ଦେଶର ସବୁଠୁ ଦୁର୍ନୀତିଗ୍ରସ୍ତ ମୁଖ୍ୟମନ୍ତ୍ରୀ ହେଉଛନ୍ତି ହିମନ୍ତ ବିଶ୍ୱଶର୍ମା , ଜାଣନ୍ତୁ ରାହୁଲ କାହିଁକି କହିଲେ ଏମିତି
ଗୌହାଟୀ: ଭାରତ ଯୋଡା ନ୍ୟାୟ ଯାତ୍ରା ସହିତ ଆସାମରେ ପହଂଚିଥିବା କଂଗ୍ରେସ ନେତା ରାହୁଲ ଗାନ୍ଧୀ ଭାରତୀୟ ଜନତା ପାର୍ଟି (ବିଜେପି) ଏବଂ ରାଷ୍ଟ୍ରିୟ ସ୍ୱୟଂ ସେବକ (ଆରଏସଏସ) କୁ ଟାର୍ଗେଟ କରିଛନ୍ତି । ସେ ଅଭିଯୋଗ କରିଛନ୍ତି ଯେ ବିଜେପି ଏବଂ ଆରଏସଏସ କହିଛି ଯେ ଭାରତକୁ ଗୋଟିଏ ଭାଷା ଏବଂ ଜଣେ ନେତା ମାଧ୍ୟମରେ ଦିଲ୍ଲୀରୁ ଶାସନ କରାଯିବା ଉଚିତ ।
ଲୋକମାନଙ୍କୁ ସମ୍ବୋଧିତ କରି ସେ କହିଛନ୍ତି, "ବିଜେପି ଏବଂ ଆରଏସଏସ ଚାହୁଁଛନ୍ତି ଯେ ଭାରତର ରାଜ୍ୟଗୁଡ଼ିକ ଦିଲ୍ଲୀରୁ ଚାଲିବ ଏବଂ ଦେଶରେ ଗୋଟିଏ ଭାଷା, ଜଣେ ନେତା ରହିବା ଉଚିତ୍, କିନ୍ତୁ ଆମେ ବିଶ୍ୱାସ କରୁ ଯେ ଆସାମ ଦିଲ୍ଲୀରୁ ନୁହେଁ ବରଂ ଆସାମରୁ ହିଁ ପରିଚାଳିତ ହେବ ଉଚିତ୍ ।
ଏହି ସମୟରେ କଂଗ୍ରେସ ସାଂସଦ ରାହୁଲ ଗାନ୍ଧି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ସର୍ମାଙ୍କ ଉପରେ ଦୁର୍ନୀତି ଅଭିଯୋଗ ଆଣିଛନ୍ତି । ସେ କହିଛନ୍ତି ଆସାମର ମୁଖ୍ୟମନ୍ତ୍ରୀ ହେଉଛନ୍ତି ଦେଶର ସବୁଠାରୁ ଦୁର୍ନୀତିଗ୍ରସ୍ତ ସିଏମ୍ । ସେ ବିଜେପିର ଅନ୍ୟ ମୁଖ୍ୟମନ୍ତ୍ରୀମାନଙ୍କୁ ମଧ୍ୟ ଦୁର୍ନୀତି ଶିକ୍ଷା ଦେଇପାରିବେ । ସେ ଆସାମ ପାଇଁ କାମ କରନ୍ତି ନାହିଁ, ବରଂ ସେ କେବଳ ପିଏମ ମୋଦୀ ଯାହା କୁହନ୍ତି ତାହା କରନ୍ତି ।
ଏହା ସହ ରାହୁଲ ଗାନ୍ଧୀ କହିଛନ୍ତି ଯେ ସେ ମଣିପୁରରୁ ତାଙ୍କର ଯାତ୍ରା ଆରମ୍ଭ କରିଥିଲେ କାରଣ ସେଠାରେ ହିଂସା ଓ ଘୃଣା ମାସ ମାସ ଧରି ଚାଲିଆସୁଛି । ସେଠାରେ ଲୋକଙ୍କୁ ହତ୍ୟା କରାଯାଉଛି ଏବଂ ରାଜ୍ୟ ବାସୀଙ୍କ ସମ୍ପତ୍ତି ପୋଡି ଦିଆଯାଉଛି, କିନ୍ତୁ ପ୍ରଧାନମନ୍ତ୍ରୀ ସେଠାକୁ ଯାଉନାହାଁନ୍ତି । ପ୍ରଧାନମନ୍ତ୍ରୀ ମଣିପୁରକୁ ଯାଆନ୍ତି ନାହିଁ ଯଦି ସେ ସେଠାକୁ ଯିବେ ତେବେ ବିଜେପିର ସତ୍ୟତା ସମସ୍ତଙ୍କ ନିକଟରେ ପ୍ରକାଶ ପାଇବ ।
ସେ ଅଭିଯୋଗ କରିଛନ୍ତି ଯେ ପ୍ରଧାନମନ୍ତ୍ରୀ ମଣିପୁରକୁ ଭାଗ କରିବା ପାଇଁ କାର୍ଯ୍ୟ କରୁଛନ୍ତି । ତେଣୁ ଆମେ ମଣିପୁରରୁ ଏହି ଯାତ୍ରା ଆରମ୍ଭ କରି ନାଗାଲାଣ୍ଡକୁ ଯାଇଥିଲୁ । ଏହି ସମୟରେ ସେ ଆସାମରେ ବେକାରୀ ବୃଦ୍ଧି ପ୍ରସଙ୍ଗ ଉଠାଇ କହିଥିଲେ ଯେ ଆପଣ ଯେତେ ଡିଗ୍ରୀ ହାସଲ କଲେ ମଧ୍ୟ ଆପଣ ଏଠାରେ ଚାକିରି ପାଇପାରିବେ ନାହିଁ ।
Click it and Unblock the Notifications
Sign in with Google