ମୁସଲିମ ଦେଶରେ ରହିଛି ବିଷ୍ଣୁଙ୍କର ସବୁଠୁ ଉଚ୍ଚତମ ପ୍ରତ୍ତିମୂର୍ତ୍ତି

Published: Wednesday, February 14, 2024, 16:00 [IST]

ଭାରତରେ ହିନ୍ଦୁ ଦେବା-ଦେବୀଙ୍କର ଅନେକ ଆଶ୍ଚର୍ଯ୍ୟଜନକ ମନ୍ଦିର ରହିଛି । ସେମାନଙ୍କ ସହ ଜଡିତ ଅନେକ ରହସ୍ୟ ଆଜି ବି ରହସ୍ୟ ହୋଇ ରହିଛି । ଦୁନିଆର ବିଭିନ୍ନ ଦେଶରେ ହିନ୍ଦୁ ଦେବା-ଦେବୀଙ୍କ ପ୍ରସିଦ୍ଧ ମନ୍ଦିର ମଧ୍ୟ ରହିଛି । କିନ୍ତୁ କେତେକ ମନ୍ଦିର ଅତ୍ୟନ୍ତ ସତନ୍ତ୍ର । ଏପରି ଏକ ମନ୍ଦିର ମୁସଲିମ ଦେଶରେ ସ୍ଥାପିତ ହୋଇଛି । ଏଠାରେ ଭଗବାନ ବିଷ୍ଣୁଙ୍କ ଦୁନିଆର ଉଚ୍ଚତମ ପ୍ରତିମୂର୍ତ୍ତି ସ୍ଥାପିତ ହୋଇଛି ।

ମୁସଲମାନ ଦେଶ ଇଣ୍ଡୋନେସିଆରେ ହିନ୍ଦୁ ଦେବତା ଭଗବାନ ବିଷ୍ଣୁଙ୍କ ବିଶ୍ୱର ଉଚ୍ଚତମ ପ୍ରତିମୂର୍ତ୍ତି ପ୍ରତିଷ୍ଠିତ ହୋଇଛି । ବିଷ୍ଣୁଙ୍କର ଏତେ ବଡ ମୂର୍ତ୍ତି ଭାରତରେ ମଧ୍ୟ ନାହିଁ, ଯେଉଁଠାରେ ହିନ୍ଦୁମାନଙ୍କର ଜନସଂଖ୍ୟା ସର୍ବାଧିକ ରହିଛି । ଏହି ପ୍ରତିମୂର୍ତ୍ତି ଇଣ୍ଡୋନେସିଆର ବାଲି ଦ୍ୱୀପରେ ଥିବା କିନକାନା ପାର୍କରେ ରହିଛି । ଏହି ପ୍ରତିମାଟି ୧୨୨ ଫୁଟ ଉଚ୍ଚ ଏବଂ ୬୪ ଫୁଟ ଚଉଡା । ଭଗବାନ ବିଷ୍ଣୁଙ୍କର ଏହି ପ୍ରତିମର୍ତ୍ତି ତମ୍ବା ଓ ପିତ୍ତଳରେ ନିର୍ମିତ । ଏହାକୁ ତିଆରି କରିବାକୁ ୨୪ ବର୍ଷ ସମୟ ଲାଗିଥିଲା ଏବଂ ଏହା ୨୦୧୮ରେ ସମ୍ପୂର୍ଣ ହୋଇଥିଲା । ଏହି ପ୍ରତିମୂର୍ତ୍ତିରେ ଭଗବାନ ବିଷ୍ଣୁ ଗରୁଡରେ ବସିଛନ୍ତି ।

ଭଗବାନଙ୍କର ଏହି ପ୍ରତିମୂର୍ତ୍ତି ଦେବଖିବାକୁ ସାରା ବିଶ୍ୱରୁ ଲୋକ ଆସନ୍ତି । ଇଣ୍ଡୋନେସିଆରେ ରହୁଥୁବା ଶିଳ୍ପୀ ବସ୍ତ୍ରା ନ୍ୟୁମାନ ନୁଆର୍ତା ୧୯୭୯ ରେ ଏଭଳି ଏକ ବିଶାଳ ପ୍ରତିମୂର୍ତ୍ତି ତିଆରି କରିବାର ସପ୍ନ ଦେଖିଥିଲେ, ଯାହା ବର୍ତ୍ତମାନ ପର୍ଯ୍ୟନ୍ତ ଦୁନିଆର କୌଣସି ସ୍ଥାନରେ ତିଆରି ହୋଇନାହିଁ । ଏହା ପରେ, ଏହି ପ୍ରତିମା ତିଆରି କରିବା ପାଇଁ ଯୋଜନା ଆରମ୍ଭ ହୋଇଥିଲା । ୧୬ ବର୍ଷର ଯୋଜନା ପରେ, ଏହା ଉପରେ କାମ ଆରମ୍ଭ ହୋଇଥିଲା । ଏହାକୁ ତିଆରି କରିବା ପାଇଁ କୋଟି କୋଟି ଟଙ୍କା ଖର୍ଚ୍ଚ ହୋଇଥିଲା ।

Published On February 14, 2024