ଦିଲ୍ଲୀରେ କଟିଲା ୬ସାଂସଦଙ୍କ ଟିକେଟ; ଦୁଇ ପୂର୍ବତନ ମେୟରଙ୍କୁ ଟିକେଟ୍
ଆଜି ବିଜେପି ଲୋକସଭା ନିର୍ବାଚନ ପାଇଁ ତାହାର 72 ଜଣିଆ ପ୍ରାର୍ଥୀ ତାଲିକା ଘୋଷଣା କରିଛି । ସବୁଠାରୁ ବଡ କଥା ହେଲା ଦିଲ୍ଲୀରେ ବିଜେପି ଲୋକସଭା ନିର୍ବାଚନ ପାଇଁ ଦ୍ୱିତୀୟ ପ୍ରାର୍ଥୀ ତାଲିକାରେ ଦୁଇ ପୂର୍ବତନ ମେୟରଙ୍କ ଉପରେ ଆତ୍ମବିଶ୍ୱାସ ପ୍ରକାଶ କରିଥିବାବେଳେ ବର୍ତ୍ତମାନର 6 ଜଣ ସାଂସଦଙ୍କ ଟିକେଟ କାଟି ଦେଇ ଦଳ । ଭାରତୀୟ ଜନତା ପାର୍ଟି ବୁଧବାର ପୂର୍ବ ଏବଂ ଉତ୍ତର-ପଶ୍ଚିମ ଦିଲ୍ଲୀ ସଂସଦୀୟ ନିର୍ବାଚନମଣ୍ଡଳୀ ପାଇଁ ଦୁଇଜଣ ପୂର୍ବତନ ମେୟରଙ୍କୁ ମଇଦାନକୁ ଉହ୍ଲାଇ ଥିବାବେଳେ ସାତୋଟି ଲୋକସଭା ଆସନ ମଧ୍ୟରୁ ବାକି ଦୁଇଟି ପାଇଁ ବିଜେପି ଏହାର ଲୋକସଭା ପ୍ରାର୍ଥୀ ବୋଲି ଘୋଷଣା କରିଛି। ଏହାର ଦ୍ୱିତୀୟ ତାଲିକାରେ ବିଜେପି ପୂର୍ବ ଦିଲ୍ଲୀର ପୂର୍ବତନ ମ୍ୟୁନିସିପାଲିଟି କର୍ପୋରେସନ୍ ମେୟର ହର୍ଷ ମଲହୋତ୍ରା ଏବଂ ଉତ୍ତର ଦିଲ୍ଲୀର ପୂର୍ବତନ ମେୟର ଯୋଗେନ୍ଦ୍ର ଚାନ୍ଦୋଲିଆଙ୍କୁ ସ୍ଥାନ ଦେଇଛି।
ଏହା ସହ ବିଜେପି ଦିଲ୍ଲୀର ବର୍ତ୍ତମାନ୍ 7 ଜଣ ସାଂସଦଙ୍କ ମଧ୍ୟରୁ 6 ଜଣଙ୍କୁ ବଦଳାଇ ବିରୋଧୀ ଝଟକା ଦେଇଛି। ନୂଆଦିଲ୍ଲୀରୁ ବାଂଶୁରୀ ସ୍ୱରାଜ, ଦକ୍ଷିଣରୁ ରାମବୀର ସିଂ , ଉତ୍ତର ପୂର୍ବର ମନୋଜ ତିୱାରୀ, ପଶ୍ଚିମରୁ କମଲଜିତ୍ ସେହରୱାଟ ଏବଂ ଚାନ୍ଦନୀ ଚକ୍ ଆସନରୁ ପ୍ରବୀଣ ଖଣ୍ଡେଲୱାଲଙ୍କ ପ୍ରାର୍ଥୀ ଘୋଷଣା କରିସାରିଛନ୍ତି।
ବାଂଶୁରୀ ସ୍ୱରାଜ ପୂର୍ବତନ କେନ୍ଦ୍ର ମନ୍ତ୍ରୀ ସୁଷମା ସ୍ୱରାଜଙ୍କ ଝିଅ ଏବଂ ଓକିଲାତି କ୍ଷେତ୍ରରେ ପାରଦର୍ଶିତା ହାସଲ କରିଛନ୍ତି । ସେ ଗତ କିଛି ବର୍ଷ ଧରି ବିଜେପିରେ ରାଜନୀତିରେ ସକ୍ରିୟ ଥିଲେ। ବିଜେପି ତାଲିକାରେ ମନୋଜ ତିୱାରୀ ଏକମାତ୍ର ପ୍ରାର୍ଥୀ, ଯିଏ ଦଳ ଦ୍ୱାରା ପୁନଃ ମନୋନୀତ ହୋଇଛନ୍ତି । ମୋଟ ଉପରେ, ଦିଲ୍ଲୀର ସାତୋଟି ଆସନ ମଧ୍ୟରୁ ବିଜେପି ପାଞ୍ଚଜଣ ନୂଆ ପ୍ରାର୍ଥୀ ଚୟନ କରିଛି ।
Click it and Unblock the Notifications
Sign in with Google