ଜମ୍ମୁ କାଶ୍ମୀରରେ ସୁରକ୍ଷାକର୍ମୀଙ୍କ ଗୁଳିରେ ନିହତ ହେଲେ ଦୁଇ ଆତଙ୍କବାଦୀ
ଜମ୍ମୁକଶ୍ମୀରର ତିନିଟି ସ୍ଥାନରେ ଏନକାଉଣ୍ଟର । ପାନପୁରା, ସୋପର ଓ ବାରମୂଲାରେ ଆତଙ୍କବାଦୀ-ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ । ସୋପରରେ ଦୁଇ ଆତଙ୍କବାଦୀଙ୍କ ମୃତ୍ୟୁ ଘଟିଛି । ବିପୁଳ ଅସ୍ତ୍ରଶସ୍ତ୍ର ଜବତ ହୋଇଛି । ବାରମୂଲା ଜିଲ୍ଲାରେ ସେନା ଓ ପୋଲିସ ପକ୍ଷରୁ ମିଳିତ ସର୍ଚ୍ଚ ଅପରେସନ ଚାଲିଛି । ଆତଙ୍କବାଦୀଙ୍କ ଗତିବିଧି ନେଇ ସୂଚନା ମିଳିବା ପରେ ଏହି ସର୍ଚ୍ଚ ଅପରେସନ କରାଯାଉଛି ।
ଗତକାଲି କିସ୍ତୱାର ଜିଲ୍ଲାରେ ୨ଜଣ ନାଗରିକଙ୍କୁ ଅପହରଣ ପରେ ହତ୍ୟା କରିଛନ୍ତି ଆତଙ୍କବାଦୀ । ଶ୍ରୀନଗରରେ ଗ୍ରେନେଡ ଆଟାକର କିଛି ଦିନ ପରେ ଆତଙ୍କବାଦୀମାନେ ଏହି ବର୍ବରକାଣ୍ଡ ଘଟାଇଛନ୍ତି । ମୁଞ୍ଜିଆ ଧର ଜଙ୍ଗଲରୁ ଆତଙ୍କବାଦୀମାନେ ଗ୍ରାମ୍ୟ ସୁରକ୍ଷା କମିଟର ନାଜିର ଅହମ୍ମଦ ଓ କୁଲଦୀପ କୁମାରଙ୍କୁ ଅପହରଣ କରିନେଇଥିଲେ । ଏହାପରେ ସେମାନଙ୍କୁ ଗୁଳି କରି ହତ୍ୟା କରିଛନ୍ତି । ଏଥିପାଇଁ କାଶ୍ମୀର ଟାଇଗର୍ସ ଆତଙ୍କବାଦୀ ସଂଗଠନ ନିଜକୁ ଦାୟୀ କରିଛି ।
Click it and Unblock the Notifications
Sign in with Google