For Quick Alerts
Turn On Notification  
For Daily Alerts
Oneindia App Download

Farmers Protest :ଶଶି ଥରୁର ଏବଂ ବରିଷ୍ଠ ସାମ୍ବାଦିକଙ୍କୁ ସୁପ୍ରିମକୋର୍ଟରୁ ମିଳିଲା ଆଶ୍ୱାସନା, ଗିରଫ ଉପରେ ଲଗାଇଲେ ପ୍ରତିବନ୍ଧକ

ସୁପ୍ରିମକୋର୍ଟ କଂଗ୍ରେସ ନେତା ଶଶି ଥରୁର ଏବଂ ବରିଷ୍ଠ ସାମ୍ବାଦିକମାନଙ୍କୁ ଆଶ୍ୱାସନା ଦେଇଛନ୍ତି ଏବଂ ଗିରଫ ଉପରେ ପ୍ରତିବନ୍ଧକ ଲଗାଇଛନ୍ତି । ହିଂସା ସୃଷ୍ଟି ଅଭିଯୋଗରେ ଶଶି ଥରୁର ଏବଂ ସାମ୍ବାଦିକ ରାଜଦୀପଙ୍କ ବିରୋଧରେ ଏଫଆଇଆର ଦାଖଲ କରାଯାଇଥିଲା ।

|

ନୂଆଦିଲ୍ଲୀ : ଜାନୁଆରୀ 26 ରେ କୃଷକଙ୍କ ଟ୍ରାକ୍ଟର ରାଲି ସମୟରେ ଜଣେ ବିକ୍ଷୋଭକାରୀଙ୍କ ମୃତ୍ୟୁ ସମ୍ପର୍କରେ ଅପ୍ରତ୍ୟାଶିତ ଖବର ପ୍ରସାର କରିବା ଅଭିଯୋଗରେ ସୁପ୍ରିମକୋର୍ଟ ଆଜି କଂଗ୍ରେସ ନେତା ଶଶି ଥରୁର ଏବଂ ସାମ୍ବାଦିକ ରାଜଦୀପ ସରଦେଶାଇ ଦ୍ୱାରା ଦାଖଲ ହୋଇଥିବା ଆବେଦନ ଉପରେ ଶୁଣାଣି କରିଛନ୍ତି । ଏହା ପରେ ସୁପ୍ରିମକୋର୍ଟ କଂଗ୍ରେସ ନେତା ଶଶି ଥରୁର ଏବଂ ବରିଷ୍ଠ ସାମ୍ବାଦିକମାନଙ୍କୁ ଆଶ୍ୱାସନା ଦେଇଛନ୍ତି ଏବଂ ଗିରଫ ଉପରେ ପ୍ରତିବନ୍ଧକ ଲଗାଇଛନ୍ତି । ହିଂସା ସୃଷ୍ଟି ଅଭିଯୋଗରେ ଶଶି ଥରୁର ଏବଂ ସାମ୍ବାଦିକ ରାଜଦୀପଙ୍କ ବିରୋଧରେ ଏଫଆଇଆର ଦାଖଲ କରାଯାଇଥିଲା । ଏହା ପରେ ସେ ସୁପ୍ରିମକୋର୍ଟଙ୍କ ନିକଟକୁ ଯାଇଥିଲେ ।

Supreme-Court-India

ଏହି ଆବେଦନ ଶୁଣାଣି ବେଳେ ସୁପ୍ରିମ କୋର୍ଟର ବିଚାରପଚି ଏସ ବୋବଡେଙ୍କ ନେତୃତ୍ୱରେ ଏକ ବେଞ୍ଚ ସାଂସଦ ଶଶି ଥରୁର, ସାମ୍ବାଦିକ ରାଜଦୀପ, ବିନୋଦ ଜୋସ, ମୃଣାଳ ପାଣ୍ଡେ, ଜାଫର ଆଗା, ଅନନ୍ତ ନାଥ ଏବଂ ପରେଶ ନାଥଙ୍କ ଗିରଫଦାରୀକୁ ସ୍ଥଗିତ ରଖିଛନ୍ତି । 26 ଜାନୁଆରୀରେ ଏକ କୃଷକ ଟ୍ରାକ୍ଟର ରାଲିରେ ଜଣେ ବିକ୍ଷୋଭକାରୀଙ୍କ ମୃତ୍ୟୁ ସମ୍ପର୍କରେ ଅପ୍ରତ୍ୟାଶିତ ଖବର ପ୍ରସାର ଅଭିଯୋଗରେ ଉତ୍ତରପ୍ରଦେଶ ଏବଂ ମଧ୍ୟପ୍ରଦେଶରେ ସେମାନଙ୍କ ବିରୋଧରେ ଦାଖଲ ହୋଇଥିବା ଏଫ୍ଆଇଆର୍ ବାତିଲ ଉପରେ ବେଞ୍ଚ ବିଜ୍ଞପ୍ତି ଜାରି କରିଛି ।

ହିଂସାକୁ ପ୍ରୋତ୍ସାହିତ କରିବାର ଅଭିଯୋଗ

ସୂଚନାଯୋଗ୍ୟ, ଜାନୁଆରୀ 26 ରେ କୃଷକଙ୍କ ଟ୍ରାକ୍ଟର ସମାବେଶରେ କିଛି ଆନ୍ଦୋଳନକାରୀ ଟ୍ରାକ୍ଟର ସହିତ ଲାଲକିଲ୍ଲାରେ ପ୍ରବେଶ କରି ହିଂସା ଘଟାଇଥିଲେ । ଏହି ହିଂସାରେ ଜଣଙ୍କର ମୃତ୍ୟୁ ହୋଇଥିବାବେଳେ 400 ରୁ ଅଧିକ ପୋଲିସ କର୍ମଚାରୀ ଆହତ ହୋଇଥିଲେ । ଏହା ଉପରେ କଂଗ୍ରେସ ସାଂସଦ ଶଶି ଥରୁର ଏବଂ 6 ଜଣ ସାମ୍ବାଦିକ ନିଜ ଟ୍ୱିଟରରୁ ଅପ୍ରତ୍ୟାଶିତ ଖବର ପ୍ରସାର କରିଥିଲେ । ଦିଲ୍ଲୀ, ଉତ୍ତରପ୍ରଦେଶ ଏବଂ ମଧ୍ୟପ୍ରଦେଶରେ ଭୁଲ ତଥ୍ୟ ବିସ୍ତାର କରିଥିବା ଅଭିଯୋଗରେ ତାଙ୍କ ବିରୋଧରେ ଅନେକ ପୋଲିସ ମାମଲା ରୁଜୁ ହୋଇଛି । ଏହା ମଧ୍ୟରେ ଦେଶଦ୍ରୋହ, ଅପରାଧିକ ଷଡଯନ୍ତ୍ର ଏବଂ ଶତ୍ରୁତାକୁ ପ୍ରୋତ୍ସାହିତ କରିବା ସହିତ ଅନେକ ଅଭିଯୋଗ ରହିଛି ।

ଆମକୁ ଫୋଲୋ କରନ୍ତୁ
Instagram Youtube
English summary
Supreme Court Bans Arrest Of Shashi Tharoor And Rajdeep Sardesai.
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X