ସୁପ୍ରିମକୋର୍ଟଙ୍କ EVM-VVPAT ନିଷ୍ପତ୍ତି ଉପରେ ପ୍ରଧାନମନ୍ତ୍ରୀଙ୍କ ବୟାନ , କହିଲେ ....

Updated: Friday, April 26, 2024, 15:59 [IST]

ନୂଆଦିଲ୍ଲୀ: ଭୋଟର ଭେରିଫାଏବଲ୍ ପେପର ଅଡିଟ୍ ଟ୍ରେଲ୍ (ଭିଭିପିଏଟି)କୁ ନେଇ ହୋଇଥିବା ଆବେଦନକୁ ଆଜି ଖାରଜ କରି ଦେଇଛନ୍ତି ସୁପ୍ରିମ୍‌କୋର୍ଟ । ଏହା ସହ ବାଲାଟ ପେପରରେ ଭୋଟିଂ କରିବାକୁ ନେଇ କରାଯାଇଥିବା ସମସ୍ତ ଆବେଦନକୁ ମଧ୍ୟ ଖାରଜ କରି ଦେଇଛନ୍ତି ଅଦାଲତ । ଜଷ୍ଟିସ ସଞ୍ଜୀବ ଖାନ୍ନା ଏବଂ ଦୀପଙ୍କର ଦତ୍ତଙ୍କୁ ନେଇ ଗଠିତ ଦୁଇ ଜଣିଆ ଖଣ୍ଡପୀଠ ଏହି ଆବେଦନ ଦାବିକୁ ପ୍ରତ୍ୟାଖ୍ୟାନ କରାଯାଇଛି ।

ବାଲାଟ ପେପରରେ ଭୋଟିଂ କରିବାକୁ ନେଇ କରାଯାଇଥିବା ସମସ୍ତ ଆବେଦନକୁ ମଧ୍ୟ ଖାରଜ କରିବା ସହ ଇଭିଏମରେ ସବୁସ୍ଥାନରେ ଭୋଟିଂ କରିବାକୁ କ୍ଲିନଚିଟ ଦେଇଛନ୍ତି ସୁପ୍ରମିକୋର୍ଟ । ଆଉ ସୁପ୍ରିମକୋର୍ଟଙ୍କ ଏହି ରାୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଇଛନ୍ତି ବୟାନ । ବିହାରର ଅରାରିଆରେ ଏକ ରାଲିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମ୍ବୋଧିତ କରିଛନ୍ତି । ଏହି ଅବସରରେ ସେ ସୁପ୍ରିମକୋର୍ଟଙ୍କ ଇଭିଏମ- ଭିଭିପିଏଟି ନିଷ୍ପତ୍ତି ଉପରେ ମଧ୍ୟ ମନ୍ତବ୍ୟ ଦେଇଛନ୍ତି ।

ସେ କହିଛନ୍ତି, ସୁପ୍ରିମକୋର୍ଟଙ୍କ ଦ୍ୱାରା ଇଭିଏମ- ଭିଭିପିଏଟି ଉପରେ ଦିଆଯାଇଥିବା ନିଷ୍ପତ୍ତି କଂଗ୍ରେସ ଏବଂ ଇଣ୍ଡିଆ ମିଳିତ ମେଣ୍ଟକୁ ଚାପୁଡ଼ା ସଦୃଶ । ସୁପ୍ରିମକୋର୍ଟ ସମସ୍ତ ଆବେଦନକୁ ପ୍ରତ୍ୟାଖ୍ୟାନ କରି ପ୍ରମାଣ କରିଛନ୍ତି,ଗଣତନ୍ତ୍ରକୁ କ୍ଷତି ପହଞ୍ଚାଉଥିବା ଏପରି ଆବେଦନଗୁଡ଼ିକର କୌଣସି ଅର୍ଥ ନାହିଁ ।

ପ୍ରଧାନମନ୍ତ୍ରୀ ମୋଦି କହିଛନ୍ତି, ଆପଣଙ୍କର ଏହି ସେବକ ଏବଂ ଏଠାରେ ବିହାରରେ ଆମର ନୀତୀଶ ଜୀ ଏବଂ ତାଙ୍କର ପୁରା ଦଳ ସମ୍ପୂର୍ଣ୍ଣ ଶକ୍ତି ସହିତ କାର୍ଯ୍ୟ କରୁଛନ୍ତି । ଆରଜେଡି ଏବଂ କଂଗ୍ରେସର ଇଣ୍ଡିଆ ମିଳିତ ମେଣ୍ଟ ଦେଶର ସମ୍ବିଧାନ କିମ୍ବା ଗଣତନ୍ତ୍ର ପ୍ରତି ଧ୍ୟାନ ଦେଉନାହିଁ । ଏହି ଲୋକମାନେ ଦଶନ୍ଧି ଧରି ବାଲାଟ ପେପର ବାହାନା କରି ଗରିବ ଲୋକଙ୍କ ଅଧିକାର ଛଡ଼ାଇ ନେଇଥିଲେ ।

ପୂର୍ବରୁ ମତଦାନ ବୁଥ ଏବଂ ବାଲାଟ କାଗଜପତ୍ର ଲୁଟ ହୋଇଥିଲା । କେବଳ ଏତିକି ନୁହେଁ, ଗରିବ ଲୋକଙ୍କୁ ଭୋଟ ଦେବା ପାଇଁ ଘରୁ ବାହାରକୁ ଯିବାକୁ ମଧ୍ୟ ଅନୁମତି ଦିଆଯାଇ ନ ଥିଲା । ବର୍ତ୍ତମାନ ଦେଶର ଗରିବ ଏବଂ ସଚ୍ଚୋଟ ଭୋଟରମାନେ ଇଭିଏମର ଶକ୍ତି ପାଇଛନ୍ତି । ତେଣୁ ଏହି ଲୋକମାନେ ଯେଉଁମାନେ ନିର୍ବାଚନ ଦିନ ଲୁଟ କରୁଥିଲେ, ଏହି ଲୋକମାନେ ମଧ୍ୟ ଏହାକୁ ସହ୍ୟ କରିପାରିନଥିଲେ ।

ସେ ଏବେ ବି ଚିନ୍ତିତ ଅଛନ୍ତି । ସେଥିପାଇଁ ସେମାନଙ୍କର କାର୍ଯ୍ୟ ଦିନରାତି ହେଉଛି ଯେକୌଣସି ଉପାୟରେ ଇଭିଏମ ଉଠାଇବା । ଏହା ହେଉଛି ସେମାନଙ୍କର ଖେଳ । ଦେଶର ଗଣତନ୍ତ୍ରର ଶକ୍ତି ଦେଖନ୍ତୁ ଆଜି ଯେଉଁମାନେ ବାଲାଟ ବକ୍ସ ଲୁଟିବାକୁ ଚାହୁଁଛନ୍ତି ସେମାନଙ୍କୁ ସୁପ୍ରିମକୋର୍ଟ ଗଭୀର ଝଟକା ଦେଇଛନ୍ତି ବୋଲି କହିଛନ୍ତି ପିଏମ ମୋଦି ।