UP By-Election 2024: ୯ ଆସନରୁ ୫ ସିଟରେ ବିଜେପି ଆଗୁଆ

ଉତ୍ତରପ୍ରଦେଶ ନିର୍ବାଚନ ରଣନୀତି । ୯ ସିଟରେ ହୋଇଥିଲା ଉତ୍ତରପ୍ରଦେଶର ବିଧାନସଭା ନିର୍ବାଚନ , ଆଜି ସକାଳ ୮ଟାରୁ ମତଗଣନା ଆରମ୍ଭ ହୋଇଥିବା ବେଳେ ସକାଳ ଆରମ୍ଭରୁ ହିଁ ବିଜେପି ଟ୍ରେଣ୍ଡିରେ ରହିଆସିଛି । ଏଥିସହ ଏହି ନିର୍ବାଚନରେ ସପା ପଛରେ ରହିଥିବା ବେଳେ ବର୍ତ୍ତମାନ ସୁଦ୍ଧା ଗଣନାରେ ୯ ଆସନରୁ ୫ ସିଟରେ ବିଜେପି ଆଗୁଆ ରହିଛି ।ଟ୍ରେଣ୍ଡରେ ବିଜେପିର ସୁନାମି । ପଛରେ ପଡିଲା ମହାବିକାଶ ଅଘାଡି ।
ମହାରାଷ୍ଟ୍ର ନିର୍ବାଚନ ଫଳାଫଳ । ବର୍ତ୍ତମାନ ଆସୁଥିବା ଟ୍ରେଣ୍ଡ ଅନୁସାରେ ମହାବିକାଶ ଅଘାଡିକୁ ବହୁ ପଛରେ ପକାଇଛି ମହାୟୁତି । ତେବେ ପ୍ରାରମ୍ଭିକ ଟ୍ରେଣ୍ଡ ଅନୁସାରେ, ବହୁମତକୁ ପାର୍ କରିଛି ମହାୟୁତି ମେଣ୍ଟ । ବିଜେପି ନେତୃତ୍ୱାଧୀନ ଏହି ମେଣ୍ଟ ମ୍ୟାଜିକ୍ ନମ୍ବରକୁ ପାର୍ କରିଛି । ୨୮୮ ଆସନ ବିଶିଷ୍ଟ ମହାରାଷ୍ଟ୍ର ବିଧାନସଭାରେ ମ୍ୟାଜିକ୍ ନମ୍ବର ରହିଛି ୧୪୫ । ହେଲେ ଏହାଠାରୁ ଢେର୍ ଅଧିକ ଆସନରେ ଆଘୁଆ ରହିଛି ମହାୟୁତି ମେଣ୍ଟ ।

ତେବେ ପ୍ରଥମେ ପ୍ରଥମେ ଆସୁଥିବା ଟ୍ରେଣ୍ଡରେ ମହାରାଷ୍ଟ୍ରରେ ଏନଡିଏ ଏବଂ ଇଣ୍ଡି ମେଣ୍ଟ ଭିତରେ କଡା ଟକ୍କର ଦେଖିବାକୁ ମିଳିଥିଲା । ମହାୟୁତିକୁ କଡା ଟକ୍କର ଦେଉଥିଲା ମହାବିକାଶ ଅଘାଡି । ହେଲେ ସମୟ ବଢିବା ସହ ମହାୟୁତି ଲିଡ୍ ହାସଲ କରିଥିଲା । ଆଉ ଟ୍ରେଣ୍ଡରେ ପଛରେ ପଡିଥିଲା ମହାବିକାଶ ଅଘାଡି ।

ସୂଚନାଯୋଗ୍ୟ ଯେ, ମହାରାଷ୍ଟ୍ରର ସମସ୍ତ ୨୮୮ଟି ଯାକ ଆସନରେ ନଭେମ୍ବର ୨୦ରେ ଭୋଟ୍ ପଡିଥିଲା । ତେବେ ଏଠାରେ ଖାସ୍ କରି ଦୁଇଟି ମେଣ୍ଟ ମୁହାଁମୁହିଁ ହେଉଛନ୍ତି । ବିଜେପି ନେତୃତ୍ୱରେ ଶିବସେନା (ସିନ୍ଧେ ଗୋଷ୍ଠୀ), ଏନସିପି (ଅଜିତ୍ ପାଓ୍ୱାର ଗୋଷ୍ଠୀ)କୁ ନେଇ ମହାୟୁତି । ଏବଂ କଂଗ୍ରେସ ନେତୃତ୍ୱରେ ଶିବସେନା (ଉଦ୍ଧବ ଗୋଷ୍ଠୀ), ଏନସିପି (ଶରଦ ପାଓ୍ୱାର ଗୋଷ୍ଠୀ)କୁ ନେଇ ମହାବିକାଶ ଅଘାଡି ମେଣ୍ଟ ।

ଏଥର ନିର୍ବାଚନରେ ମହାୟୁତିରେ ସାମିଲ ଥିବା ବିଜେପି ୧୪୯ ସିଟରେ ପ୍ରାର୍ଥୀ ଦେଇଥିଲା । ସେହିପରି ଶିବସେନା(ଉଦ୍ଧବ ଗୋଷ୍ଠୀ) ୮୧ଟି ସିଟରେ , ଏନସିପି (ଅଜିତ ପାଓ୍ୱାର) ଗୋଷ୍ଠୀ ୫୯ଟି ସିଟରେ ପ୍ରାର୍ଥୀ ଦେଇଥିଲେ । ଅନ୍ୟପଟେ ମହାବିକାଶ ଅଘାଡି ମେଣ୍ଟରେ ସାମିଲ ଥିବା କଂଗ୍ରେସ ୧୦୧ ସିଟରେ ପ୍ରାର୍ଥୀ ଦେଇଥିଲା । ତା ସହ ଶିବସେନା (ୟୁବିଟି) ୯୫ଟି ଆସନରେ ଏବଂ ଏନସିପି (ଶରଦ ପାଓ୍ୱାର) ଗୋଷ୍ଠୀ ୮୬ଟି ଆସନରେ ପ୍ରାର୍ଥୀ ଦେଇଥିଲା ।