ଏକାବେଳେ ଶତାଧିକ ଟୁଇଟର କର୍ମଚାରୀଙ୍କ ଇସ୍ତଫା, ଟ୍ରେଣ୍ଡିଂ କରୁଛି #RIP ଟ୍ୱିଟର

ଏବେ ଟୁଇଟକୁ ନେଇ ସୃଷ୍ଟି ହୋଇଛି ହଇଚଇ। ଏକା ସହିତ କମ୍ପାନୀ ଛାଡିଛନ୍ତି ଶତାଧିକ କର୍ମଚାରୀ। ମସ୍କ ଙ୍କ କଠୋର ନୀତିରେ ସହମତ ହେବାପରେ କର୍ମଚାରୀ କଂପାନୀ ଛାଡିଛନ୍ତି।

ସାନଫ୍ରାନସିସକୋ : ଏବେ ଟୁଇଟକୁ ନେଇ ସୃଷ୍ଟି ହୋଇଛି ହଇଚଇ। ଏକା ସହିତ କମ୍ପାନୀ ଛାଡିଛନ୍ତି ଶତାଧିକ କର୍ମଚାରୀ। ମସ୍କ ଙ୍କ କଠୋର ନୀତିରେ ସହମତ ହେବାପରେ କର୍ମଚାରୀ କଂପାନୀ ଛାଡିଛନ୍ତି। ଏହାପରେ ଟୁଇଟରରେ #ଆରଆଇପି ଟ୍ୱିଟର ଟ୍ରେଣ୍ଡ କରୁଛି। କାରଣ ଏଲନ ମସ୍କ ଭାରି ସଂଖ୍ୟାରେ କର୍ମଚାରୀଙ୍କ ଇସ୍ତଫା ଯୋଗୁ ଅସ୍ଥାୟୀ ରୂପେ କାର୍ଯ୍ୟାଳୟ ବନ୍ଦ କରିଦେଇଛନ୍ତି।

ଏକା ସହିତ ଛଟେଇ ପରେ ବର୍ତ୍ତମାନ କମ୍ପାନୀରେ ମାତ୍ର ତିନି ହଜାର କର୍ମଚାରୀ ଅଛନ୍ତି। ଅକ୍ଟୋବର ଶେଷ ସପ୍ତାହରେ ମସ୍କ ଟ୍ୱିଟର ଅଧିଗ୍ରହଣ କରିବା କାଳରେ ଅର୍ଦ୍ଧାଧିକ କର୍ମଚାରୀଙ୍କୁ କାମରୁ କାଢି ଦେଇଥିଲେ। ଏହାପରେ କମ୍ପାନୀରେ ଥିବା ବାକି କର୍ମଚାରୀ ମାନେ କାର୍ଯ୍ୟଭାର ସହିତ ଚାପରେ ରହୁଥିଲେ। ଏଲୋନ ମସ୍କ୍ କର୍ମଚାରୀ ଙ୍କୁ କମ୍ପାନୀରେ ରହିବା ପାଇଁ ଗୁରୁବାର ସନ୍ଧ୍ୟା 5ଟା ସୁଦ୍ଧା ହଁ କି ନାହିଁ କହିବା ପାଇଁ କହିଥିଲେ। କିନ୍ତୁ ଏହା ପୂର୍ବରୁ କର୍ମଚାରୀ ମାନେ ନୋ ବଟନ୍ ଦବାଇ ନିଜକୁ କମ୍ପାନୀରୁ ବାହାର କରି ଦେଇ ଥିଲେ।

ଗୁରୁବାର ଅପରାହ୍ନ 5ଟା ପୂର୍ବରୁ କର୍ମଚାରୀମାନେ ସେମାନଙ୍କ ଇସ୍ତଫା ଘୋଷଣା ଲାଗି ଟ୍ୱିଟରର ସାହାରା ନେଇଛନ୍ତି। ଏହାଛଡା କମ୍ପାନୀର ଅନ୍ତରୀଣ ମ୍ୟାସେଜିଂ ପ୍ଲାଟଫର୍ମ 'ସ୍ଲେକ୍'ରେ ଅନେକ କର୍ମଚାରୀ ଟ୍ୱିଟରରୁ ବିଦାୟ ନେଇଛନ୍ତି।କର୍ମଚାରୀ ମାନେ 2.0 ସହିତ ରହିବା ପାଇଁ ସହମତ ହୋଇ ନାହାନ୍ତି। ଏଣୁ ଅନେକ କର୍ମଚାରୀ ନିଜର କାର୍ଯ୍ୟକାଳ 1.0 ସହ ଶେଷ ହୋଇଥିବା ସୂଚିତ କରି ଚାକିରିରୁ ବାହାରିଛନ୍ତି।

English summary

twitter employees resign in large scale