Click it and Unblock the Notifications
MUST READ
-
-
-
-
-
-
ଉତ୍କର୍ଷ ସମାରୋହ: ହିତାଧିକାରୀଙ୍କ କଥା ଶୁଣି ଭାବୁକ ହେଲେ ମୋଦି
ଗୁଜୁରାଟରେ ଆୟୋଜିତ ହୋଇଛି ଉତ୍କର୍ଷ ସମାରୋହ। ଭିଡିଓ କନ୍ଫରେନ୍ସିଂ ଜରିଆରେ ସଭାକୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ମୋଦି ।
ନୂଆଦିଲ୍ଲୀ: ଗୁଜୁରାଟରେ ଆୟୋଜିତ ହୋଇଛି ଉତ୍କର୍ଷ ସମାରୋହ। ଭିଡିଓ କନ୍ଫରେନ୍ସିଂ ଜରିଆରେ ସଭାକୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ମୋଦି । ରାଜ୍ୟର ଜିଲ୍ଲା ଗୁଡିକରେ 4ଟି ସରକାରୀ ଯୋଜନାର ଶତପ୍ରତିଶତ କାର୍ଯ୍ୟକାରିତା ନେଇ ହିତାଧିକାରୀଙ୍କ ସହ କଥା ହୋଇଥିଲେ ପ୍ରଧାନମନ୍ତ୍ରୀ ।
ଜଣେ ଦୃଷ୍ଟିବାଧିତ ହିତାଧିକାରୀଙ୍କ ସହ କଥା ହୋଇଥିଲେ ମୋଦି । ସେହି ସମୟରେ ସେମାନଙ୍କ ଝିଅଙ୍କ ଶିକ୍ଷା ବିଷୟରେ ତାଙ୍କୁ ପଚାରିଥିଲେ । ତାଙ୍କ 3 ଜଣ ଝିଅ ପାଠପଢି ଡାକ୍ତର ହେବାକୁ ଲକ୍ଷ୍ୟ ରଖିଛନ୍ତି । ଡାକ୍ତର ହେବା ପଛର କାରଣ ପଚାରିଥିଲେ ପ୍ରଧାନମନ୍ତ୍ରୀ। ସେ କହିଥିଲେ, '' ବାପାଙ୍କ ଅବସ୍ଥାରେ ସୁଧାର ଆଣିବା ପାଇଁ ମୁଁ ଡାକ୍ତର ହେବାକୁ ଚାହୁଁଛି । ଏହା ଶୁଣିବା ମାତ୍ରେ ପ୍ରଧାନମନ୍ତ୍ରୀ ଭାବ ବିହ୍ବଳ ହୋଇ କିଛି ସମୟ ଚୁପ ହୋଇଯାଇଥିଲେ ।
ଚଳିତ ବର୍ଷ ଜାନୁଆରୀରୁ ମାର୍ଚ୍ଚ 31 ଯାଏଁ ଉତ୍କର୍ଷ ଡ୍ରାଇଭ ଆରମ୍ଭ କରିଥିଲେ । ରାଜ୍ୟର ସମସ୍ତ ଦରିଦ୍ର, ବିଧବା ଏବଂ ବାର୍ଦ୍ଧ୍ୟକ ଲୋକଙ୍କୁ ବିଭିନ୍ନ ଯୋଜନା ଜରିଆରେ ସହାୟତା ପ୍ରଦାନ କରିବା ଏହି ଡ୍ରାଇଭ ର ମୁଖ୍ୟ ଉଦ୍ଦେଶ୍ୟ ଥିଲା ।
4ଟି ଯୋଜନାରେ ମୋଟ 12, 854 ହିତାଧିକାରୀ ଚିହ୍ନଟ ହୋଇଛନ୍ତି । ଗଙ୍ଗା ସ୍ବରୁପା ଆର୍ଥିକ ସହାୟତା ଯୋଜନା, ଇନ୍ଦିରା ଗାନ୍ଧୀ ବୃଦ୍ଧ ସହାୟତା ଯୋଜନା, ନିରାଧର ବୃଦ୍ଧ ଆର୍ଥିକ ସହାୟତା ଯୋଜନା ଏବଂ ରାଷ୍ଟ୍ରୀୟ କୁଟୁମ୍ବ ସହାୟ ଯୋଜନା ଭଳି 4ଟି ଯୋଜନା ରହିଛି । ଯେଉଁମାନେ ଏହି ଯୋଜନାରେ ଲାଭବାନ ହୋଇନାହାନ୍ତି, ସେମାନଙ୍କ ଯୋଗାଯୋଗ ପାଇଁ ହେଲ୍ପଲାଇନ ନମ୍ବର ଜାରି ହୋଇଥିଲା ଉତ୍କର୍ଷ କ୍ୟାମ୍ପ ଜିଲ୍ଲା ମ୍ୟୁନସିପାଲଟି ଅଞ୍ଚଳର ସମସ୍ତ ଗାଁ ଏବଂ ୱାର୍ଡରେ ଆୟୋଜିତ ହୋଇଛି।
