ରାଜ୍ୟସଭାରୁ ନିଲମ୍ବିତ ହେଲେ ଟିଏମସି ସାଂସଦ

ନୂଆଦିଲ୍ଲୀ: ରାଜ୍ୟସଭାରୁ ନିଲମ୍ବନ ହେଲେ ଟିଏମସି ସାଂସଦ ଡେରେକ ଓ'ବ୍ରାଇନ ।ଆଜି ଶୀତ ଅଧିବେଶନ ଚାଲିଥିବା ସମୟରେ ଟିଏମସି ରାଜ୍ୟସଭା ସାଂସଦ ଡେରେକ ଓ'ବ୍ରାଇନ ରାଜ୍ୟସଭାରୁ ନିଲମ୍ବିତ କରାଯାଇଛି।ନିଜ ଆଚରଣ ଓ ଉଚ୍ଚାରଣ ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି ସାଂସଦ । ନିୟମ ୨୫୬ ଅନୁଯାୟୀ ତାଙ୍କ ବିରୋଧରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି। ଏହାପୂର୍ବରୁ ଡେରେକ ଓ'ବ୍ରାଇନ ବିରୋଧରେ ନିଲମ୍ବନ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା।

ବାସ୍ତବରେ ସଂସଦର ନିରାପତ୍ତାକୁ ନେଇ ଆଜି ଉଭୟ ଗୃହରେ ଏକ ବଡ଼ ଧରଣର ଅଶାନ୍ତି ଦେଖାଦେଇଥିଲା। ରାଜ୍ୟସଭାରେ ବିରୋଧୀ ସଦସ୍ୟମାନେ କ୍ରମାଗତ ଭାବରେ ଆକ୍ରମଣାତ୍ମକ ଆଭିମୁଖ୍ୟ ଗ୍ରହଣ କରୁଥିଲେ। ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡ ବାରମ୍ବାର ସଦସ୍ୟମାନଙ୍କୁ ଗୃହ ଭିତରେ ଶାନ୍ତି ବଜାୟ ରଖିବାକୁ ଅନୁରୋଧ କରୁଥିଲେ। କିନ୍ତୁ ବିରୋଧୀ ସାଂସଦଙ୍କ ହୋହାଲ୍ଲା ଜାରି ରହିଲା।

ଟିଏମସି ସାଂସଦ ଡେରେକ ଓ'ବ୍ରାଇନ୍ ମଧ୍ୟ ତାଙ୍କ ଆସନରୁ ଠିଆ ହୋଇ ହୋହାଲ୍ଲା ଆରମ୍ଭ କରିଥିଲେ । ଅଧ୍ୟକ୍ଷ ବାରମ୍ବାର ଅନୁରୋଧ ପରେ ମଧ୍ୟ ସେ ଶାନ୍ତ ହୋଇନଥିଲେ । ଅଧ୍ୟକ୍ଷଙ୍କ କଥା ନ ଶୁଣିବାରୁ ଧନଖଡ ହଠାତ୍ ନିଜ ଆସନରେ ଠିଆ ହୋଇ କହିଥିଲେ, ଶ୍ରୀ ବ୍ରାଇନ୍ ଆପଣ ନିୟମ ଭଙ୍ଗ କରିଛନ୍ତି | ଶ୍ରୀ ଡେରେକ ଓ'ବ୍ରାଇନ୍ ତୁରନ୍ତ ସଦନରୁ ବାହାରିବା ଉଚିତ୍ |

English summary

TMC MP suspended from Rajya Sabha