Swati Maliwal Case: ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଘରେ ପୋଲିସ ଏବଂ ଫରେନ୍ସିକ ଟିମ୍

Updated: Friday, May 17, 2024, 18:39 [IST]

Swati Maliwal Case: ଆମ୍ ଆଦମୀ ପାର୍ଟି ନେତା ତଥା ରାଜ୍ୟସଭା ସାଂସଦ ସ୍ୱାତୀ ମାଲିୱାଲଙ୍କ ମାମଲାରେ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଘରେ ଛାନଭିନ ଆରମ୍ଭ କରିଛି ପୋଲିସ ଏବଂ ଫରେନ୍ସିକ ଟିମ । ଦିଲ୍ଲୀ ପୋଲିସ ଗୁରୁବାର ସ୍ୱାତୀ ମାଲିୱାଲଙ୍କ ବିବୃତ୍ତି ରେକର୍ଡ କରିବା ପରେ ଏହି ମାମଲାରେ ତଦନ୍ତ ଆରମ୍ଭ ହୋଇଛି। ଦିଲ୍ଲୀ ପୋଲିସର ଫରେନ୍ସିକ୍ ଟିମ୍ କେଜ୍ରିୱାଲଙ୍କ ଘରେ ପହଞ୍ଚିଛି । ଶୁକ୍ରବାର ଏହି ପ୍ରସଙ୍ଗରେ ଏକ ଭିଡିଓ ସାମ୍ନାକୁ ଆସିଛି। ଏହା ମେ 13 ହେବ ବୋଲି ଦାବି କରାଯାଉଛି ।

ଉତ୍ତର ଦିଲ୍ଲୀର ଅତିରିକ୍ତ ଡିସିପି, ଦୁଇ ଇନ୍ସପେକ୍ଟର ଏବଂ ଫରେନ୍ସିକ ଟିମ୍ ମୁଖ୍ୟମନ୍ତ୍ରୀଙ୍କ ଘରେ ପହଞ୍ଚିଛନ୍ତି । କିଛି ସମୟ ରହିବା ପରେ FSL ଦଳ କେଜ୍ରିୱାଲଙ୍କ ଘରୁ ବାହାରି ଆସିଥିଲେ | ସୂଚନାନୁସାରେ, ମେ 13 ତାରିଖରେ ଘର ଭିତରେ ଉପସ୍ଥିତ ଥିବା ସମସ୍ତ ଲୋକଙ୍କ ବିବୃତ୍ତି ରେକର୍ଡ କରାଯାଇଛି । ଏଥିସହ ଉକ୍ତ ରୁମର ସିସିଟିଭ ଫୁଟେସ ମଧ୍ୟ ପୋଲିସ ଆଣିବ ।

ସୂଚନା ଅନୁସାରେ, ସ୍ୱାମୀ ମାଲିୱାଲ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଦେଖା କରିବା ପାଇଁ ତାଙ୍କ ବାସଭବନକୁ ଆସିଥିଲେ । ସେ ବାହର ରୁମରେ ତାଙ୍କୁ ଅପେକ୍ଷା କରିବା ସମୟରେ ବୈଭବ କୁମାର ସେଠାରେ ପହଞ୍ଚି ଚାଙ୍କ ସହ ଦୁର୍ବ୍ୟବହାର କରିଥିଲେ ।

ଏପରିକି ତାଙ୍କୁ ବାରମ୍ବାର ଚାପୁଡ଼ା, ବିଧା, ଗୋଇଠା ମଧ୍ୟ ମାରିଥିବା ନେଇ ଅଭିଯୋଗ ଆଣିଥିଲେ ସ୍ୱାତୀ । ଯାହା ପରେ ବୈଭବଙ୍କ ବିରୋଧରେ ଏକ ମାମଲା ରୁଜୁ କରିଥିଲା ଦିଲ୍ଲୀ ପୋଲିସ । ଏଥିସହ ସ୍ୱାତୀଙ୍କ ଡାକ୍ତରୀ ପରୀକ୍ଷା ମଧ୍ୟ କରାଯାଇଥିଲା । ତାଙ୍କ ମୁହଁର ଆଭ୍ୟନ୍ତରୀଣ ଭାଗରେ ଆଘତ ଲାଗିଥିବା ଅଭିଯୋଗ ହୋଇଛି । ବର୍ତ୍ତମାନ ୫୨ ସେକେଣ୍ତର ଏକ ଭିଡିଓ ମଧ୍ୟ ଭାଇରାଲ ହେଉଛି ଯାହା ଉକ୍ତ ଦିନର ବୋଲି ଦାବି କରାଯାଉଛି । ଉକ୍ତ ରୁମର ସିସିଟିଭ ଫୁଟେଜର ଯାଞ୍ଚ କରାଯାଉ ବୋଲି ସ୍ୱାତୀ ଦାବି ରଖିଛନ୍ତି ।