ସ୍କୁଲ ବହିରେ ଜାତୀୟ ସଙ୍ଗୀତରୁ ଉତ୍କଳ-ବଙ୍ଗ ଗାଏବ
ଜାତୀୟ ସଂଗୀତରେ ତୃତୀୟ ଧାଡିର ପଞ୍ଜାବ-ସିନ୍ଧୁ-ଗୁଜୁରାଟ-ମରାଠା ଦ୍ରାବିଡ ପରେ ଫାଙ୍କା ସ୍ଥାନ ଦେଖିବାକୁ ମିଳିଛି ।
ଲକ୍ଷ୍ନୌ: ସ୍କୁଲ ବହିରେ ଜାତୀୟ ସଙ୍ଗୀତ 'ଜନଗଣ ମନ ଅଧିନାୟକ'ରୁ ଉଭାନ ହୋଇଗଲା ଉତ୍କଳ-ବଙ୍ଗ । ଛାତ୍ରଛାତ୍ରୀ ପଢା ବହିରେ ଜାତୀୟ ସଂଗୀତର ଅଧା ପଢୁଥିବା ଜଣାପଡିଛି । ଏଭଳି ଏକ ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶ ସରକାରୀ ବିଦ୍ୟାଳୟର ପଞ୍ଚମ ଶ୍ରେଣୀ ହିନ୍ଦୀ ବହିରେ । ଜାତୀୟ ସଂଗୀତରେ ତୃତୀୟ ଧାଡିର ପଞ୍ଜାବ-ସିନ୍ଧୁ-ଗୁଜୁରାଟ-ମରାଠା ଦ୍ରାବିଡ ପରେ ଫାଙ୍କା ସ୍ଥାନ ଦେଖିବାକୁ ମିଳିଛି । ପ୍ରାୟ ସାଢେ 2 ଲକ୍ଷରୁ ଅଧିକ ବହିରେ ଏହି ତ୍ରୁଟି ରହିଛି । ଏହାକୁ ନେଇ ଦେଖାଦେଇଛି ବିବାଦ। ଏଥିସହିତ କଂଗ୍ରେସ ଜନତା ପାର୍ଟିକୁ ଟାର୍ଗେଟ କରିଥିବା ଦେଖାଯାଇଛି ।
ଏହି ଘଟଣା ନେଇ କଂଗ୍ରେସ ଜିଲ୍ଲା ସଭାପତି ଅରୁଣ ବିଦ୍ୟାର୍ଥୀ କହିଛନ୍ତି, '' ପଶ୍ଚିମବଙ୍ଗରେ ନିର୍ବାଚନ ହାରିବା ଦୁଃଖ ବିଜେପି ଭୁଲି ପାରୁନାହିଁ । ସେଥିପାଇଁ ସେ ଜାତୀୟ ସଙ୍ଗୀତରେ ଉତ୍କଳ-ବଙ୍ଗ ଧାଡିଟି ପ୍ରିଣ୍ଟ କରିନି । ଆମେ ଏହା ଉପରେ ଆନ୍ଦୋଳନ କରିବୁ ।'' ଏନେଇ ତଦନ୍ତ କରାଯିବା ଉଚିତ ବୋଲି ଦାବି ହୋଇଛି ।
Click it and Unblock the Notifications
Sign in with Google