ଦେଶର ପ୍ରଥମ ବୁଲେଟ୍ ରେଲୱେ ଷ୍ଟେସନ ପ୍ରସ୍ତୁତ ; ୨୦୨୯ରୁ ଚାଲିବ ଟ୍ରେନ୍ !

ଭାରତର ପ୍ରଥମ ବୁଲେଟ୍ ଟ୍ରେନ୍ ପାଇଁ କାମ , ଯାହା ଜୋରସୋରରେ ଚାଲିଛି । ଏନେଇ ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ଏକ ଭିଡିଓ ସୋସିଆଲ ମିଡିଆରେ ପୋଷ୍ଟ କରିଛନ୍ତି ଓ କହିଛନ୍ତି, ମୁମ୍ବାଇ- ଅହମଦାବାଦ୍ ବୁଲେଟ୍ ଟ୍ରେନ୍ ପ୍ରୋଜେକ୍ଟ ପାଇଁ ୩୦୦ କିଲୋମିଟରର ଟ୍ରାକ୍ ପାଖାପାଖି ନିର୍ମାଣ ହୋଇସାରିଛି । ଏହାବ୍ୟତୀତ ଗୁଜରାଟର ସୁରଟ୍ ପାଖରେ ୪୦ ମିଟର ଲମ୍ବର ବକ୍ସ ଗର୍ଡର କାମ ହୋଇସାରିଛି । ଏହି ବୁଲେଟ୍ ଟ୍ରେନ୍ ରୁଟରେ ପାଖାପାଖି ୧୨ଟି ଷ୍ଟେସନ୍ ନିର୍ମାଣ ହୋଇଛି ।

ସୁରଟରେ ଭାରତର ପ୍ରଥମ ବୁଲେଟ୍ ଟ୍ରେନ୍ ଷ୍ଟେସନ୍ ନିର୍ମାଣ ଶେଷ ପର୍ଯ୍ୟାୟରେ ପହଞ୍ଚିଛି । ବାକି ଥିବା କାମ ମଧ୍ୟ ଦ୍ରୁତ ଗତିରେ ଚାଲିଛି । ବୁଲେଟ୍ ଟ୍ରେନର ଟ୍ରାଏଲ ଆସନ୍ତା ବର୍ଷ ଆରମ୍ଭ ହେବା ନେଇ ମନ୍ତ୍ରୀ ଆଶା ବ୍ୟକ୍ତ କରିଛନ୍ତି ଏବଂ ୨୦୨୯ରେ ଏହା ପୂର୍ଣ୍ଣ ହେବ ।

300 km viaduct completed.
— Bullet Train Project pic.twitter.com/dPP25lU2Gy

— Ashwini Vaishnaw (@AshwiniVaishnaw) May 20, 2025

ରେଳମନ୍ତ୍ରୀ କହିଛନ୍ତି, ଭାରତରେ ଏହି ପ୍ରକଳ୍ପରେ ବ୍ୟବହୃତ ଅଧିକାଂଶ ଜିନିଷ ଭାରତରେ ହିଁ ନିର୍ମିତ ହେଉଛି । ଲଞ୍ଚିଂ ଗ୍ୟାଣ୍ଟ୍ରି, ବ୍ରିଜ୍ ଗ୍ୟାଣ୍ଟ୍ରି ଏବଂ ଗିର୍ଡର ଟ୍ରାନ୍ସପୋର୍ଟରଗୁଡ଼ିକ ଭାରତରେ ସ୍ୱାଭାବିକ ଭାବେ ପ୍ରସ୍ତୁତ ହୁଏ । ଏଥିରୁ ଗୋଟିଏ କଥା ସ୍ପଷ୍ଟ ଜଣାପଡ଼ୁଛି ଭାରତ ଏବେ ହାଇସ୍ପିଡ୍ ଟ୍ରେନ୍ ଏବଂ ପ୍ରଯୁକ୍ତିବିଦ୍ୟାରେ ମଧ୍ୟ ଆତ୍ମନିର୍ଭରଶୀଳ ହେବା ଲକ୍ଷ୍ୟରେ ରହିଛି । ସମ୍ପୂର୍ଣ୍ଣ ସ୍ପେନ୍ ପ୍ରଯୁକ୍ତିବିଦ୍ୟା ଯୋଗୁଁ ନିର୍ମାଣ ୧୦ ଗୁଣ ବୃଦ୍ଧି ପାଇଛି । ପ୍ରତ୍ୟେକ ସ୍ପେନ୍ ଗାର୍ଡରର ଓଜନ ପ୍ରାୟ ୯୭୦ ଟନ୍ । ଏହାସହିତ, ଶବ୍ଦ ହ୍ରାସ କରିବା ପାଇଁ ଭାୟାଡକ୍ଟର ଉଭୟ ପାର୍ଶ୍ୱରେ ୩ ଲକ୍ଷରୁ ଅଧିକ ଶବ୍ଦ ପ୍ରତିବନ୍ଧକ ସ୍ଥାପନ କରାଯାଇଛି ।

ମହାରାଷ୍ଟ୍ର ଏବଂ ଗୁଜରାଟରେ ମଧ୍ୟ ବୁଲେଟ୍ ଟ୍ରେନ୍ ପାଇଁ ସ୍ୱତନ୍ତ୍ର ଡିପୋ ନିର୍ମାଣ ହୋଇପାରେ । ଯଦି ସବୁକିଛି ଏହିପରି ହୁଏ, ତେବେ ଆସନ୍ତାବର୍ଷ ଆରମ୍ଭରେ ଜାପାନରୁ ଶିଂକାସେନ ଟ୍ରେନର କୋଚ୍ ଆସିପାରନ୍ତି । ୨୦୨୬ ଅଗଷ୍ଟ ମାସ ସୁଦ୍ଧା ସୁରଟ ଏବଂ ବିଲିମୋରା ମଧ୍ୟରେ ବୁଲେଟ ଟ୍ରେନ ଚାଲିବାର ସୂଚନା ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଦେଇଛନ୍ତି ।

୩୦୦ କିଲୋମିଟର ନିର୍ମାଣରୁ ୨୫୭.୪ କିଲୋମିଟର ବ୍ରିଜ୍ ସ୍ପେନ୍ ଲଞ୍ଚିଙ୍ଗ ଶୈଳୀରେ ହୋଇଛି । ଏହି କାମ ଦ୍ରୁତ ଗତିରେ ଚାଲିଛି । ନଦୀ ଉପରେ ବ୍ରିଜ୍, ଷ୍ଟିଲ୍ ଓ ପିଏସସି ବ୍ରିଜ୍ ଓ ଷ୍ଟେସନ୍ ବିଲ୍ଡିଂ ମଧ୍ୟ ନିର୍ମାଣ ହୋଇଛି । ଏଯାଏ ଏହି ପ୍ରୋଜେକ୍ଟରେ ୩୮୩ କିଲୋମିଟର ପିୟର୍ସ, ୪୦୧ କିଲୋମିଟରର ଫାଉଣ୍ଡେସନ୍ ଓ ୩୨୬ କିମି ଗର୍ଡର କାଷ୍ଟିଙ୍ଗ ନିର୍ମାଣ ପୂରା ହୋଇସାରିଛି ।