ରାହୁଲ ଗାନ୍ଧିଙ୍କ ଉପରେ କାର୍ଯ୍ୟାନୁଷ୍ଠାନ ଦାବି କଲେ କୁଳପତି, ଜାଣନ୍ତୁ କଣ ରହିଛି କାରଣ
ନୂଆଦିଲ୍ଲୀ: ଦେଶରେ ଚାଲିଥିବା ନିର୍ବାଚନୀ ମାହୋଲ ମଧ୍ୟରେ ପୁଣି ଥରେ ଅଡୁଆରେ ପଡ଼ିଛନ୍ତି କଂଗ୍ରେସ ନେତା ତଥା ସାଂସଦ ରାହୁଲ ଗାନ୍ଧୀ । ଏଥର କୌଣସି ରାଜନୈତିକ ପ୍ରସଙ୍ଗ ନୁହେଁ, ବରଂ ବିଶ୍ୱବିଦ୍ୟାଳୟରେ କୁଳପତି ନିଯୁକ୍ତିକୁ ନେଇ ଦେଇଥିବା ମନ୍ତବ୍ୟ ପାଇଁ ସେ ବିବାଦ ଘେରକୁ ଆସିଛନ୍ତି ।
ଏଥିପାଇଁ ସାରା ଦେଶରୁ ୧୮୧ କୁଳପତି ଏବଂ ପୂର୍ବତନ କୁଳପତି ଖୋଲା ଚିଠି ଜରିଆରେ ରାହୁଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଶିକ୍ଷାବିତମାନେ ଏକ ଖୋଲା ଚିଠିରେ କହିଛନ୍ତି ଯେ କଂଗ୍ରେସ ନେତା ଅଭିଯୋଗ କରିଛନ୍ତି ଯେ ଉପ-କୁଳପତିମାନେ କେବଳ ଯୋଗ୍ୟତା ପରିବର୍ତ୍ତେ ଏକ ସଂସ୍ଥାର ସହଭାଗୀତା ଆଧାରରେ ନିଯୁକ୍ତ ହୋଇଛନ୍ତି ।
ସେ ଚିଠିରେ ରାହୁଲଙ୍କ ଦାବିକୁ ପ୍ରତ୍ୟାଖ୍ୟାନ କରିଛନ୍ତି । ଉପ-କୁଳପତି ଚୟନ ପ୍ରକ୍ରିୟା କଠୋର ଏବଂ ସ୍ୱଚ୍ଛ ଏବଂ ଯୋଗ୍ୟତା, ଏକାଡେମିକ ଉତ୍କର୍ଷ ଏବଂ ଅଖଣ୍ଡତାର ମୂଲ୍ୟବୋଧ ବୋଲି ସମାହିତ ଥାଏ । ଚିଠିରେ ଲେଖାଅଛି, ଯେଉଁ ପ୍ରକ୍ରିୟା ଦ୍ୱାରା କୁଳପତିମାନେ ମନୋନୀତ ହୁଅନ୍ତି, ତାହା ଯୋଗ୍ୟତା, ବିଦ୍ୱତାପୁର୍ଣ୍ଣ ବିଶିଷ୍ଟତା ଏବଂ ଅଖଣ୍ଡତା ଉପରେ ଆଧାର କରି ଏକ କଠୋର, ସ୍ୱଚ୍ଛ କଠୋର ପ୍ରକ୍ରିୟାର ବିଶେଷତା ।
ଚୟନଟି କେବଳ ଏକାଡେମିକ ଏବଂ ପ୍ରଶାସନିକ ଦକ୍ଷତା ଉପରେ ଆଧାରିତ ଏବଂ ବିଶ୍ୱବିଦ୍ୟାଳୟଗୁଡ଼ିକୁ ଆଗକୁ ନେବାକୁ ଲକ୍ଷ୍ୟ ରଖାଯାଇଛି । ସୂଚନାଯୋଗ୍ୟ, ରାହୁଲ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ'ରେ ପୋଷ୍ଟ କରି କହିଥିଲେ ଯେ, ମେରିଟ୍ ଏବଂ ଯୋଗ୍ୟତା ଭିତ୍ତିରେ କୁଳପତି ନିଯୁକ୍ତ ହେଉନାହାନ୍ତି । କେବଳ କିଛି ସଂଗଠନ ସହିତ ସଂଶ୍ଳିଷ୍ଟ ବ୍ୟକ୍ତିଙ୍କୁ କୁଳପତି ଭାବେ ନିଯୁକ୍ତ କରାଯାଉଛି ।
Click it and Unblock the Notifications
Sign in with Google