉଛନ୍ତି । ତାଙ୍କ ବୟସ ପ୍ରାୟ ୧୦୮ ବର୍ଷ ବୋଲି କୁହାଯାଉଛି। ଏବଂ ବୟସର ଏହି ପର୍ଯ୍ୟାୟରେ ମଧ୍ୟ ବୃଦ୍ଧଙ୍କ କାର୍ଯ୍ୟ ପ୍ରତି ଉତ୍ସାହ ଆଦୌ କମି ନାହିଁ ।

ପଞ୍ଜାବର ମୋଗା ସହରରେ ବୃଦ୍ଧ ବ୍ୟକ୍ତି ଜଣକ ତାଙ୍କ ଠେଲା ଗାଡ଼ିରେ ପନିପରିବା ବିକ୍ରି କରୁଥିବା ଦେଖିବାକୁ ମିଳୁଛି। ଯେଉଁ ବୟସରେ ଅନେକ ଲୋକ ବିଶ୍ରାମ କରନ୍ତି । ଲୋକଙ୍କୁ ପାଣି ପିଇବା ପାଇଁ ମଧ୍ୟ ଅନ୍ୟମାନଙ୍କଠାରୁ ସାହାଯ୍ୟ ନେବାକୁ ପଡିଥାଏ । କିନ୍ତୁ ଏହି ବୟସରେ, ଏହି ବୃଦ୍ଦ ଜଣକ ପନିପରିବା ବିକ୍ରି କରି ନିଜ ପରିବାରକୁ ସାହାଯ୍ୟ କରୁଛନ୍ତି । ଆଉ ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।

ଭାଇରାଲ ହେଉଥିବା ଏହି ଭିଡିଓ ଇନଷ୍ଟାଗ୍ରାମରେ @manithind ନାମକ ଏକ ଆକାଉଣ୍ଟରୁ ସେୟାର କରାଯାଇଛି । ଏହି ଭିଡିଓ ବର୍ତ୍ତମାନ ପର୍ଯ୍ୟନ୍ତ ୩.୨୬ ଲକ୍ଷରୁ ଅଧିକ ଲାଇକ୍ କରିଛନ୍ତି ।