କେସିଆର୍ ପାଠ ପଢିଥିବା ସ୍କୁଲ କଂଗ୍ରେସ ନିର୍ମାଣ କରିଛି: ରାହୁଲ ଗାନ୍ଧି

Telangana Election 2023: କଂଗ୍ରେସ ନେତା ରାହୁଲ ଗାନ୍ଧି ଶୁକ୍ରବାର ତେଲେଙ୍ଗାନା ସିଏମ କେ ଚନ୍ଦ୍ରଶେଖର ରାଓ ଉପରେ ବର୍ଷିଛନ୍ତି । ରାହୁଲ ଗାନ୍ଧି କହିଛନ୍ତି, ସେ କିଛି କରି ନାହାଁନ୍ତି, ଆମେ ଏତେ ପରିଶ୍ରମ କରିଥିଲୁ ଯେ ତୁମେ ଯେଉଁ ବିଦ୍ୟାଳୟରେ ପଢିଥିଲ ଆମ ସେହି ସ୍କୁଲର ନିର୍ମାଣ କରିଥିଲୁ ।

କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧି ତେଲେଙ୍ଗାନାର ୱାରଙ୍ଗାଲରେ କହିଛନ୍ତି ଯେ, ଗତ 60 ବର୍ଷ ମଧ୍ୟରେ କଂଗ୍ରେସ କଣ କରିଛି ବୋଲି ଆପଣ (କେସିଆର) ପ୍ରଶ୍ନ କରିଛନ୍ତି। ଆପଣ ଯେଉଁ ବିଦ୍ୟାଳୟରେ ଅଧ୍ୟୟନ କରିଥିଲେ ତାହା କଂଗ୍ରେସ ଦ୍ୱାରା ନିର୍ମିତ ହୋଇଥିଲା। ସେ ଆହୁରି ମଧ୍ୟ କହିଛନ୍ତି ଯେ ସେମାନେ କେବଳ ଦୁର୍ନୀତି କରିଛନ୍ତି।

VIDEO | "KCR asked Congress - 'what has Congress done in the past 60 years?' KCR, the school in which you studied was made by the Congress," says Congress MP @RahulGandhi at a public rally in Narsampet, Telangana. #TelanganaElections2023 #AssemblyElectionsWithPTI pic.twitter.com/PsRmUvrPMx

— Press Trust of India (@PTI_News) November 17, 2023

ରାହୁଲ ଗାନ୍ଧି ଦାବି କରିଛନ୍ତି, ଆସିବାକୁ ଥିବା ଝଡର ସାକ୍ଷୀ ହେବାକୁ ଯାଉଛି କଂଗ୍ରେସ । ଆମର ପ୍ରଥମ ଲକ୍ଷ୍ୟ ହେଉଛି ତେଲେଙ୍ଗାନାରେ ଏକ ଲୋକ ସରକାର ଗଠନ କରିବା ଏବଂ ଏହା ପରେ ଆମେ ଦିଲ୍ଲୀରେ ପ୍ରଧାନମନ୍ତ୍ରୀ ମୋଦି ସରକାରଙ୍କୁ କ୍ଷମତାରୁ ହଟାଇବୁ । KCR ଉପରେ ଆକ୍ରମଣ କରି ସେ କହିଛନ୍ତି, ସେ ଗୋଟିଏ ପରିବାର ପାଇଁ ଶାସନ କରିଛନ୍ତି, କିନ୍ତୁ ଆମେ ପଛୁଆ ବର୍ଗ, ଆଦିବାସୀ ଏବଂ ଦଳିତଙ୍କ ପାଇଁ ନିୟମ ଚାହୁଁଛୁ। ଏହି କାରଣରୁ, ଆମେ ସ୍ଥାନୀୟ ସଂସ୍ଥାଗୁଡ଼ିକରେ ସଂରକ୍ଷଣକୁ 23 ପ୍ରତିଶତରୁ 42 ପ୍ରତିଶତକୁ ବୃଦ୍ଧି କରିବୁ । ସେହିପରି ରାହୁଲ ଗାନ୍ଧି କେସିଆରଙ୍କୁ ଟାର୍ଗେଟ କରି କହିଛନ୍ତି ଯେ ସେ ବିଜେପି ସହ ଜଡିତ ଅଛନ୍ତି ।

ଆଦିଲାବାଦରେ ଭାରତ ରାଷ୍ଟ୍ର ସମିତିର ମୁଖ୍ୟ କେ.ସି.ଆର ଗୁରୁବାର କଂଗ୍ରେସକୁ ଟାର୍ଗେଟ୍ କରି କହିଥିଲେ ଯେ, ଯେତେବେଳେ ରାଜ୍ୟ ଗଠନ ହେଲା ସେତେବେଳେ ରାଜ୍ୟରେ ବିଶୃଙ୍ଖଳା ସୃଷ୍ଟି ହୋଇଥିଲା। ସେ ଆହୁରି ମଧ୍ୟ କହିଛନ୍ତି ଯେ ବିଜେପି ଏବଂ କଂଗ୍ରେସ ଗୋଟିଏ ମୁଦ୍ରାର ଦୁଇ ପାର୍ଶ୍ୱ ।

କେସିଆରଙ୍କ ଝିଅ କେ କବିତା ମଧ୍ୟ କଂଗ୍ରେକୁ ଟାର୍ଗେଟ୍ କରିଛନ୍ତି । ତେବେ ଆପଣଙ୍କୁ ଜଣାଇବାକୁ ଚାହିଁବୁ ଯେ, ତେଲେଙ୍ଗାନାରେ ବିଧାନସଭା ନିର୍ବାଚନ 30 ନଭେମ୍ବରରେ ଅନୁଷ୍ଠିତ ହେବାକୁ ଯାଉଛି । ଏହାର ଫଳାଫଳ 3 ଡିସେମ୍ବରରେ ଘୋଷଣା କରାଯିବ ।

English summary

The school where KCR studied was built by the Congress: Rahul Gandhi