ଆଜି ରାଜଧାନୀ ଦିଲ୍ଲୀରେ ବଢିବ ତାପମାତ୍ରା

Delhi Weather: ଦିଲ୍ଲୀରେ ହାଲୁକା ବର୍ଷା ପରେ ଗରମରୁ ସାମାନ୍ୟ ଆଶ୍ୱସ୍ତି ମିଳିଥିଲା ହେଲେ କିନ୍ତୁ ପୁଣି ତାପମାତ୍ରା ବୃଦ୍ଧି ପାଇବାର ସମ୍ଭାବନା ରହିଛି। ଆଗାମୀ କିଛି ଦିନ ମଧ୍ୟରେ ଦିଲ୍ଲୀରେ ବର୍ଷା ହେବାର କୌଣସି ସମ୍ଭାବନା ନାହିଁ। ମାର୍ଚ୍ଚ ୪ ଏବଂ ୫ ତାରିଖରେ ରାଜଧାନୀରେ ପ୍ରବଳ ପବନ ବହିବା ସହ ତାପମାତ୍ରା ମଧ୍ୟ ବୃଦ୍ଧି ପାଇବ ।

ସେହିପରି ସୋମବାର ଦିଲ୍ଲୀରେ କୁହୁଡ଼ି ହେବାର ନେଇ ପୂର୍ବାନୁମାନ କରିଥିଲା ପାଣିପାଗ ବିଭାଗ । ସର୍ବାଧିକ ତାପମାତ୍ରା ୨୯ ଡିଗ୍ରୀ ସେଲସିୟସ୍ ଏବଂ ସର୍ବନିମ୍ନ ତାପମାତ୍ରା ୧୩ ଡିଗ୍ରୀ ସେଲସିୟସ୍ ରହିବ । ଦିଲ୍ଲୀରେ ଆଗାମୀ ୫ ଦିନ ମଧ୍ୟରେ ତାପମାତ୍ରା ସାମାନ୍ୟ ହ୍ରାସ ପାଇବ ବୋଲି ପୂର୍ବାନୁମାନ କରାଯାଇଛି। ମାର୍ଚ୍ଚ ୪ ଏବଂ ୫ ତାରିଖରେ ଜାତୀୟ ରାଜଧାନୀ ଅଞ୍ଚଳରେ ପ୍ରବଳ ପବନ ବହିବ। ମାର୍ଚ୍ଚ ୬ ତାରିଖରୁ ତାପମାତ୍ରା ୩୦ ଡିଗ୍ରୀ ଉପରେ ରହିବ ବୋଲି ଆଶା କରାଯାଉଛି। ଏହି ସମୟ ମଧ୍ୟରେ, ସର୍ବନିମ୍ନ ତାପମାତ୍ରା ମଧ୍ୟ ୧୪ ରୁ ୧୬ ଡିଗ୍ରୀ ପର୍ଯ୍ୟନ୍ତ ପହଞ୍ଚିବାର ସମ୍ଭାବନା ରହିଛି।

ରବିବାର ଦିଲ୍ଲୀରେ ସର୍ବାଧିକ ତାପମାତ୍ରା ୨୭ ଡିଗ୍ରୀ ସେଲସିୟସ୍ ରେକର୍ଡ କରାଯାଇଥିଲା, ଯାହା ସ୍ୱାଭାବିକ ଠାରୁ ୦.୪ ଡିଗ୍ରୀ ସେଲସିୟସ୍ କମ୍। ଭାରତୀୟ ପାଣିପାଗ ବିଭାଗ (IMD) କହିଛି ଯେ ରବିବାର ସର୍ବନିମ୍ନ ତାପମାତ୍ରା ୧୪.୮ ଡିଗ୍ରୀ ସେଲସିୟସ୍ ରେକର୍ଡ କରାଯାଇଛି। ଦିଲ୍ଲୀରେ ଆର୍ଦ୍ରତା ସ୍ତର ୮୧ ପ୍ରତିଶତରୁ ୩୩ ପ୍ରତିଶତ ମଧ୍ୟରେ ରହିଥିଲା।