ସାଂସଦ, ବିଧାୟକଙ୍କ ନାଁରେ ଥିବା ମାମଲାର ଶୀଘ୍ର ଫଇସଲା କରିବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
ନେତାଙ୍କ ନାଁରେ ଥିବା ମାମଲା ତ୍ୱରିତ ଫଇସଲା କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ସାଂସଦ, ବିଧାୟକଙ୍କ ନାଁରେ ଥିବା ମାମଲାର ତୁରନ୍ତ ବିଚାର କରିବାକୁ ନିର୍ଦ୍ଦେଶ ଦିଆଯାଇଛି। ତୁରନ୍ତ ବିଚାର ସାରିବାକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ ।
ଏଭଳି ମାମଲା ଉପରେ ପଦକ୍ଷେପ ନେବାକୁ ହାଇକୋର୍ଟମାନଙ୍କୁ ନିର୍ଦ୍ଦେଶ ଦେଇଛନ୍ତି ଉଚ୍ଚ ନ୍ୟାୟାଳୟ । ଏଭଳି ମାମଲା ସଂପର୍କରେ ଗାଇଡଲାଇନ ଆଣି ହେବନି । ଟ୍ରାଏଲ କୋର୍ଟ ପାଇଁ ଏ ସଂପର୍କରେ ଗାଇଡଲାଇନ କରିବା କଷ୍ଟସାଧ୍ୟ ବୋଲି କହିଛନ୍ତି ସୁପ୍ରିମକୋର୍ଟ । ମାମଲାକୁ ଅଧିକ ନଗଡ଼ାଇ ତ୍ବରିତ ବିଚାର ସାରିବାକୁ କହିଛନ୍ତି କୋର୍ଟ ।
କୋର୍ଟ କହିଛନ୍ତି ଯେ ଅପରାଧିକ ମାମଲାରେ ଜନ ପ୍ରତିନିଧୀଙ୍କ ବିରୋଧରେ ହାଇକୋର୍ଟ ସ୍ୱତନ୍ତ୍ର ନିମ୍ନ ଅଦାଲତରୁ ଷ୍ଟାଟସ୍ ରିପୋର୍ଟ ମାଗିପାରିବେ । ସାଂସଦ ଏବଂ ବିଧାୟକଙ୍କ ବିରୋଧରେ ଅପରାଧିକ ମାମଲା ଶୀଘ୍ର ସମାଧାନ ପାଇଁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ସୁପ୍ରିମକୋର୍ଟ କହିଛନ୍ତି ଯେ ସାଂସଦ-ବିଧାୟକଙ୍କ ବିରୋଧରେ ମାମଲା ଶୀଘ୍ର ସମାଧାନ ପାଇଁ ଟ୍ରାଏଲ କୋର୍ଟ ପାଇଁ ଏକକ ନିର୍ଦ୍ଦେଶାବଳୀ ପ୍ରସ୍ତୁତ କରିବା କଷ୍ଟକର ହେବ ।
ଗୁରୁତ୍ୱପୂର୍ଣ୍ଣ ଏବଂ ବାଧ୍ୟତାମୂଳକ କାରଣ ବ୍ୟତୀତ ଜନ ପ୍ରତିନିଧୀଙ୍କ ବିରୋଧରେ ମାମଲାର ଶୁଣାଣି ସ୍ଥଗିତ ରଖିବା ଉଚିତ ନୁହେଁ ବୋଲି କୋର୍ଟ କହିଛନ୍ତି ।
ପ୍ରଧାନ ବିଚାରପତି ଚନ୍ଦ୍ରଚୁଡଙ୍କ ଅଧ୍ୟକ୍ଷତାରେ ଏକ ବେଞ୍ଚ ଅଶ୍ୱିନୀ ଉପାଧ୍ୟାୟଙ୍କ ଦ୍ୱାରା ଦାଖଲ ହୋଇଥିବା ଏକ ଜନସ୍ବାର୍ଥ ମାମଲା ଉପରେ ହାଇକୋର୍ଟ ଏବଂ ନିମ୍ନ ଅଦାଲତଙ୍କୁ ବିଭିନ୍ନ ନିର୍ଦ୍ଦେଶ ଜାରି କରି ଜନ ପ୍ରତିନିଧୀଙ୍କ ବିରୋଧରେ ବିଚାରାଧୀନ ଅପରାଧିକ ମାମଲା ଶୀଘ୍ର ସମାଧାନ କରିବାକୁ କହିଛନ୍ତି ।
ମୁଖ୍ୟ ବିଚାରପତିଙ୍କ ଦ୍ୱାରା ପରିଚାଳିତ କିମ୍ବା ତାଙ୍କ ଦ୍ୱାରା ମନୋନୀତ ହୋଇଥିବା ଏକ ବେଞ୍ଚ ଗଠନ ହେବ ଯାହା ଏହି ମାମଲା ତଦାରଖ କରିବ । ପ୍ରଧାନ ବିଚାରପତି ଚନ୍ଦ୍ରଚୁଡ୍ ଜନସ୍ବାର୍ଥ ମାମଲା ଉପରେ ନିଜର ରାୟ ପ୍ରଦାନ କରିବାବେଳେ କହିଛନ୍ତି ଯେ ସାଧାରଣ ପ୍ରତିନିଧୀଙ୍କ ସହ ଜଡିତ ସ୍ୱତନ୍ତ୍ର ଅଦାଲତର ଶୁଣାଣି ପାଇଁ ଜିଲ୍ଲା ତଥା ସେସନ୍ କୋର୍ଟର ବିଚାରପତି ପର୍ଯ୍ୟାପ୍ତ ଭିତ୍ତିଭୂମି ତଥା ବୈଷୟିକ ସୁବିଧା କରିବେ।
Click it and Unblock the Notifications
Sign in with Google