ନିର୍ମାଣାଧୀନ ଟନେଲ ଭିତରେ ଭୂସ୍ଖଳନ; ଫସିଛନ୍ତି ୩୬ ଶ୍ରମିକ
ଉତ୍ତରକାଶୀର ୟମୁନୋତ୍ରୀ ଜାତୀୟ ରାଜପଥରେ ସିଲକ୍ୟାରା ଠାରୁ ଡଣ୍ଡାଲଗାଓଁ ପର୍ଯ୍ୟନ୍ତ ନିର୍ମାଣାଧୀନ ଟନେଲ ଭିତରେ ଭୂସ୍ଖଳନ ହେତୁ ଏକ ବଡ଼ ଦୁର୍ଘଟଣା ସମ୍ପର୍କରେ ସୂଚନା ମିଳିଛି । ଟନେଲ ଭିତରେ ୩୬ ଜଣ ଶ୍ରମିକ ଥିବା ଜଣା ପଡିଛି । ଘଟଣାସ୍ଥଳରେ ଜିଲ୍ଲା ପ୍ରଶାସନ ଓ ଉଦ୍ଧାରକାରୀ ଟିମ ପହଞ୍ଚି ରେସ୍କ୍ୟୁ ଅପରେସନକୁ ଜୋରଦାର କରିଛନ୍ତି ।
NHIDCL ନିର୍ଦ୍ଦେଶନାରେ ନବୟୁଗା କମ୍ପାନୀ ଦ୍ୱାରା ଏହି ଟନେଲ ନିର୍ମାଣ କରାଯାଉଛି । ଆବର୍ଜନା ହଟାଇବା କାମ କମ୍ପାନୀ ଦ୍ୱାରା କରାଯାଉଛି । ଘଟଣାସ୍ଥଳରେ ପାଞ୍ଚଟି ୧୦୮ ଆମ୍ବୁଲାନ୍ସ ନିୟୋଜିତ କରାଯାଇଛି ।
ଟନେଲର ୧୫୦ ମିଟର ଲମ୍ବ ଭାଗ ଦବି ଯାଇଛି । ଭୋର ୪ଟା ବେଳେ ଏହି ଅଘଟଣ ଘଟିଛି । ଟନେଲର ଲମ୍ବ ହେଉଛି ସାଢ଼େ ୪ କିଲୋମିଟର ।
SDRF ରୁ ମିଳିଥିବା ସୂଚନା ଅନୁଯାୟୀ, ଜିଲ୍ଲା ନିୟନ୍ତ୍ରଣ କକ୍ଷ ଉତ୍ତରପ୍ରଦେଶରୁ ସୂଚନା ମିଳିଥିଲା ଯେ ଉତ୍ତରପ୍ରଦେଶର ବ୍ରହ୍ମାଖଲ ବାରକୋଟ ମଧ୍ୟରେ ଟନେଲ ଭୁଶୁଡ଼ିବା କାରଣରୁ ୩୬ ଜଣ ଫସିଥିବାର ଜଣା ପଡ଼ିଛି । ଫସି ରହିଥିବା ଶ୍ରମିକଙ୍କ ପାଖକୁ ଅକ୍ସିଜେନ ପହଞ୍ଚାଯାଇଛି । ଏହି ଟନେଲ ସିଲକ୍ୟାରାରୁ ଦଣ୍ଡାଲଗାଓଁକୁ ଯୋଡ଼ିବା ପାଇଁ ନିର୍ମାଣ କରାଯାଉଥିଲା
ସୂଚନା ମୁତାବକ, SDRF ଉଦ୍ଧାରକାରୀ ଦଳକୁ ଘଟଣାସ୍ଥଳକୁ ପଠାଯାଇଥିଲା । ଘଟଣାସ୍ଥଳରେ ପହଞ୍ଚିବା ପରେ SDRF ଅନ୍ୟ ଉଦ୍ଧାରକାରୀ ୟୁନିଟ୍ ସହ ସମନ୍ୱୟ ରକ୍ଷା କରି ଯୁଦ୍ଧକାଳୀନ ପଦକ୍ଷେପ ନେଇ ରିଲିଫ ଏବଂ ଉଦ୍ଧାର କାର୍ଯ୍ୟ କରୁଛି । ଏହା ଚାରଧାମ ରୋଡ୍ ପ୍ରୋଜେକ୍ଟ ଅଧିନରେ ନିର୍ମାଣ ଚାଲିଛି । ଟନେଲ ନିର୍ମାଣ ହେଲେ ଉତ୍ତରକାଶୀରୁ ଯମୁନେତ୍ରୀ ଧାମର ଦୂରତା ୨୬ କିଲୋମିଟର କମ ରହିବ ।
Click it and Unblock the Notifications
Sign in with Google