ଟେଲିଗ୍ରାମରେ ୫ ରୁ ୧୦ ହଜାର ଟଙ୍କାରେ ବିକ୍ରି ହେଉଥିଲା UGC-NET ପ୍ରଶ୍ନ ପତ୍ର

Updated: Friday, June 21, 2024, 15:38 [IST]

UGC-NET Cancellation: ଜାତୀୟ ପରୀକ୍ଷା ଏଜେନ୍ସି (NTA) ଦ୍ୱାରା ପରିଚାଳିତ UGC-NET ଜୁନ୍ 2024 ପରୀକ୍ଷା ପ୍ରଶ୍ନ ପତ୍ର ଲିକ୍ ହେବା ପରେ ଜୁନ୍ ୧୯ ତାରିଖରେ ବାତିଲ କରାଯାଇଛି । ଗୃହ ମନ୍ତ୍ରଣାଳୟର I4C ଦ୍ୱାରା କାଗଜ ଲିକ୍ ସହ ଜଡିତ ଇନପୁଟ ମିଳିଥିଲା, ଯାହା ପରେ UGC-NET ପରୀକ୍ଷା ବାତିଲ କରାଯାଇଥିଲା। ଏବେ UGC-NET କାଗଜ ଲିକ୍ ସଂପର୍କରେ ଏକ ଆଶ୍ଚର୍ଯ୍ୟଜନକ ତଥ୍ୟ ସାମ୍ନାକୁ ଆସିଛି ।

ରିପୋର୍ଟ ଅନୁଯାୟୀ, UGC-NET'ର ଲିକ୍ ହୋଇଥିବା ପ୍ରଶ୍ନ ପତ୍ର ଟେଲିଗ୍ରାମରେ 5 ରୁ 10 ହଜାର ଟଙ୍କାରେ ବିକ୍ରି ହେଉଥିଲା। ବର୍ତ୍ତମାନ ଏହାର ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ନ୍ୟୁଜ୍ 18 ର ରିପୋର୍ଟ ଅନୁଯାୟୀ, ଗୃହ ମନ୍ତ୍ରଣାଳୟକୁ ମିଳିଥିବା ଇନପୁଟର ଏକ ଛୋଟ ସ୍କ୍ରିନସଟ୍ ମଧ୍ୟ ସେୟାର କରାଯାଇଛି ।

ଯେଉଁଥିରେ ଲିକ୍ ହୋଇଥିବା କାଗଜର ଏକ ନମୁନା ମଧ୍ୟ ଅନ୍ତର୍ଭୁକ୍ତ ହୋଇଥିଲା, ଯାହା ପରେ ଶିକ୍ଷା ମନ୍ତ୍ରଣାଳୟ ଏହାକୁ ଅନ୍ୟାନ୍ୟ ବିବରଣୀ ସହିତ ଯୋଡିଥିଲା, ଯାହା ପରେ ଏହି ସୂଚନା ସାମ୍ନାକୁ ଆସିଲା । ଦାବି ରାଯାଉଛି ଯେ, ଲିକ୍ ହୋଇଥିବା କାଗଜପତ୍ର ମଧ୍ୟ ଟେଲିଗ୍ରାମରେ ଥିଲା।

ନ୍ୟୁଜ୍ 18 ସୂତ୍ରରୁ ପ୍ରକାଶ ଯେ I4C ଅଧିକାରୀମାନେ ଜାଣିବାକୁ ପାଇଥିଲେ ଯେ ଟେଲିଗ୍ରାମରେ ପରୀକ୍ଷା କାଗଜ 5000 ଟଙ୍କା ବିକ୍ରି ହେଉଛି। ଏଥିପାଇଁ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ଶିକ୍ଷା ମନ୍ତ୍ରଣାଳୟକୁ କହିଥିଲେ । ପରୀକ୍ଷା ହେବାର ଅନେକ ଦିନ ପୂର୍ବରୁ ବିଭିନ୍ନ ଗ୍ରୁପରେ ଏହି ପ୍ରଶ୍ନ ପତ୍ର ମିଳୁଥିବା ନେଇ ସୂଚନା ରହିଛି ।