କମଲନାଥଙ୍କୁ ମୁଖ୍ୟମନ୍ତ୍ରୀ କରିବା ପାଇଁ ତନ୍ତ୍ର ସାଧନା, ଭାଇରାଲ୍ ହେଲା ଭିଡିଓ
MP Assembly Election 2023: ଆଗାମୀ ନିର୍ବାଚନ ପାଇଁ ପ୍ରସ୍ତୁତି ଜାରି ରହିଥିବା ବେଳେ ନିର୍ବାଚନରେ ହାରିବା-ଜିତିବାକୁ ନେଇ ହେଉଛି ତନ୍ତ୍ର -ମନ୍ତ୍ର ସାଧନା । ଧାର୍ମିକ ସହର ଉଜୈନର ଚକ୍ର ତୀର୍ଥ ଶ୍ମଶାନରେ ଚାଲିଛି ତନ୍ତ୍ର ସାଧନା । ତେବେ ଏହି ତନ୍ତ୍ର ସାଧନାର ଲିଙ୍କ୍ ରାଜ୍ୟ କଂଗ୍ରେସ ସଭାପତି କମଲ ନାଥଙ୍କ ସହ ଜଡିତ ରହିଛି ।
ନବରାତ୍ରୀ ଅବସରରେ ଉଜୈନର ଚକ୍ର ତୀର୍ଥ ଶ୍ମଶାନରେ ୯ଦିନ ପର୍ଯ୍ୟନ୍ତ ତନ୍ତ୍ର ସାଧନା କରାଯିବ । ଏହି ସମୟ ତନ୍ତ୍ରିକ୍ କମଲ ନାଥଙ୍କ ଫଟୋ ଲଗାଇ ସାଧନା କରୁଥିବାର ଦେଖିବା ପାଇଁ ମିଳୁଛି । କୁହାଯାଉଛି ଯେ, କମଲ ନାଥ ସରକାର ଗଠନ ପାଇଁ ଏହି ପୂଜାର୍ଚ୍ଚନା କରାଯାଉଛି ।
ଧାର୍ମିକ ସହର ଉଜୈନର ଚକ୍ରବର୍ତ୍ତୀ ମୁକ୍ତିଧାମ ତନ୍ତ-ମନ୍ତ୍ର ସାଧନା ପାଇଁ ସାରା ଦେଶରେ ପ୍ରସିଦ୍ଧ । ନବରାତ୍ରୀ ଅବସରରେ, ତାନ୍ତ୍ରିକମାନେ ପ୍ରତ୍ୟେକ ରାତିରେ ବିଭିନ୍ନ ସାଧନା କରୁଛନ୍ତି, ଯେଉଁଥିରେ କମଲନାଥଙ୍କ ଫଟୋ ଲଗାଇ ତାନ୍ତ୍ରିକମାନେ ସାଧନା କରୁଥିବା ଦେଖିବା ପାଇଁ ମିଳିଛି । ସୂଚନା ଅନୁଯାୟୀ, ବିଧାନସଭା ନିର୍ବାଚନରେ କମଲ ନାଥ ସରକାର ଗଠନ ପାଇଁ ତାନ୍ତ୍ରିକଙ୍କ ଦ୍ୱାରା ଏହି ସାଧନା କରାଯାଉଛି। କେବଳ ଏତିକି ନୁହେଁ, ତାନ୍ତ୍ରିକମାନେ ଦାବି କରିଛନ୍ତି ଯେ ଏହି ସାଧନା ପରେ ଯଦି କମଲ ନାଥଙ୍କ ସରକାର ଗଠନ ହେବ ।
ସୋସିଆଲ ମିଡିଆରେ ଯେଉଁ ଫଟୋ ଭାଇରାଲ ହେଉଛି ସେଥିରେ କିଛି ତାନ୍ତ୍ରିକ କମଲ ନାଥଙ୍କ ଫଟୋ ଲଗାଇବା ସହ ତା ଚାରିପାଖରେ ଲେମ୍ବୁ, ମଦ ଏବଂ ପୁତଳିକା ରଖାଯାଇଥିବାର ଦେଖିବା ପାଇଁ ମିଳୁଛି । ଭାଇରାଲ୍ ଭିଡିଓରେ ପ୍ରାୟ 6 ରୁ 7 ଜଣ ତାନ୍ତ୍ରିକ ବସି ପୂଜା କରୁଥିବାର ଦେଖିବା ପାଇଁ ମିଳୁଛି । ଯେଉଁମାନେ ଏକାଠି କିଛି ମନ୍ତ୍ର ପଢୁଥିବାର ନଜର ଆସୁଛନ୍ତି ।
କଂଗ୍ରେସ ସଭାପତି କମଲ ନାଥଙ୍କୁ ମୁଖ୍ୟମନ୍ତ୍ରୀ କରିବା ଏବଂ ରାଜ୍ୟରେ କଂଗ୍ରେସ ସରକାର ପୁଣି ଥରେ କ୍ଷମତାକୁ ଆସିବା ପାଇଁ ଏହି ତନ୍ତ୍ର ସାଧନା କରାଯାଉଛି । ତେବେ ଏହି ତାନ୍ତ୍ରିକ ମାନ ଦାବି କରିଛନ୍ତି ଯେ, ସେମାନେ ପୂର୍ବରୁ ଅନେକ ପ୍ରକାରର ପୂଜାର୍ଚ୍ଚନା କରିଛନ୍ତି । ଯେଉଁଥିରେ ତାଙ୍କୁ ସଫଳତା ମିଳିଛି ।
Click it and Unblock the Notifications
Sign in with Google