ଦେଶରେ ଦାରିଦ୍ର‌ ହାର ୨୦୨୨-୨୩ ସୁଦ୍ଧା ୧୭ ପ୍ରତିଶତରୁ ଅଧିକ ହ୍ରାସ ପାଇଛି

୨୦୧୩-୧୪ରେ ଦେଶରେ ଦାରିଦ୍ର‌୍ୟ ହାର ୨୯ ଦଶମିକ ୧/୭ ପ୍ରତିଶତ ଥିବାବେଳେ ୨୦୨୨-୨୩ ସୁଦ୍ଧା ଏହା ୧୧ ଦଶମିକ ୨/୮ ପ୍ରତିଶତକୁ ହ୍ରାସ ପାଇଛି । ଆଜି ଲୋକସଭାରେ ପ୍ରଶ୍ନୋତ୍ତର କାଳରେ ଅର୍ଥରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ କହିଛନ୍ତି ୨୦୧୩-୧୪ରୁ ୨୦୨୨- ୨୩ ମଧ୍ୟରେ ପ୍ରାୟ ୨୪ କୋଟି ୮୦ଲକ୍ଷ ଲୋକ ଦାରିଦ୍ର‌୍ୟ ସୀମାରେଖାରୁ ଉପରକୁ ଉଠିଛନ୍ତି । ବିଶ୍ୱବ୍ୟାଙ୍କ ରିପୋର୍ଟକୁ ଆଧାର କରି ମନ୍ତ୍ରୀ କହିଛନ୍ତି ଦେଶର ଉତ୍କଟ ଦାରିଦ୍ର‌୍ୟ ହାର ୨୦୧୧-୧୨ରେ ୨୭ ଦଶମିକ ୧/୨ ପ୍ରତିଶତ ଥିବାବେଳେ ୨୦୨୨-୨୩ ବେଳକୁ ଏହା ୫ ଦଶମିକ ୨/୫ ପ୍ରତିଶତକୁ ହ୍ରାସ ପାଇଛି । ଏହି ସମୟ ମଧ୍ୟରେ ଉତ୍କଟ ଦାରିଦ୍ର‌୍ୟ ସଂଖ୍ୟା ୩୪ ଦଶମିକ ୪ କୋଟିରୁ ୭ ଦଶମିକ ୫ କୋଟିକୁ ହ୍ରାସ ପାଇଛି ।

ମନ୍ତ୍ରୀ ଗୃହରେ ସୂଚନା ଦେଇ କହିଛନ୍ତି ଦେଶରେ ଦାରିଦ୍ର‌୍ୟ ସଂଖ୍ୟା ହ୍ରାସ କରିବା ନେଇ ସରକାରଙ୍କ ପକ୍ଷରୁ ଦୀର୍ଘକାଳୀନ ଯୋଜନାଗୁଡ଼ିକ କାର୍ଯ୍ୟକାରୀ କରାଯାଇଛି । ଦେଶରେ ଅର୍ଥନୈତିକ ଅସମାନତା ଦୂର କରି ସାମାଜିକ ସ୍ଥିରତା ଏବଂ ଅର୍ଥନୈତିକ ଅନ୍ତର୍ଭୁକ୍ତିକରଣକୁ ସରକାର ପ୍ରାଧାନ୍ୟ ଦେଇଛନ୍ତି । ୨୦୧୮-୧୯ରେ ୧୫ ବର୍ଷରୁ ଅଧିକ ବୟସ ବର୍ଗରେ ବେକାରୀ ହାର ୫ ଦଶମିକ ୮ ପ୍ରତିଶତ ଥିବାବେଳେ ୨୦୨୩-୨୪ ସୁଦ୍ଧା ଏହା ୩ ଦଶମିକ ୨ ପ୍ରତିଶତକୁ ହ୍ରାସ ପାଇଥିବା ସେ ଗୃହକୁ ଜଣାଇଛନ୍ତି ।