ଆମେରିକାରେ ରହୁଥିବା ଭାରତୀୟଙ୍କ ପାଇଁ ବଡ କଥା କହିଦେଲା ଭାରତୀୟ ବୈଦେଶିକ ମନ୍ତ୍ରାଳୟ, ଆଉ ହେବାର ନାହିଁ ଚିନ୍ତିତ
ଆମେରିକା ଜଣେ ଭାରତୀୟ ଗବେଷକଙ୍କୁ ଗିରଫ କରିଥିବା ବେଳେ ଅନ୍ୟ ଜଣେ ଛାତ୍ରଙ୍କୁ ଆମେରିକା ଛାଡ଼ି କାନାଡାକୁ ନିର୍ବାସିତ ହେବାକୁ ପଡିଛି। ଏପରି ପରିସ୍ଥିତିରେ, ଭାରତ ସରକାର ଆମେରିକାରେ ପଢ଼ୁଥିବା ନାଗରିକମାନଙ୍କୁ ଆମେରିକୀୟ ଆଇନ ପାଳନ କରିବାକୁ ପରାମର୍ଶ ଦେଇଛନ୍ତି।
ଜର୍ଜଟାଉନ୍ ବିଶ୍ୱବିଦ୍ୟାଳୟର ଭାରତୀୟ ଗବେଷକ ବଦର ଖାନ ସୁରୀଙ୍କୁ ଆମେରିକୀୟ କର୍ତ୍ତୃପକ୍ଷ ହମାସର ପ୍ରଚାର ପ୍ରସାର କରିବାର ଅଭିଯୋଗରେ ଗିରଫ କରିଛନ୍ତି। ଅନ୍ୟପକ୍ଷରେ, ପାଲେଷ୍ଟାଇନ ସମର୍ଥକ ପ୍ରତିବାଦରେ ଅଂଶଗ୍ରହଣ କରିବାରୁ କଲମ୍ବିଆ ବିଶ୍ୱବିଦ୍ୟାଳୟର ଛାତ୍ରୀ ରଞ୍ଜିନି ଶ୍ରୀନିବାସନଙ୍କ ଭିସା ରଦ୍ଦ କରାଯାଇଛି।
ଏହାକୁ ଦେଖି ଭାରତୀୟ ବୈଦେଶିକ ମନ୍ତ୍ରାଳୟର ମୁଖପାତ୍ର ରଣଧୀର ଜୟସୱାଲ କହିଛନ୍ତି ଯେ, "ଦୁଇ ଭାରତୀୟ କୌଣସି ସାହାଯ୍ୟ ପାଇଁ ଆମେରିକାରେ ଥିବା ଭାରତୀୟ ଦୂତାବାସ ସହିତ ଯୋଗାଯୋଗ କରି ନାହାଁନ୍ତି। ଭିସା ଏବଂ ପ୍ରବାସନ ପ୍ରସଙ୍ଗ ସେହି ଦେଶର ସାର୍ବଭୌମ ଅଧିକାର ଅଧୀନରେ ଆସେ। ଏପରି ଆଭ୍ୟନ୍ତରୀଣ ମାମଲାରେ ନିଷ୍ପତ୍ତି ନେବାର ଅଧିକାର ଆମେରିକାର ଅଛି। ଆମେ ଆଶା କରୁଛୁ ଯେ, ଯେତେବେଳେ ବିଦେଶୀ ନାଗରିକମାନେ ଭାରତ ଗସ୍ତରେ ଆସିବେ, ସେମାନେ ଆମର ଆଇନ ଏବଂ ନିୟମାବଳୀ ପାଳନ କରିବେ। ସେହିପରି ଭାରତୀୟ ନାଗରିକମାନେ ବିଦେଶରେ ଥିଲେ ସ୍ଥାନୀୟ ଆଇନ ଏବଂ ନିୟମାବଳୀ ମଧ୍ୟ ପାଳନ କରିବା ଉଚିତ।"
Click it and Unblock the Notifications
Sign in with Google