25 ଦିନ ହେଲା ଜେଲ ଦଣ୍ଡ ଭୋଗୁଛନ୍ତି ଦୁଇ ଗଞ୍ଜା, କାରଣ ଜାଣିଲେ ହେବେ ଆଶ୍ଚର୍ଯ୍ୟ
ଘଟଣା ଘଟିଛି ମାଲକାନଗିରି ସୀମାକୁ ଲାଗିଥିବା ତେଲେଙ୍ଗାନା ରାଜ୍ୟର ଖମାମ ଜିଲ୍ଲାର ବାନାପୁରମ ଗ୍ରାମରେ । କୋର୍ଟ ନିର୍ଦ୍ଦେଶ ନ ଆସିବା ପର୍ଯ୍ୟନ୍ତ ଏଠାରେ ରହିବ। ବନ୍ଦୀ ଜୀବନ ବିତାଇବ।
ମାଲକାନାଗିରି: ହାଜତ ଭିତରେ ଦୁଇ ଗଞ୍ଜା । ଦୋଷ କରି ଦୀର୍ଘ 25 ଦିନ ହେବ ଜେଲ ଦଣ୍ଡ ଭୋଗୁଛନ୍ତି ଏମାନେ । କଥାଟା ଶୁଣିଲେ ଆଶ୍ଚର୍ଯ୍ୟ ଲାଗୁଥିବା, ହେଲେ ଘଟଣାଟି ବିଲକୁଲ ସତ । ଏମିତି ଘଟଣା ଘଟିଛି ମାଲକାନଗିରି ସୀମାକୁ ଲାଗିଥିବା ତେଲେଙ୍ଗାନା ରାଜ୍ୟର ଖମାମ ଜିଲ୍ଲାର ବାନାପୁରମ ଗ୍ରାମରେ । କୋର୍ଟ ନିର୍ଦ୍ଦେଶ ନ ଆସିବା ପର୍ଯ୍ୟନ୍ତ ଏଠାରେ ରହିବ। ବନ୍ଦୀ ଜୀବନ ବିତାଇବ।
ଘଟଣା କଣ:
ଗତମାସରେ ପୋଙ୍ଗଲ ପୂର୍ବରୁ ଅର୍ଥାତ୍ ଜାନୁଆରୀ ୧୦ରେ ତେଲେଙ୍ଗାନାର ବିଭିନ୍ନ ଅଞ୍ଚଳରେ ଜୁଆଖେଳ ହେଉଥିଲା । ଖମମ ଜିଲ୍ଲା ଅନ୍ତର୍ଗତ ବାନାପୁରମ ଗାଁରେ ମକର ସଂକ୍ରାନ୍ତି ପୂର୍ବରୁ ହେଉଥିଲା କୁକୁଡ଼ା ଗାଲି ଖେଳ। ଆଉ ଏ ଗଞ୍ଜା ଦୁଇଟିକୁ ସେଠାରେ ବାଜି ଲଗାଯାଇଥିଲା । ଯେଉଁ ଗଞ୍ଜା ଜିତିବ ତାର ମାଲିକ ବାଜିରେ ଲାଗିଥିବା ସବୁ ଟଙ୍କା ପାଇବ । ଏମିତି ଏକ ଜୁଆ ବା ବେଟିଂ ଚାଲିଥିବା ନେଇ ଖବର ପାଇ ପୋଲିସ ପହଞ୍ଚିଥିଲା । ୨ ଜୁଆଡ଼ିଙ୍କ ସହ ୨ ଗଞ୍ଜାକୁ ନେଇ ପୋଲିସ ଜେଲ୍କୁ ପଠାଇ ଦେଇଥିଲା ।
ପରବର୍ତ୍ତୀ ସମୟରେ ଜୁଆଡ଼ି ଦୁହେଁ କିନ୍ତୁ ଜାମିନ ପାଇ ଜେଲ୍ରୁ ମୁକୁଳିଗଲେ। ହେଲେ ଗଞ୍ଜା ୨ଟିକୁ କେହି ନେବାକୁ ଆସିଲେନି । ପୋଲିସ କହୁଛି, କୋର୍ଟଙ୍କ ନିର୍ଦ୍ଦେଶ ଆସିବା ପରେ ଗଞ୍ଜା ୨ଟିର ନିଲାମ କରାଯିବ। ଯିଏ ଅଧିକ ବାଜି ଲଗେଇବ ସିଏ ଏହି କୁକୁଡ଼ାକୁ ନେବ।
Click it and Unblock the Notifications
Sign in with Google