ସ୍ୱାତୀ ମାଲିୱାଲଙ୍କ ଅଭିଯୋଗ, କହିଲେ ଧ୍ରୁବ୍ ରାଠୀଙ୍କ ଭିଡିଓ ପରେ ମୋତେ ଦୁଷ୍କର୍ମ ଓ ହତ୍ୟା ଧମକ ବଢ଼ିଯାଇଛି

Published: Monday, May 27, 2024, 14:00 [IST]

ନୂଆଦିଲ୍ଲୀ: ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ସ୍ୱାତୀ ମାଲିୱାଲଙ୍କୁ ଦୁଷ୍କର୍ମ ଓ ହତ୍ୟା ଧମକ ମିଳିଥିବା ଅଭିଯୋଗ କରିଛନ୍ତି । ୟୁଟ୍ୟୁବର ଧ୍ରୁବ ରାଠୀଙ୍କ ଭିଡ଼ିଓ ପରେ ତାଙ୍କୁ ଅନେକ ଆଡ଼ୁ ହତ୍ୟା ଓ ଦୁଷ୍କର୍ମ ଧମକ ମିଳିବା ଆରମ୍ଭ ହୋଇଛି ବୋଲି ରାଜ୍ୟସଭା ସାଂସଦ ସ୍ୱାତୀ ମଲିୱାଲ୍ ଅଭିଯୋଗ କରିଛନ୍ତି ।

ସାମାଜିକ ଗଣମାଧ୍ୟମ 'ଏକ୍ସ'ରେ ଏହି ପ୍ରସଙ୍ଗ ଉତ୍‌ଥାପନ କରି ସ୍ୱାତୀ ମାଲିୱାଲ ଏକ ଏକ୍ସ ପୋଷ୍ଟରେ କହିଛନ୍ତି, ମୋ ଦଳ(ଆପ)ର ନେତା ଓ ସ୍ୱେଚ୍ଛାସେବୀମାନେ, ମୋ ଚରିତ୍ର ସଂହାର ଏବଂ ମୋ ବିରୋଧରେ ପ୍ରଚାର କରିବା ପରେ ମୁଁ ଦୁଷ୍କର୍ମ ଓ ହତ୍ୟା ଧମକ ପାଇଛି । ୟୁଟ୍ୟୁବର୍ ଧ୍ରୁବ ରାଠୀ ମୋ ବିରୁଦ୍ଧରେ ଏକପାଖିଆ ଭିଡିଓ ପୋଷ୍ଟ କରିବା ପରେ ଏପରି ହେବା ଦ୍ୱିଗୁଣିତ ହୋଇଯାଇଛି ।

ସ୍ୱତୀ ମାଲିୱାଲ ଆହୁରି ଅଭିଯୋଗ ଆଣିଛନ୍ତି ଯେ, ଦଳର ନେତୃତ୍ୱ ତାଙ୍କୁ ଅଭିଯୋଗ ପ୍ରତ୍ୟାହାର କରାଇନେବାକୁ ଭୟଭୀତ କରିବାକୁ ଚେଷ୍ଟା କରୁଛନ୍ତି । ଧ୍ରୁବ ରାଠୀଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରିଥିଲେ ମଧ୍ୟ ସେ କଲର ପ୍ରତିକ୍ରିୟା ଦେଇନଥିବା ସ୍ୱାତୀ ମାଲିୱାଲ କହିଛନ୍ତି । ସୂଚନା ଥାଉକି ମେ ୨୨ ତାରିଖରେ ଧ୍ରୁବ ରାଠୀ ଭିଡିଓ ପୋଷ୍ଟ କରି ସ୍ୱାତୀ ମାଲିୱାଲ୍ କେସ୍‌ର ବର୍ଣ୍ଣନା କରିଥିଲେ । ଧ୍ରୁବ ରାଠୀ ଦୁଇଟି ଭିଡିଓ ପୋଷ୍ଟ କରିଥିଲେ ।

ଏଥିରେ ସ୍ୱାତୀ କେଜରିୱାଲ୍‌ଙ୍କ ସୁରକ୍ଷାକର୍ମୀଙ୍କ ସହ ଦୁର୍ବ୍‌ଯବାହର କରିଥିବା କଥା କହିଥିଲେ । ଏବଂ ଘଟଣା ପରେ ସ୍ୱାତୀ ଛୋଟେଇ ଛଟୋଇ ଆସୁଥିବା କଥା କହିଥିଲେ ଓ ହେଲେ ଧ୍ରୁବ୍ ରାଠୀ ଏକ ଭିଡିଓ ଶେୟାର କରିଥିଲେ । ଯେଉଁଥିରେ ସେ ଆରାମ୍‌ରେ ଚାଲି ଚାଲି ଯାଉଥିବାର ଦେଖିବାକୁ ମିଳିଛି । ଏଥରେ ଧ୍ରୁବ ପଚାରୁଛନ୍ତି ଆମ ପାଖରେ ଦୁଇଟି ଭିଡିଓ ଅଛି । ଏଥିରେ କିଏ ସତ କହୁଛି କିଏ ମିଛ ଆପଣ ବିଚାର କରନ୍ତୁ ।

ଅନ୍ୟପଟେ ସ୍ୱାତୀ କହିଛନ୍ତି ଯେ ଧ୍ରୁବ୍ ଭିଡିଓର ସତ୍ୟାସତ୍ୟ କହି ନାହାନ୍ତି । କେବଳ ନିର୍ଦ୍ଦିଷ୍ଟ ଭିଡିଓ ଅପ୍‌ଲୋଡ୍ କରାଯାଇଛି ବୋଲି ସ୍ୱାତୀ ଅଭିଯୋଗ କରିଛନ୍ତି । ତେବେ ତାଙ୍କୁ ମିଳିଥିବା ଧମକ ବିଷୟରେ ସେ ଦିଲ୍ଲୀ ପୁଲିସକୁ ଜଣାଇଛନ୍ତି । ଯଦି ମୋର କିଛି ହୁଏ ତେବେ କିଏ ଏହାକୁ ଉସ୍କାଇଥିବା ସମସ୍ତେ ଜାଣିଛନ୍ତି ବୋଲି ସ୍ୱାତୀ କହିଛନ୍ତି ।

Published On May 27, 2024