ଜମ୍ମୁକାଶ୍ମୀରରେ ପୁଣି ଆତଙ୍କବାଦୀ ଆକ୍ରମଣ, ୨ ଯବାନ ସହିଦ
Terrorist Attack In Jammu And Kashmir: ଜାମ୍ମୁ କାଶ୍ମୀରର ରଜୋରୀ ଥିବା ଭାରତୀୟ ସେନା ଶିବିରରେ ଆତଙ୍କବାଦୀ ଆକ୍ରମଣ । ଆଲର୍ଟ ସୁରକ୍ଷା ପୋଷ୍ଟରେ ନିୟୋଜିତ ଯବାନ ମଧ୍ୟ ଆତଙ୍କବାଦୀଙ୍କ ଉପରକୁ ଗୁଳି ଚଳାଇଥିଲେ। ଏହି ଘଟଣା ସକାଳ 3:50 ରେ ଘଟିଥିଲା । ଅନ୍ଧକାରର ସୁଯୋଗ ନେଇ ଆତଙ୍କବାଦୀମାନେ ଖସି ପଳାଇବାରେ ସଫଳ ହୋଇଥିଲେ । ଆତଙ୍କବାଦୀଙ୍କୁ ଧରିବା ପାଇଁ ସେନା ଓ ପୋଲିସ ସର୍ଚ୍ଚ ଅପରେସନ ଆରମ୍ଭ କରିଛି ।
ସେନାପକ୍ଷରୁ ଚାଲିଥିବା ସର୍ଚ୍ଚ ଅପରେସନରେ ୬ ଆତଙ୍କବାଦୀଙ୍କୁ ନିପାତ କରିଛି ଭାରତୀୟ ସେନା । ହେଲେ ଏହି ସର୍ଚ୍ଚ ଅପରେସନ ସମୟରେ ୨ ଯବାନ ମଧ୍ୟ ସହିଦ ହୋଇଥିବା ନେଇ ସୂଚନା ରହିଛି । ଏବେ ମଧ୍ୟ କୁଲଗ୍ରାମରେ ସର୍ଚ୍ଚ ଅପରେସନ୍ ଜାରି ରହିଛି ।
ଏହାପୂର୍ବରୁ କୁଲଗାମ, ଜାମ୍ମୁ କାଶ୍ମୀରରେ ସେନା ଏବଂ ଆତଙ୍କବାଦୀ ମୁହାଁମୁହିଁ ହୋଇଥିଲେ । ଦୁଇଟି ଭିନ୍ନ ସ୍ଥାନରେ ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ମିଳିବା ପରେ ସେନା ସର୍ଚ୍ଚ ଅପରେସନ ଆରମ୍ଭ କରିଥିଲା । କୁଲଗ୍ରାମ ଏବଂ ଚିନିଗମ୍ ୨ଟି ସ୍ଥାନରେ ସେନାର ସର୍ଚ୍ଚ ଅପରେସନ ଆରମ୍ଭ ହୋଇଥିଲା । ଡ୍ରୋନ୍ ଏବଂ ଅତ୍ୟାଧୁନିକ ମେସିନ୍ ସାହାଯ୍ୟରେ ଆତଙ୍କବାଦୀଙ୍କ ଉପରେ ନଜର ରଖାଯାଇଥିଲା । ଏହି ସମୟରେ ଜଣେ ଯବାନ ପ୍ରଥମେ ଆହତ ହୋଇଥିଲେ, ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଯେଉଁଠି ସେ ସହିଦ ହୋଇଥିଲେ ।
ସୂଚନାଯୋଗ୍ୟ ଯେ ଜାମ୍ମୁ କାଶ୍ମୀରରେ ନିକଟରେ ଅନେକ ଆତଙ୍କବାଦୀ ଆକ୍ରମଣ ଘଟଣା ସାମ୍ନାକୁ ଆସିଛି। ଏହାପୂର୍ବରୁ ଜୁନ୍ ୨୭'ରେ ବୁଧବାର ଦିନ ଜାମ୍ମୁ କାଶ୍ମୀରର ଡୋଡା ଜିଲ୍ଲାରେ ଆତଙ୍କବାଦୀ ଆକ୍ରମଣ ହୋଇଥିଲା । ଯେଉଁଥିରେ ତିନି ଜଣ ଆତଙ୍କବାଦୀ ନିହତ ହୋଇଥିଲେ। ଗତ ମାସରେ ଜୁନ୍ 9 ତାରିଖ ସନ୍ଧ୍ୟାରେ ଜାମ୍ମୁ କାଶ୍ମୀରର ରେସି ଜିଲ୍ଲାରେ ଆତଙ୍କବାଦୀ ଆକ୍ରମଣ ପରେ ତୀର୍ଥଯାତ୍ରୀ ଭରପୂର ଏକ ବସ୍ ଖାଲରେ ଖସିପଡିଥିଲା, ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ୩୩ ଜଣ ଆହତ ହୋଇଥିଲେ।
Click it and Unblock the Notifications
Sign in with Google