କେନ୍ଦ୍ର ମନ୍ତ୍ରୀ ଲଲନ ସିଂହଙ୍କ ବିରୋଧରେ ମାମଲା ରୁଜୁ

ପାଟନା ଜିଲ୍ଲା ପ୍ରଶାସନ ଭିଡିଓ ନିରୀକ୍ଷଣ ଦଳରୁ ଫୁଟେଜ୍ ସମୀକ୍ଷା କରିବା ପରେ କେନ୍ଦ୍ର ପଞ୍ଚାୟତିରାଜ ମନ୍ତ୍ରୀ ଏବଂ ଜେଡି(ୟୁ) ନେତା ଲଲନ ସିଂହ (ରାଜୀବ ରଞ୍ଜନ ସିଂହ)ଙ୍କ ବିରୋଧରେ ଏକ ଏଫଆଇଆର ରୁଜୁ କରିଛି। ଅଧିକାରୀମାନେ କହିଛନ୍ତି ଯେ ନିର୍ବାଚନ ପ୍ରକ୍ରିୟା ସମୟରେ କଥିତ ଉଲ୍ଲଂଘନ ପାଇଁ ଭାରତୀୟ ନାଗରିକ ସୁରକ୍ଷା ସଂହିତା ଏବଂ ଜନପ୍ରତିନିଧି ଆଇନର ପ୍ରାସଙ୍ଗିକ ଧାରା ଅନୁଯାୟୀ ମାମଲା ରୁଜୁ କରାଯାଇଛି।"ପାଟନା ଜିଲ୍ଲା ପ୍ରଶାସନ ଦ୍ୱାରା ଭିଡିଓ ନିରୀକ୍ଷଣ ଦଳର ଭିଡିଓ ଫୁଟେଜ୍ ଯାଞ୍ଚ କରାଯାଇଥିଲା। ତଦନ୍ତ ପରେ, ଏହି ମାମଲାରେ, ଭାରତୀୟ ନାଗରିକ ସୁରକ୍ଷା ସଂହିତା ଏବଂ ଜନପ୍ରତିନିଧି ଆଇନର ପ୍ରାସଙ୍ଗିକ ଧାରା ଅନୁଯାୟୀ ଶ୍ରୀ ଲଲନ ସିଂହ ଓରଫ ଶ୍ରୀ ରାଜୀବ ରଞ୍ଜନ ସିଂହଙ୍କ ବିରୁଦ୍ଧରେ ଏକ ଏଫଆଇଆର ରୁଜୁ କରାଯାଇଛି,"

ମୋକାମାରେ କେନ୍ଦ୍ର ମନ୍ତ୍ରୀ ଲଲ୍ଲନ ସିଂହଙ୍କ ବିରୋଧରେ ମାମଲା ରୁଜୁ ହୋଇଛି। ବିରୋଧୀ ଦଳଗୁଡ଼ିକ ମୋକାମାରେ ତାଙ୍କ ଭାଷଣକୁ ଗଣତନ୍ତ୍ର ବିରୋଧୀ ଏବଂ ଗରିବ ବିରୋଧୀ ବୋଲି କହି ତୀବ୍ର ସମାଲୋଚନା କରିଛନ୍ତି। ମୋକାମା ବିଧାନସଭା କ୍ଷେତ୍ରରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରୁଥିବା ସମୟରେ ଏହି ବିବାଦ ସୃଷ୍ଟି ହୋଇଥିଲା। ମୋକାମାରେ ନେତା ଅନନ୍ତ ସିଂହଙ୍କୁ ପ୍ରାର୍ଥୀ କରିଛି ଜେଡିୟୁ। ଯାହାଙ୍କ ଗିରଫଦାରୀ ଯୋଗୁଁ ଲଲ୍ଲନ ସିଂହ ଏବଂ ଅନ୍ୟ ନେତାମାନେ ପ୍ରଚାର ଦାୟିତ୍ୱ ନେଇଛନ୍ତି।

ନିର୍ବାଚନ ଭାଷଣରେ ଲଲ୍ଲନ ସିଂହ କହିଥିଲେ ଯେ କିଛି ଲୋକ ଅଛନ୍ତି ଯେଉଁମାନଙ୍କୁ ନିର୍ବାଚନ ଦିନ ଘରୁ ବାହାରକୁ ଯିବାକୁ ଦିଆଯିବା ଉଚିତ୍ ନୁହେଁ। ଯଦି ସେମାନେ ବହୁତ ଅନୁରୋଧ କରନ୍ତି, ତେବେ ସେମାନଙ୍କୁ ସାଙ୍ଗରେ ନେଇଯାଅ ଏବଂ ଭୋଟ ଦେବା ପରେ ଘରକୁ ଫେରାଇ ଆଣ। ଏବେ ଦାୟିତ୍ୱ ନିଅ। ନିର୍ବାଚନ ପାଇଁ ଆଉ ସମୟ ବାକି ନାହିଁ। ଲଲ୍ଲନ ସିଂହଙ୍କ ଭିଡିଓ ସାମ୍ନାକୁ ଆସିବା ପରେ ବିରୋଧୀ ତୀବ୍ର ବିରୋଧ କରିଥିଲେ