ଆକାଶ ମିସାଇଲ୍ ସିଷ୍ଟମର ରପ୍ତାନିକୁ କେନ୍ଦ୍ର କ୍ୟାବିନେଟର ଅନୁମୋଦନ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଆକାଶ ମିସାଇଲ ସିଷ୍ଟମର ରପ୍ତାନିକୁ ଅନୁମୋଦନ କରିଛି |
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଆକାଶ ମିସାଇଲ ସିଷ୍ଟମର ରପ୍ତାନିକୁ ଅନୁମୋଦନ କରିଛି | ଶୀଘ୍ର ଅନୁମୋଦନ ପାଇଁ ଏକ କମିଟି ଗଠନ କରାଯାଇଛି ବୋଲି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଛନ୍ତି | ଆତ୍ମ ନିର୍ଭର ଭାରତ ଅଧୀନରେ ପ୍ରତିରକ୍ଷା କ୍ଷେତ୍ରରେ ବିଭିନ୍ନ ପ୍ରକାରର କ୍ଷେପଣାସ୍ତ୍ର ଉତ୍ପାଦନ କରିବାର କ୍ଷମତା ବଢାଉଛି ବୋଲି ପ୍ରତିରକ୍ଷାମନ୍ତ୍ରୀ କହିଛନ୍ତି |
96 ପ୍ରତିଶତରୁ ଅଧିକ ସ୍ୱଦେଶୀକରଣ ସହିତ ଆକାଶ ମିଶାଇଲ ଦେଶର ଗୁରୁତ୍ୱପୂର୍ଣ୍ଣ କ୍ଷେପଣାସ୍ତ୍ର | ଆକାଶ ହେଉଛି ଭୂପୃଷ୍ଠ ଠାରୁ ଆକାଶମାର୍ଗରେ 25 କିଲୋମିଟର ପର୍ଯ୍ୟନ୍ତ ଦୂରତା ସମ୍ପନ୍ନ ବିଶିଷ୍ଟ ଏୟାର ମିସାଇଲ୍ | ଆକାଶ ମିଶାଇଲର ରପ୍ତାନି ସଂସ୍କରଣ ବର୍ତ୍ତମାନ ଭାରତୀୟ ସଶସ୍ତ୍ର ବାହିନୀ ସହିତ ନିୟୋଜିତ ସିଷ୍ଟମଠାରୁ ଭିନ୍ନ ହେବ ବୋଲି ଶ୍ରୀ ସିଂ କହିଛନ୍ତି |
ଏହା ପୂର୍ବରୁ ରପ୍ରାନୀ କ୍ଷେତ୍ରରେ ଭାରତ ବଜାର ବହୁ ନିମ୍ନରେ ଥିଲା | କ୍ୟାବିନେଟର ଏହି ନିଷ୍ପତ୍ତି ଦେଶକୁ ଏହାର ପ୍ରତିରକ୍ଷା ଉତ୍ପାଦରେ ଉନ୍ନତି ଆଣିବା ଏବଂ ବିଶ୍ୱବ୍ୟାପୀ ପ୍ରତିଯୋଗିତାମୂଳକ କରିବାରେ ସାହାଯ୍ୟ କରିବ ବୋଲି ପ୍ରତିରକ୍ଷା ମନ୍ତ୍ରୀ ମଧ୍ୟ କହିଛନ୍ତି |
ଭାରତ ସରକାର ଅଧିକା ମୂଲ୍ୟର ପ୍ରତିରକ୍ଷା ଉତ୍ପାଦ ରପ୍ତାନି ଉପରେ ଧ୍ୟାନ ଦେବା ସହ, ଏହି ରପ୍ତାନୀ ଦ୍ୱାରା 5 ବିଲିୟନ ଡଲାରର ଲକ୍ଷ୍ୟ ହାସଲ କରିବା ନେଇ ଯୋଜନା କରିଛନ୍ତି | ଏଥିସହିତ ଏହି ସମସ୍ତ ଉତ୍ପାଦର ରପ୍ତାନୀ କରି ବାବାର ଦେଶ ସହିତ ବନ୍ଧୁତ୍ୱପୂର୍ଣ୍ଣ ରଣନୀତିକ ସମ୍ପର୍କକୁ ସୁଦୃଢ କରିବାକୁ ଲକ୍ଷ୍ୟ ରଖିଛନ୍ତି |