ଯୋଶୀମଠରେ ସଂକଟ ମାମଲା ଆସନ୍ତା କାଲି ଶୁଣାଣି କରିବେ ସୁପ୍ରିମକୋର୍ଟ

ଲକ୍ଷ୍ନୌ: ଉତ୍ତରାଖଣ୍ତରେ ଯୋଶୀମଠରେ ଭୂଇଁ ଦବିବା ପରେ ଦିନକୁ ଦିନ ସ୍ଥିତି ବିଗିଡିବାରେ ଲାଗିଛି । ସ୍ଥାନୀମ ଲୋକ ଓ ପ୍ରଶାସନ ଚିନ୍ତାରେ ପଡ଼ିଯାଇଛନ୍ତି । ଜମି ଦବିବା ଫଳରେ କେତେକ ଘରେ ଫାଟ ସୃଷ୍ଟି ହୋଇଥିବା ଦେଖିବାକୁ ମିଳିଛି ଯାହାର ସଂଖ୍ୟା ଦିନରୁ ଦିନ ବଢିବାରେ ଲାଗିଛି । ପ୍ରଶାସନ ପକ୍ଷରୁ ସତର୍କତାମୂଳକ ଭାବେ ଯାଞ୍ଚ ମଧ୍ୟ କରାଯାଉଛି । ବର୍ତ୍ତମାନ ସୁଦ୍ଧା ୭୮୨ଟି ଘରେ ଫାଟ ସୃଷ୍ଟି ହୋଇଥିବା ବେଳେ ୧୪୮ ଟି କୋଠା ସରକାରଙ୍କ ଦ୍ୱାରା ଅସୁରକ୍ଷିତ ବୋଲି ଚିହ୍ନିତ ହୋଇଛି । ବର୍ତ୍ତମାନ ଏହି ମାମଲା ସୁପ୍ରିମକୋର୍ଟରେ ପହଞ୍ଚିଛି । ଏହି ସଙ୍କଟକୁ ଜାତୀୟ ବିପର୍ଯ୍ୟୟ ବୋଲି ଘୋଷଣା କରିବାକୁ ସୁପ୍ରିମକୋର୍ଟରେ ଦାବି କରାଯାଉଛି ।

ଉତ୍ତରାଖଣ୍ତ ଯୋଶୀମଠର ଶଙ୍କରାଚାର୍ଯ୍ୟ ସ୍ୱାମୀ ଅବିମୁକ୍ତେଶ୍ୱରାନନ୍ଦ ସରସ୍ୱତୀ କହିଛନ୍ତି ଯେ, ମନୁଷ୍ୟକୃତ ଭୂଚଳନ ପାଇଁ ଯୋଶୀମଠ ଦବିବା ସହ ଶହ ଶହ ଘରେ ଫାଟ ସୃଷ୍ଟି ହୋଇଛି । ତେଣୁ ଏହାକୁ ଜାତୀୟ ବିପର୍ଯ୍ୟୟ ଘୋଷଣା କରିବା ପାଇଁ ଶଙ୍କରାଚାର୍ଯ୍ୟ ଦାବି କରିଛନ୍ତି । ଉକ୍ତ ଉଞ୍ଚଳରେ ବ୍ୟାପକ ଶିଳ୍ପାୟନ ପାଇଁ ସଂକଟ ସୃଷ୍ଟି ହୋଇଛି ବୋଲି ସେ ଅଭଯୋଗ କରିବା ସହ କ୍ଷତିଗ୍ରସ୍ତ ଲୋକ ମାନଙ୍କର ଘର ମରାମତି ପାଇଁ ସରକାର ଆର୍ଥିକ ସହାୟତା ପ୍ରଦାନ କରିବା ପାଇଁ ଦାବି କରାଯାଉଛି ।

ସ୍ୱାମୀ ଅବିମୁକ୍ତେଶ୍ୱରାନନ୍ଦ ସରସ୍ୱତୀ ସୁପ୍ରିମକୋର୍ଟରେ ଏକ ଜନସ୍ୱାର୍ଥ ମାମଲା ଦାୟର କରିଛନ୍ତି । ସୋମବାର ଅର୍ଥାତ୍ ଜାନୁଆରୀ 16 ସୁପ୍ରିମକୋର୍ଟ ଏହି ମାମଲାର ଶୁଣାଣି କରିବେ । ଜାନୁୟାରୀ 16 ର ସର୍ବୋଚ୍ଚ ନ୍ୟାୟାଳୟର ୱେବସାଇଟରେ ଅପଲୋଡ୍ ହୋଇଥିବା କାରଣ ତାଲିକା ଅନୁଯାୟୀ ପ୍ରଧାନ ବିଚାରପତି ଜିଆଇ ଚନ୍ଦ୍ରଚୁଡ, ଜଷ୍ଟିସ୍ ପିଏସ୍ ନରସିଂହ ଏବଂ ଜଷ୍ଟିସ୍ ଜେ.ବି ପାର୍ଡିୱାଲାଙ୍କ ଏକ ବେଞ୍ଚ ଏହି ଆବେଦନ ଉପରେ ଶୁଣାଣି କରିବ।

ଜାନୁଆରୀ 16 ରେ ଶୁଣାଣି ପାଇଁ ସରସ୍ୱତୀଙ୍କ ଆବେଦନକୁ କୋର୍ଟ ତାଲିକାଭୁକ୍ତ କରିଥିଲେ। ଆବେଦନକାରୀଙ୍କ ନିକଟରେ ଉପସ୍ଥିତ ଥିବା ପରାମର୍ଶଦାତା ଏହି ଆବେଦନକୁ ଉଲ୍ଲେଖ କରିବା ସହ ଏହାକୁ ତୁରନ୍ତ ତାଲିକାଭୁକ୍ତ କରିବାକୁ ଅନୁରୋଧ କରିବା ପରେ ପ୍ରଧାନ ବିଚାରପତି କହିଛନ୍ତି, "ସମସ୍ତ ଗୁରୁତ୍ୱପୂର୍ଣ୍ଣ ଜିନିଷ ଆମ ପାଖକୁ ଆଣିବା ଆବଶ୍ୟକ ନାହିଁ। ଏହାକୁ ଦେଖିବା ପାଇଁ ଗଣତାନ୍ତ୍ରିକ ଉପାୟରେ ନିର୍ବାଚିତ ସଂସ୍ଥା ଅଛି । ଆମେ ଏହାକୁ ତାଲିକାଭୁକ୍ତ କରିବୁ। ବୃହତ ଶିଳ୍ପାୟନ ହେତୁ ଏହି ସଙ୍କଟ ଘଟିଛି ଏବଂ ଉତ୍ତରପ୍ରଦେଶର ଲୋକଙ୍କୁ ତୁରନ୍ତ ଆର୍ଥିକ ସହାୟତା ଏବଂ କ୍ଷତିପୂରଣ ପ୍ରଦାନ କରାଯିବା ଉଚିତ ବୋଲି ଆବେଦନକାରୀ ଦାବି କରିଛନ୍ତି ।

English summary

Tomorrow supreme court will hear the case of Joshimath.