କେବେ ଆସିବ କରୋନାର ତୃତୀୟ ଲହର ? ଜାଣନ୍ତୁ କଣ କହୁଛନ୍ତି ବିଶେଷଜ୍ଞ

ଦେଶରେ ଆଗାମୀ 6ରୁ 8 ସପ୍ତାହ ମଧ୍ୟରେ ତୃତୀୟ ଲହର ଆସିବାର ସମ୍ଭାବନା ରହିଛି। ଏନେଇ ଏମ୍ସ ନିର୍ଦ୍ଦେଶକ ରଣଦୀପ ଗୁଲେରିଆ ସୂଚନା ଦେଇଛନ୍ତି

Published: Saturday, June 19, 2021, 16:42 [IST]

ନୂଆଦିଲ୍ଲୀ: କରୋନାର ଦ୍ୱିତୀୟ ଲହରର ପ୍ରକୋପ ଏବେବି ଜାରି ରହିଛି। ଏହାରି ଭିତରେ ତୃତୀୟ ଲହରକୁ ନେଇ ଆତଙ୍କ ସୃଷ୍ଟି ହୋଇଛି। ଦେଶରେ ଆଗାମୀ 6ରୁ 8 ସପ୍ତାହ ମଧ୍ୟରେ ତୃତୀୟ ଲହର ଆସିବାର ସମ୍ଭାବନା ରହିଛି। ଏନେଇ ଏମ୍ସ ନିର୍ଦ୍ଦେଶକ ରଣଦୀପ ଗୁଲେରିଆ ସୂଚନା ଦେଇଛନ୍ତି। ତେବେ ତୃତୀୟ ଲହରକୁ ରୋକା ଯାଇପାରିବ ନାହିଁ ବୋଲି ସେ କହିଛନ୍ତି। ମାର୍ଚ୍ଚ ଶେଷରେ ଆରମ୍ଭ ହୋଇଥିବା ଲକଡାଉନ ପରେ ଏବେ ଦେଶର ବିଭିନ୍ନ ଅଞ୍ଚଳରେ ଅନଲକ୍ ପ୍ରକ୍ରିୟା ଆରମ୍ଭ ହୋଇଛି। ଏହା ପୂର୍ବରୁ ବିଶେଷଜ୍ଞମାନେ ତୃତୀୟ ଲହରକୁ ନେଇ ଚେତାବନୀ ଦେଲେନି।

ଏହାସହିତ ରଣଦୀପ ଗୁଲେରିଆ କହିଛନ୍ତି ଯେ, 'ଦେଶରେ ଅନଲକ ପ୍ରକ୍ରିୟା ଆରମ୍ଭ ହୋଇସାରିଛି। କିନ୍ତୁ ପ୍ରଥମ ଓ ଦ୍ୱିତୀୟ ଲହର ମଧ୍ୟରେ ଯାହା ହୋଇଛି ସେଥିରୁ ଆମକୁ କିଛି ଶିଖିବାକୁ ମିଳିଛି। ହେଲେ ଲୋକମାନେ ପୁଣି ଥରେ ଏକାଠି ହେବା ଆରମ୍ଭ କରିଛନ୍ତି ଓ ଭିଡ ମଧ୍ୟ ଜମାଉଛନ୍ତି। ତୃତୀୟ ଲହର ସମ୍ପୂର୍ଣ୍ଣ ଭାବେ ଲୋକଙ୍କ ଉପରେ ନିର୍ଭର କରୁଛି। ଯଦି ଲୋକମାନେ ସଚେତନ ନହୁଅନ୍ତି ଓ ଭିଡ ଜମାନ୍ତି ତେବେ କରୋନାର ତୃତୀୟ ଲହରକୁ କେହି ଅଟକାଇ ପାରିବେ ନାହିଁ। ସେପଟେ ଆସନ୍ତା 2ରୁ 4 ସପ୍ତାହ ମଧ୍ୟରେ ମହାରାଷ୍ଟ୍ରରେ କରୋନାର ତୃତୀୟ ଲହର ଆସିପାରେ ବୋଲି ଅନୁମାନ ମଧ୍ୟ କରାଯାଉଛି।

Published On June 19, 2021