ନବନୀତଙ୍କୁ ସୁପ୍ରିମକୋର୍ଟରୁ ମିଳିଲା ବଡ଼ ଆଶ୍ୱସ୍ତି, ଜାଣନ୍ତୁ ସେହି ମାମଲା କଣ?
ନୂଆଦିଲ୍ଲୀ : ମହାରାଷ୍ଟ୍ରର ଅମରାବତୀର ସ୍ୱାଧୀନ ସାଂସଦ ନବନୀତ କୌର ରାଣାଙ୍କ ଜାତି ପ୍ରମାଣପତ୍ର ମାମଲାରେ ସୁପ୍ରିମକୋର୍ଟ ତାଙ୍କୁ ଏକ ବଡ଼ ଆଶ୍ୱସ୍ତି ଦେଇଛନ୍ତି । ବମ୍ବେ ହାଇକୋର୍ଟ ନବନୀତି ରାଣାଙ୍କ ଜାତି ପ୍ରମାଣପତ୍ରକୁ ବାତିଲ କରିଦେଇଥିଲେ । ଏଭଳି ପରିସ୍ଥିତିରେ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତାକୁ ନେଇ ସଙ୍କଟ ଦେଖାଦେଇଥିଲା ।
ସାଂସଦ ନବନୀତ୍ କୌର ରାଣାଙ୍କ ଆବେଦନକୁ ଗ୍ରହଣ କରିବାବେଳେ ସୁପ୍ରିମକୋର୍ଟ ଏହି ନିଷ୍ପତ୍ତି ଦେଇଛନ୍ତି । ଆପଣଙ୍କୁ କହିରଖୁଛୁ ଯେ ନବନୀତ ରାଣା ଏଥର ବିଜେପି ଟିକେଟରେ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛନ୍ତି । ନବନୀତ ରାଣାଙ୍କ ଆବେଦନ ଶୁଣି ଜଷ୍ଟିସ ଜେ.କେ ମହେଶ୍ୱରୀ ଏବଂ ଜଷ୍ଟିସ ସଞ୍ଜୟ କାରୋଲଙ୍କ ବେଞ୍ଚ ଏହି ରାୟ ଦେଇଛନ୍ତି ।
ସାଂସଦଙ୍କ ଜାତି ପ୍ରମାଣପତ୍ର ବାତିଲ କରିବାକୁ ହାଇକୋର୍ଟଙ୍କ ନିଷ୍ପତ୍ତିକୁ ସର୍ବୋଚ୍ଚ ନ୍ୟାୟାଳୟ ବାତିଲ କରିଛନ୍ତି । ସୁପ୍ରିମକୋର୍ଟରେ ତାଙ୍କ ଜାତି ପ୍ରମାଣପତ୍ର ବାତିଲ କରିବାକୁ ହାଇକୋର୍ଟଙ୍କ ନିଷ୍ପତ୍ତିକୁ ନବନୀତ ରାଣା ଚ୍ୟାଲେଞ୍ଜ କରିଥିଲେ । ସ୍ୱାଧୀନ ସାଂସଦ ମହାରାଷ୍ଟ୍ରର ଅମରାବତୀ ନିର୍ବାଚନମଣ୍ଡଳୀକୁ ପ୍ରତିନିଧିତ୍ୱ କରନ୍ତି, ଯାହାକି ଅନୁସୂଚିତ ଜାତି ପାଇଁ ସଂରକ୍ଷିତ ।
ସୂଚନାଯୋଗ୍ୟ ଯେ, ନକଲି କାଷ୍ଟ ସାର୍ଟିଫିକେଟ ମାମଲାରେ ବମ୍ବେ ହାଇକୋର୍ଟଙ୍କ ଆଦେଶକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି । ନବନୀତ ଏସସି ସାର୍ଟିଫିକେଟ ହାଇକୋର୍ଟ ଦ୍ୱାରା ରଦ୍ଦ କରାଯାଇଥିଲା । ନକଲି ଦଲିଲ ମାଧ୍ୟମରେ କାଷ୍ଟ ସାର୍ଟିଫିକେଟ ପ୍ରସ୍ତୁତ କରିଥିବା କୋର୍ଟ କହିଥିଲେ । ଜୁନ ୨୦୨୧ରେ ବମ୍ବେ ହାଇକୋର୍ଟ ନବନୀତ ରାଣାଙ୍କ ଏସସି କାଷ୍ଟ ସାର୍ଟିଫିକେଟକୁ ପ୍ରତ୍ୟାଖ୍ୟାନ କରିଥିଲେ ଏବଂ ତାଙ୍କ ଉପରେ ୨ ଲକ୍ଷ ଟଙ୍କା ଜୋରିମନା ମଧ୍ୟ ଲଗାଇଥିଲେ ।
ତାଙ୍କ କାଷ୍ଟ ସାର୍ଟିଫିକେଟ ପ୍ରତ୍ୟାଖ୍ୟାନ ହେବା ପରେ ନବନୀତଙ୍କ ଏମ୍ପି ପଦ ମଧ୍ୟ ରହିଥିଲା ସଂକଟରେ । ତେବେ ସୁପ୍ରିମକୋର୍ଟଙ୍କ ନିଷ୍ପତ୍ତି ପରେ ତାଙ୍କୁ କେବଳ ଆରାମ ମିଳିନାହିଁ, ଅମରାବତୀ ଆସନରୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ପାଇଁ ମଧ୍ୟ ରାସ୍ତା ସଫା ହୋଇଛି । ଏଥର ନବନୀତ ଲୋକ ସଭା ନିର୍ବାଚନରେ ବିଜେପି ପ୍ରାର୍ଥୀ ଭାବରେ ଅମରାବତୀରୁ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି ।
Click it and Unblock the Notifications
Sign in with Google