ଫାରୁକ ଅବଦୁଲ୍ଲାଙ୍କ ରୋଡ଼ ସୋ'ରେ ଛୁରା ମାଡ଼, ୩ ଆହତ
ନୂଆଦିଲ୍ଲୀ: ଜମ୍ମୁ-କଶ୍ମୀରର ପୁଞ୍ଚ ଜିଲ୍ଲାରେ ନ୍ୟାସନାଲ କନଫରେନ୍ସ ପକ୍ଷରୁ ରୋଡ୍ ସୋ' ଚାଲିଥିବା ବେଳେ ଅଜଣା ଦୁର୍ବୃତ୍ତଙ୍କ ଛୁରୀ ଆକ୍ରମଣରେ ୩ ଜଣ ଆହତ ହୋଇଛନ୍ତି । ନ୍ୟାସନାଲ କନଫରେନ୍ସ ମୁଖ୍ୟ ଫାରୁକ୍ ଅବଦୁଲ୍ଲା ଏବଂ ଅନନ୍ତନାଗରୁ ଦଳୀୟ ପ୍ରାର୍ଥୀ ମିଆଁ ଅଲତାଫ ରାଜୌରୀ ଏକ ସାଧାରଣ ସଭାକୁ ସମ୍ବୋଧିତ କରୁଥିବା ମେନ୍ଧର ଅଞ୍ଚଳରେ ଏହି ଘଟଣା ଘଟିଛି ।
ଏହି ଘଟଣାକୁ ନେଇ ଏକ ଅଧିକାରୀ କହିଛନ୍ତି ଯେ ଏହି ସମାବେଶରେ କିଛି ପ୍ରସଙ୍ଗରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଥିଲା । ଏହି କଳହର ସୁଯୋଗ ନେଇ ଆକ୍ରମଣକାରୀମାନେ ଖସିଯିବାରେ ସଫଳ ହୋଇଥିଲେ ବୋଲି ଅଧିକାରୀମାନେ କହିଛନ୍ତି । ସେ କହିଛନ୍ତି ଯେ ପୋଲିସ (ପୁଞ୍ଚ ପୋଲିସ) ଏହି ଘଟଣାରେ ଏକ ମାମଲା ରୁଜୁ କରି ଅପରାଧୀଙ୍କୁ ଧରିବାକୁ ଚେଷ୍ଟା କରୁଛି ।
ଅଧିକାରୀମାନେ ଅଧିକ ସୂଚନା ଦେଇ କହିଛନ୍ତି ଯେ ହରନି ବାସିନ୍ଦା ସୋହେଲ ଅହମ୍ମଦ ଏବଂ ୟାସିର ଅହମ୍ମଦ ଏବଂ କସବାଲାରୀ ଗାଁର ମହମ୍ମଦ ଇମ୍ରାନ ଛୁରୀରେ ଆଘାତ ପାଇ ଥିବାରୁ ସେମାନଙ୍କୁ ସ୍ଥାନୀୟ ଡାକ୍ତରଖାନାକୁ ନିଆଯାଇଛନ୍ତି ।
Click it and Unblock the Notifications
Sign in with Google